Daniël 1:8 - Die Bybel 2020-vertaling

⁸ Daniël was egter vas van voorneme dat hy homself nie sou besoedel met die koning se kos en die wyn wat die koning gedrink het nie. Hy het toe die toesighouer oor die paleisamptenare vergunning gevra dat hy homself nie hoef te besoedel nie.

Bybel vir almal

⁸ Daniël het besluit hy wil nie die koning se kos eet en sy wyn drink nie, want as hy dit doen, dan sal hy onrein word. Hy het gevra of Aspenas tevrede sal wees as hy nie die koning se kos eet nie, want hy wil nie onrein word nie.

Afrikaans 1933-1953

⁸ En Daniël het hom voorgeneem om hom nie te verontreinig met die spys van die koning of met die wyn wat hy gedrink het nie; daarom het hy die owerste van die hofdienaars vergunning gevra dat hy hom nie hoef te verontreinig nie.

Afrikaans 1983

⁸ Daniël het hom voorgeneem om hom nie met die koning se kos en wyn te verontreinig nie en hy het die hoofpaleisbeampte vergunning gevra om dit nie te gebruik nie.

Contemporary Afrikaans Bible 2023

⁸ Maar Daniël het in sy hart voorgeneem dat hy hom nie sou verontreinig met die deel van die koning se spys of met die wyn wat hy gedrink het nie; daarom het hy die owerste van die hofdienaars gevra om hom nie te verontreinig nie.

Die Boodskap

⁸ Daniël het besluit om nie van die koning se ryk kos en wyn te eet en te drink nie. Dan sou hy ongehoorsaam wees aan die Israelitiese reëls oor wat ’n mens mag eet en wat nie. Daarom het hy die hoofbeampte van die paleis se toestemming gevra om dit nie te doen nie.

Daniël 1:8 Kruisverwysings

1 Konings 5:5

Kyk, ek dink daaraan om 'n tempel vir die Naam van die Here my God te bou, soos die Here vir my vader Dawid gesê het, ‘Jou seun wat Ek in jou plek op jou troon sal plaas, dit is hy wat die tempel vir my Naam sal bou.’

Psalms 106:28

Hulle het hulle ook aan Baäl-Peor verbind en offerandes aan dooies geëet.

Psalms 119:106

Ek het 'n eed afgelê – en daarby gehou – om u regverdige beslissings na te kom.

Psalms 119:115

Gaan weg van my, julle kwaaddoeners, sodat ek by die gebooie van my God kan hou.

Psalms 141:4

Moet my hart nie laat neig na iets wat sleg is nie, sodat ek nie deur 'n misstap roekeloos optree saam met manne wat onreg pleeg nie; laat ek tog nie aan hulle lekkernye proe nie.

Spreuke 23:3

Moenie sy lekkernye begeer nie, want dit is misleidende kos.

Daniël 1:5

Vir hulle het die koning, volgens die vereistes van elke dag, van die koning se kos en van die wyn wat hy gedrink het, voorgeskryf, sodat hulle vir drie jaar lank opgevoed kon word om aan die einde daarvan in diens van die koning te kan staan.

Daniël 5:4

Hulle het wyn gedrink en die gode van goud, silwer, koper, yster, hout en klip geprys.

Handelinge 11:23

Toe hy daar aankom en die genade van God sien, was hy bly en het almal aangemoedig om met vaste voorneme van hart aan die Here getrou te bly.

Handelinge 15:20

maar dat ons vir hulle moet skryf om weg te bly van dit wat deur afgode besoedel is, van hoerery, van wat verwurg is, en van bloed.

1 Korinthiërs 7:37

Maar iemand wat in sy hart vas oortuig is – nie uit noodsaak nie, maar deur volle beheer oor sy wil – en in sy hart besluit om sy maagd te eerbiedig, tree reg op.

2 Korinthiërs 9:7

Laat elkeen gee soos hy vooraf in sy hart besluit het – nie met droefheid of onder dwang nie, want God het 'n blymoedige gewer lief.

Deuteronomium 32:38

wat die vet van hulle slagoffers geëet, en die wyn van hulle •drankoffers gedrink het? Laat hulle opstaan en julle help, laat hulle oor julle 'n beskutting wees.