2 Samuel 7:15 - Die Bybel 2020-vertaling

¹⁵ Maar my troue liefde sal nie van hom wyk nie, soos wat Ek dit aan Saul onttrek het wat Ek voor jou verwyder het.

Bybel vir almal

¹⁵ Ek sal aanhou om vir hom te doen wat Ek belowe het. Ek het dit nie gedoen vir Saul wat vóór jou koning was nie.

Afrikaans 1933-1953

¹⁵ Maar my goedertierenheid sal van hom nie wyk nie, soos Ek dit onttrek het aan Saul wat Ek voor jou aangesig verwyder het.

Afrikaans 1983

¹⁵ Maar my trou sal Ek nie aan hom onttrek soos Ek dit aan Saul onttrek het om vir jou plek te maak nie.

Contemporary Afrikaans Bible 2023

¹⁵ Maar my goedertierenheid sal van hom nie wyk nie, soos Ek dit van Saul geneem het, wat Ek voor jou weggesit het.

Die Boodskap

¹⁵ Maar Ek sal nie my rug vir hom draai soos Ek dit met Saul gedoen het en jou toe in sy plek gesit het nie.

Nuwe Lewende Vertaling

¹⁵ Maar my troue liefde sal Ek nie van hom af wegneem soos Ek dit tot jou voordeel van Saul af weggeneem het nie.

2 Samuel 7:15 Kruisverwysings

2 Samuel 7:14

Ek sal vir hom 'n vader wees, en hy sal vir My 'n seun wees. Daarom, wanneer hy afdwaal, sal Ek hom straf met 'n stok wat manne gebruik en met houe wat mense toedien.

2 Samuel 7:16

Jou huis en jou koningskap sal vir altyd bestendig wees voor My, jou troon sal vir altyd in stand bly.” ’ ”

1 Konings 11:13

Die hele koninkryk sal Ek egter nie wegskeur nie. Een stam sal Ek vir jou seun gee, ter wille van Dawid, my dienskneg, en ter wille van Jerusalem, wat Ek gekies het. ”

Psalms 89:28

Ek sal hom dan •eersgeborene maak, die hoogste van die konings van die aarde.

Psalms 89:31

“As sy seuns van my wet afwyk, volgens my beslissings nie leef nie;

Psalms 89:33

sal Ek hulle oortreding met slae straf en hulle sondeskuld met houe.

Psalms 89:34

Maar my troue liefde sal Ek nie aan hom onttrek nie, en Ek sal nie my trou verloën nie.

Psalms 89:49

Watter jong man leef en sien nie die dood nie; wie kan sy lewe aan die mag van die •doderyk laat ontkom? Sela

Jesaja 37:35

‘Ek sal hierdie stad afskerm om dit te red, om my ontwil en ter wille van Dawid, my dienskneg. ’ ”

Jesaja 55:3

Maak julle ore oop en kom na My toe; luister, sodat julle kan leef! Ek wil met julle 'n ewige verbond sluit, getrou aan die bestendige liefde vir Dawid.

Jesaja 9:7

My Heer het 'n woord gestuur teen Jakob, en dit het in Israel geval.

1 Samuel 15:23

Ja, opstandigheid is soos die sonde van waarsêery, en eiesinnigheid soos die euwel van huisgode. Omdat jy die woord van die Here verwerp het, het Hy jou as koning verwerp. ”

1 Samuel 15:26

Maar Samuel het vir Saul gesê: “Ek sal nie saam met jou teruggaan nie. Omdat jy die woord van die Here verwerp het, het die Here jou verwerp as koning oor Israel.”

1 Samuel 15:28

Samuel sê toe vir hom: “Die Here het vandag die koningskap van Israel van jou afgeskeur en Hy het dit aan jou medemens gegee wat beter as jy is.

1 Samuel 16:14

Die Gees van die Here het van Saul gewyk, en 'n bose gees wat van die Here af kom, het hom beangs gemaak.

1 Samuel 19:24

Ook hy het sy klere uitgetrek, en ook hy was in geestesvervoering in Samuel se teenwoordigheid. Daardie hele dag en nag het hy kaal daar gelê. Daarom word daar gesê: “Is Saul ook onder die profete?”