2 Samuel 3:27 - Die Bybel 2020-vertaling

²⁷ Toe Abner na Hebron terugkeer, het Joab hom eenkant toe geneem in die stadspoort om vertroulik met hom te praat. Daar het hy hom in die maag gesteek. Hy het gesterf oor die bloed van Asael, Joab se broer.

Bybel vir almal

²⁷ Toe Abner terugkom in Hebron, het Joab hom eenkant toe geneem in die poort. Hy het gesê hy wil alleen met Abner praat. Maar toe steek Joab vir Abner in sy maag omdat Abner vir Asael, Joab se broer, doodgemaak het. Abner het gesterf.

Afrikaans 1933-1953

²⁷ Toe Abner dan in Hebron terugkom, het Joab hom eenkant toe gelei in die middel van die poort om vertroulik met hom te praat en hom daar in die onderlyf gesteek, sodat hy gesterf het, oor die bloed van sy broer Ásahel.

Afrikaans 1983

²⁷ Abner het teruggekom na Hebron toe, en Joab het hom na die poort se kant toe weggelei asof hy vertroulik met hom wou praat. Uit weerwraak oor die dood van sy broer Asael het Joab hom toe net daar in die maag gesteek, sodat hy gesterf het.

Contemporary Afrikaans Bible 2023

²⁷ En toe Abner na Hebron teruggekeer het, het Joab hom in die poort eenkant toe geneem om rustig met hom te praat en hom daar onder die vyfde rib geslaan, sodat hy gesterf het weens die bloed van sy broer Asahel.

Die Boodskap

²⁷ Toe hy in Hebron kom, het Joab hom eenkant toe in die poort van die dorp gevat om kamma vertroulik met hom te praat. Maar net daar het Joab hom met ’n mes in die maag gesteek. Hy is op die plek dood. Joab het dit gedoen om sy broer Asael se dood te wreek.

Nuwe Lewende Vertaling

²⁷ Toe Abner terug is by Hebron, neem Joab hom eenkant na die poort toe asof hy vertroulik met hom wou praat. Toe pluk hy sy dolk uit en steek hom in die maag sodat hy sterf. Dit het hy gedoen uit weerwraak omdat Abner sy broer Asael doodgemaak het.

2 Samuel 3:27 Kruisverwysings

2 Samuel 13:26

Absalom sê toe: “As u nie kan nie, laat my broer Amnon asseblief saam met ons gaan.” “Waarom moet hy dan saam met jou gaan?” het die koning gevra.

2 Samuel 19:13

En vir Amasa moet julle sê, ‘Is jy nie my bloedfamilie nie? Mag God my swaar straf as jy nie vir goed in my diens die bevelvoerder van die leër word in die plek van Joab nie!’ ”

2 Samuel 3:26

Joab het van Dawid af vertrek en boodskappers agter Abner aan gestuur. Hulle het hom van die opgaarput by Sira af teruggebring. Dawid het dit egter nie geweet nie.

2 Samuel 3:28

Toe Dawid agterna daarvan hoor, het hy gesê: “Ek en my koninkryk is by die Here vir altyd onskuldig aan die bloed van Abner, seun van Ner.

2 Samuel 4:1

Toe Saul se seun, Is-Boset, hoor dat Abner gesterf het in Hebron, het hy moed verloor. Die hele Israel was angsbevange.

1 Konings 2:32

Mag die Here sy bloed op sy eie kop laat neerkom, hy wat twee manne, regverdiger en beter as hy, aangeval en met die swaard vermoor het sonder my vader Dawid se medewete: Abner, seun van Ner, die bevelvoerder van die leër van Israel, en Amasa, seun van Jeter, die bevelvoerder van die leër van Juda.

1 Konings 2:5

“Jy self weet ook wat Joab, seun van Seruja, aan my gedoen het, wat hy aan die twee bevelvoerders van die leërs van Israel, aan Abner, seun van Ner, en aan Amasa, seun van Jeter, gedoen het. Hy het hulle vermoor en die bloedskuld van oorlog op hom gelaai in vredestyd. Hy het die bloedskuld van oorlog op die gordel om sy heupe en die sandale aan sy voete laat kom.

1 Kronieke 27:21

vir die halwe stam van Manasse in Gilead was dit Jiddo, seun van Sagaria; vir Benjamin was dit Jaäsiël, seun van Abner;

Spreuke 26:26

Al word sy haat deur misleiding verberg, sy boosheid sal in die byeenkoms onthul word.

Jeremia 41:2

het Ismael, seun van Netanja, en die tien manne wat by hom was, opgestaan en Gedalja, seun van Agikam, seun van Safan, met die swaard neergevel en hom doodgemaak – hy wat deur die koning van Babilonië in die land aangestel is.

Numeri 35:19

Die bloedwreker, hy moet die moordenaar doodmaak. Wanneer hy hom raakloop, moet hy hom doodmaak.

Numeri 35:20

En as iemand uit haat 'n ander gestamp of iets met opset na hom gegooi het, en hy sterf,

Deuteronomium 27:24

“ ‘Vervloek is die een wat sy naaste in die geheim doodslaan.’ En die hele volk moet ‘Amen’ sê.