2 Samuel 24:21 - Die Bybel 2020-vertaling

²¹ Arauna sê toe: “Waarom kom my heer die koning na sy dienaar?” Daarop antwoord Dawid: “Om die dorsvloer by jou te koop, om vir die Here 'n altaar te bou, sodat die plaag van die manskappe afgewend kan word.”

Bybel vir almal

²¹ Hy het gevra: “Hoekom kom Meneer die koning na my toe?” Dawid het gesê: “Ek kom om jou dorsvloer te koop. Ek moet vir die Here 'n altaar bou sodat die mense kan ophou sterf.”

Afrikaans 1933-1953

²¹ En Arauna het gesê: Waarom kom my heer die koning na sy dienaar? Daarop sê Dawid: Om die dorsvloer van jou te koop, om vir die Here 'n altaar te bou, sodat die plaag onder die volk kan ophou.

Afrikaans 1983

²¹ “Waarom kom die koning na sy dienaar toe?” vra Arauna. “Om die dorsvloer van jou te koop en 'n altaar vir die Here daarop te bou, sodat die plaag van die volk af weggeneem kan word,” antwoord Dawid.

Contemporary Afrikaans Bible 2023

²¹ En Arauna sê: Waarom het my heer die koning na sy dienaar gekom? En Dawid het gesê: Om vir jou die dorsvloer te koop, om vir die HERE 'n altaar te bou, sodat die plaag van die volk teruggehou kan word.

Die Boodskap

²¹ Arauna vra toe: “U Majesteit, waarom kom u na my toe?” “Ek wil jou dorsvloer koop om vir die Here ’n altaar te bou,” sê Dawid vir hom, “sodat die pessiekte wat die mense doodmaak, kan ophou.”

Nuwe Lewende Vertaling

²¹ “Hoekom kom my heer na sy dienaar toe?” vra Arauna. Dawid het geantwoord: “Ek het gekom om jou dorsvloer te koop om daar ’n altaar vir die Here te bou sodat die Here die plaag kan stop.”

2 Samuel 24:21 Kruisverwysings

Genesis 50:10

Toe hulle by Goren-Haätad oorkant die Jordaan aankom, het hulle daar 'n groot en besonder plegtige roubeklag gehou. Hy het sewe dae lank 'n rouseremonie gehou vir sy vader.

2 Samuel 24:18

Gad het dieselfde dag nog by Dawid gekom en vir hom gesê: “Gaan op na die dorsvloer van Arauna, die Jebusiet, en rig vir die Here daar 'n altaar op.”

2 Samuel 24:20

en toe Arauna afkyk en die koning en sy dienaars na hom sien aankom, het hy uitgegaan en voor die koning diep neergebuig met sy gesig teen die grond.

2 Samuel 24:3

Maar Joab het vir die koning gesê: “Mag die Here u God by die manskappe nog 'n honderd maal soveel byvoeg as wat hulle is, terwyl my heer die koning dit sien! Maar, my heer die koning, waarom wil u dit so graag doen?”

1 Kronieke 21:22

Daarop sê Dawid vir Ornan: “Gee asseblief vir my die plek met die dorsvloer; ek wil 'n altaar vir die Here daarop bou. Teen die volle bedrag geld moet jy dit vir my gee, sodat die plaag van die manskappe afgewend kan word.”

Psalms 106:30

Pinehas het opgestaan, tussenbeide getree, en die plaag is gestuit.

Numeri 25:8

Hy het agter die Israelitiese man in die vrouetent ingegaan, en hy het al twee deurboor, die Israelitiese man en die vrou, tot in haar maag. Die plaag onder die Israeliete het toe opgehou.