2 Samuel 24:1 - Die Bybel 2020-vertaling

¹ Die toorn van die Here het weer teen Israel ontbrand. Hy het Dawid teen hulle opgesteek met die woorde: “Gaan tel Israel en Juda.”

Bybel vir almal

¹ Eendag was die Here weer kwaad vir die Israeliete. Die Here het vir Dawid laat besluit om iets te doen waaroor die Here die Israeliete kon straf. Hy het vir Dawid gesê: “Jy moet die mense van Israel en Juda tel.”

Afrikaans 1933-1953

¹ EN die toorn van die Here het weer teen Israel ontvlam, en Hy het Dawid teen hulle aangehits en gesê: Gaan tel Israel en Juda.

Afrikaans 1983

¹ Op 'n keer was die Here vertoorn op Israel. Hy het Dawid teen hulle aangehits en gesê: “Gaan tel die Israeliete en die Judeërs.”

Contemporary Afrikaans Bible 2023

¹ En weer het die toorn van die HERE teen Israel ontvlam, en Hy het Dawid teen hulle aangehits om te sê: Gaan tel Israel en Juda.

Die Boodskap

¹ Die Here het weer ’n keer vir die Israeliete kwaad geword. Toe het Hy Dawid teen hulle opgesteek en gesê: “Gaan hou ’n sensus in Israel en Juda.”

Nuwe Lewende Vertaling

¹ Die woede van die Here het weer teen Israel ontvlam. Hy het Dawid beïnvloed. “Gaan tel die Israeliete en die Judeërs,” het die Here vir hom gesê.

2 Samuel 24:1 Kruisverwysings

Genesis 45:5

Maar moet julle nou nie ontstel en julleself verwyt omdat julle my verkoop het en ek hier beland het nie; want dit is vir die behoud van lewens dat God my voor julle uit gestuur het.

Genesis 50:20

Julle het kwaad teen my beplan, maar God het dit vir iets goeds in gedagte gehad, met die doel om te doen wat vandag gebeur – om 'n groot volk aan die lewe te hou.

2 Samuel 12:11

“So sê die Here, ‘Kyk, Ek gaan onheil teen jou verwek uit jou eie huis. Ek sal jou vroue voor jou oë neem en aan jou naaste gee. Hy sal openlik by jou vroue slaap.

2 Samuel 16:10

Maar die koning het geantwoord: “Hoe moet ek julle verstaan, seuns van Seruja? Hy skel so omdat die Here vir hom gesê het, ‘Skel Dawid uit!’ Wie kan dan sê, ‘Waarom maak jy so?’ ”

2 Konings 3:6

Koning Joram het dieselfde dag nog uit Samaria uitgetrek en die hele Israel gemonster.

1 Kronieke 21:1

Satan het teen Israel opgestaan en Dawid opgesteek om Israel te tel.

1 Kronieke 7:2

Tola se seuns was Ussi, Refaja, Jeriël, Jagmai, Jibsam en Samuel. Hulle was hoofde van hulle families vir die Tola-groep, dapper krygers, volgens hulle familiegeskiedenis. Hulle getal in die tyd van Dawid was 22 600.

1 Kronieke 7:40

Hulle almal was Aser se nageslag: familiehoofde, uitgelese, dapper krygers, hoofde van leiers. Volgens hulle geslagsregister, met die oog op die leër in oorlogstyd, was hulle getal 26 000 man.

2 Kronieke 32:25

Omdat Hiskia se hart egter hoogmoedig geraak het, het hy nie in ooreenstemming met die weldaad teenoor hom gereageer nie. Toe het 'n oordeel uit toorn teen hom en teen Juda en Jerusalem losgebreek.

Eksodus 7:3

Maar Ek sal die farao se hart verhard en my tekens en wondertekens in Egipteland vermeerder.

Esegiël 14:9

“ ‘ “ En wat die profeet betref – as hy verlei word en 'n uitspraak maak, is dit Ek, die Here, wat daardie profeet verlei het. Ek sal my hand teen hom uitstrek en hom verdelg uit die midde van my volk Israel.

Esegiël 20:25

Op my beurt het Ek vir hulle voorskrifte toegelaat wat nie goed was nie, en bepalings waardeur hulle nie sou bly leef nie.

Levitikus 10:6

Moses het vir Aäron en sy seuns Eleasar en Itamar gesê: “Moenie julle hare laat loshang nie en moenie julle klere skeur nie, anders sterf julle en word die Here vertoornd vir die hele volksvergadering. Maar julle broers, die hele huis van Israel, mag treur oor die brand wat die Here laat ontvlam het.

Numeri 1:19

soos die Here Moses beveel het. Moses het hulle in die Sinaiwoestyn ingeskryf.

Handelinge 4:28

om alles te doen wat U deur u hand en u plan vooruit beskik het dat dit gebeur.

2 Thessalonisense 2:11

En daarom laat God die krag van dwaling oor hulle kom, sodat hulle die leuen sal glo,

Rigters 2:14

Die toorn van die Here het teen Israel ontbrand. Hy het hulle oorgelewer in die hand van plunderaars, en dié het hulle geplunder. Hy het hulle oorgelewer in die hand van hulle vyande rondom hulle. Hulle kon nie meer standhou voor hulle vyande nie.

Rigters 2:20

Dan het die toorn van die Here teen Israel ontbrand, en Hy het gesê: “Omdat hierdie nasie my verbond wat Ek hulle voorvaders opgelê het, oortree het, en nie na my stem geluister het nie,

1 Samuel 26:19

“ Daarom moet my heer die koning asseblief na die woorde van sy dienaar luister: As dit die Here is wat u teen my aangehits het, laat Hy die geur van 'n •graanoffer ruik. Maar as dit mense is, vervloek is hulle voor die Here, want hulle het my vandag verdryf, weg van deelname aan die erfenis van die Here deur te sê, ‘Gaan dien ander gode!’