2 Samuel 23:10 - Die Bybel 2020-vertaling

¹⁰ het hy vasgestaan en die Filistyne neergevel totdat sy hand so moeg was dat dit aan die swaard vasgekramp was. Die Here het daardie dag 'n groot oorwinning bewerk. Die manskappe het teruggedraai na Eleasar – net om die dooies te plunder.

Bybel vir almal

¹⁰ maar Eleasar het bly staan en hy het Filistyne plat geslaan. Hy het aangehou totdat sy arm moeg was en sy hand vasgesit het aan die swaard. Die Here het hom laat wen teen al die Filistyne, en die ander manne van Israel het teruggekom net om die Filistyne se goed te vat.

Afrikaans 1933-1953

¹⁰ het hy opgestaan en onder die Filistyne geslaan totdat sy hand moeg geword en sy hand aan die swaard gekleef het, sodat die Here daardie dag 'n groot oorwinning bewerk het. En die manskappe het teruggekom agter hom aan net om te buit.

Afrikaans 1983

¹⁰ het hy bly staan en Filistyne afgemaai totdat hy later nie meer sy hand kon oopmaak om sy swaard te los nie. Daardie dag het die Here groot uitkoms gegee. En toe eers het die manskappe vir Eleasar gevolg, net om te plunder.

Contemporary Afrikaans Bible 2023

¹⁰ Hy het opgestaan en die Filistyne verslaan totdat sy hand moeg was en sy hand aan die swaard gekleef het; en die HERE het daardie dag 'n groot oorwinning bewerk; en die manskappe het agter hom aan teruggekeer net om te plunder.

Die Boodskap

¹⁰ maar Eleasar het bly staan en teen die Filistyne geveg tot hy ’n kramp in sy hand gekry het en nie sy swaard kon los nie. Die Here het daardie dag ’n groot slag vir die Israeliete geslaan. Die manskappe het hom later gaan help, maar eintlik was dit maar net om die klere en wapens van die lyke af te haal.

Nuwe Lewende Vertaling

¹⁰ maar hy het bly staan en die Filistyne afgemaai totdat sy hand so moeg geword het dat hy nie sy hand kon oopmaak en sy swaard kon los nie. Daardie dag het die Here ’n groot oorwinning gegee. Toe eers het die leër Eleasar gevolg, maar net om te plunder.

2 Samuel 23:10 Kruisverwysings

2 Samuel 23:12

het Samma stelling ingeneem in die middel van die land en dit teruggevat. Hy het die Filistyne verslaan, en die Here het 'n groot oorwinning bewerk.

2 Konings 5:1

Naäman, die bevelvoerder van die koning van Aram se leër, was 'n invloedryke man by sy heer, en hoog in aansien, want deur hom het die Here aan Aram 'n oorwinning gegee. Maar die man, 'n dapper kryger, het 'n velsiekte gehad.

1 Kronieke 11:13

Hy was by Dawid in Pas-Dammim toe die Filistyne daar vir die geveg byeen was. Daar was 'n stuk land vol gars, en toe die manskappe voor die Filistyne uit vlug,

Psalms 108:13

Kom ons te hulp teen teenstanders – die hulp van mense is nutteloos.

Psalms 144:10

U wat aan konings die oorwinning gee, wat Dawid, u dienskneg, bevry van 'n dodelike swaard.

Psalms 68:12

My Heer het 'n boodskap uitgestuur; die vroue wat die goeie tyding bring, is 'n groot skare:

Jesaja 53:12

Daarom sal Ek aan hom 'n deel gee onder baie; en met magtiges sal hy buit verdeel, omdat hy sy lewe blootgestel het aan die dood, en by oortreders gereken is. Hy het egter die sonde van baie gedra; vir oortreders het hy ingetree.

Romeine 15:18

Ek sal dit inderdaad nie waag om oor iets anders te praat as wat Christus deur my gedoen het om die heidene tot gehoorsaamheid te bring nie – deur woord en daad,

2 Korinthiërs 4:5

Ons verkondig immers nie onsself nie, maar Jesus Christus as Here, en onsself as julle diensknegte, ter wille van Jesus.

Josua 10:10

Die Here het hulle verward laat raak voor Israel, en Josua het hulle 'n groot nederlaag toegedien by Gibeon. Hy het hulle agtervolg in die rigting van die opdraande by Bet-Goron, en hulle afgemaai tot by Aseka en Makkeda.

Josua 10:42

al hierdie konings en hulle land het Josua met een veldtog verower, want die Here, die God van Israel, het vir Israel geveg.

Josua 11:8

Die Here het hulle in die hand van Israel gegee, en Israel het hulle verslaan en agtervolg tot by Groot-Sidon, Misrefot-Majim en die Mispevallei in die ooste. Hulle het hulle verslaan, totdat daar van hulle niemand oor was wat ontvlug het nie.

Rigters 15:14

Toe hy by Legi aankom, het die Filistyne hom juigend tegemoetgegaan. Maar die Gees van die Here het van hom besit geneem, en die toue wat om sy voorarms was, het geword soos vlas wat vlam vat – die koorde het van sy hande af gesmelt.

Rigters 15:18

Hy was baie dors en het na die Here geroep. Hy het gesê: “Dit is U wat deur die hand van u dienskneg hierdie groot oorwinning bewerk het. Moet ek dan nou van die dors sterf, en in die hand van die onbesnedenes val?”

1 Samuel 11:13

Maar Saul het gesê: “Niemand mag op hierdie dag doodgemaak word nie, want vandag het die Here redding bewerk in Israel.”

1 Samuel 14:23

Die Here het Israel daardie dag verlos. Die geveg het voortgewoed tot anderkant Bet-Awen.

1 Samuel 14:6

Jonatan sê toe vir die jong man wat sy wapens dra: “Kom ons gaan oor na die garnisoen van hierdie onbesnedenes. Miskien help die Here ons, want daar is vir die Here geen beperking om deur baie of deur min te verlos nie.”

1 Samuel 17:53

Daarna het die Israeliete teruggekeer van die hakkejag op die Filistyne en hulle kampe geplunder.

1 Samuel 19:5

Hy het sy lewe in sy hand geneem en die Filistyn verslaan; en die Here het 'n groot oorwinning bewerk vir die hele Israel. U het dit gesien en was verheug. Waarom sal u dan verkeerd doen deur onskuldige bloed te stort en Dawid sonder rede doodmaak?”