2 Samuel 7:25 - Die Bybel 2020-vertaling

²⁵ Here, God, doen dan nou die woord gestand wat U gespreek het oor u dienskneg en sy huis, vir altyd; doen wat U gesê het,

Bybel vir almal

²⁵ En nou, Here, U het dinge belowe oor my, u dienaar, en oor my koningshuis. U moet nou daardie dinge waar laat word, dit moet nog lank so wees. U moet doen wat U gesê het.

Afrikaans 1933-1953

²⁵ Laat dan nou, Here God, die woord wat U oor u kneg en oor sy huis gespreek het, in vervulling gaan tot in ewigheid, en doen soos U gespreek het;

Afrikaans 1983

²⁵ En nou, Here God, bevestig tog vir altyd wat U oor u dienaar en sy nageslag gesê het. Doen tog soos U belowe het,

Contemporary Afrikaans Bible 2023

²⁵ En nou, HERE God, die woord wat U oor u kneg en oor sy huis gespreek het, bevestig dit vir ewig, en doen soos U gespreek het.

Die Boodskap

²⁵ “Nou vra ek, Here my God, dat U asseblief die belofte wat U gemaak het vir hierdie werker van U en vir sy familie, vir altyd waar sal maak; ja, dat U sal doen wat U gesê het U gaan doen.

Nuwe Lewende Vertaling

²⁵ “En nou, Here God, doen wat U belowe het oor my en my nageslag en bevestig dit vir altyd

2 Samuel 7:25 Kruisverwysings

Genesis 32:12

U het self gesê, ‘Ek sal beslis aan jou goed doen en jou nageslag maak soos die sand van die see, wat vanweë die hoeveelheid nie getel kan word nie.’ ”

2 Samuel 7:24

U het u volk Israel vir U as volk gevestig vir altyd. U, Here, U het hulle God geword.

2 Samuel 7:26

sodat u Naam vir ewig groot sal wees, en daar gesê sal word, ‘Die Here, Heerser oor alle magte, is God oor Israel.’ En wat die huis van u dienskneg Dawid betref, mag dit voor U in stand bly,

1 Konings 2:4

Doen dit, sodat die Here sy woord wat Hy oor my gespreek het, gestand kan doen, naamlik, ‘As jou seuns let op hulle gedrag deur getrou, met hulle hele hart en hulle hele wese, voor My te leef, dan’ het Hy gesê, ‘sal daar nooit vir jou iemand ontbreek op die troon van Israel nie’.

1 Konings 8:26

Daarom, o God van Israel, laat u belofte wat U aan u dienskneg, my vader Dawid, gemaak het, tog waar word.

2 Kronieke 6:17

Daarom, Here, God van Israel, laat u belofte wat U gemaak het aan u dienskneg, my vader Dawid, tog waar word.

Psalms 119:38

Doen u woord gestand aan u dienskneg – u woord wat ontsag wek vir U.

Psalms 119:49

Dink aan u woord aan u dienskneg waarmee U aan my hoop gegee het.

Esegiël 36:37

“ ‘So sê my Heer, die Here: “Ook nog dit sal Ek die huis van Israel toelaat om van My te vra dat Ek dit vir hulle doen: Ek sal hulle vermeerder; soos kleinvee sal die mense wees.

1 Samuel 1:23

Haar man, Elkana, het vir haar gesê: “Maak soos jy goedvind. Bly maar totdat jy hom gespeen het. Mag die Here net sy woord gestand doen.” Die vrou het toe tuis gebly en haar seun gevoed totdat sy hom gespeen het.