2 Samuel 22:23 - Die Bybel 2020-vertaling

²³ Ja, ek hou al sy wette voor oë, en sy vaste voorskrifte – daarvan wyk ek nie af nie.

Bybel vir almal

²³ Ek het onthou wat Hy gesê het ek moet doen, ek het gedoen wat Hy beveel het.

Afrikaans 1933-1953

²³ Want al sy verordeninge was voor my, en sy insettinge — daar het ek nie van afgewyk nie.

Afrikaans 1983

²³ ek het my deur al sy bepalings laat lei en nie van sy voorskrifte afgewyk nie.

Contemporary Afrikaans Bible 2023

²³ Want al sy verordeninge was voor my, en wat sy insettinge betref, ek het nie daarvan afgewyk nie.

Die Boodskap

²³ Ek dink gedurig aan alles wat Hý wil hê ek moet doen; ek maak soos Hy sê.

Nuwe Lewende Vertaling

²³ Sy voorskrifte het ek gevolg en van sy bepalings nie afgewyk nie.

2 Samuel 22:23 Kruisverwysings

Psalms 119:102

Van u beslissings het ek nie afgewyk nie, want dit is U wat my onderrig.

Psalms 119:128

Daarom volg ek alle opdragte oor alles; elke pad van bedrog haat ek.

Psalms 119:13

Met my lippe vertel ek van al die beslissings van u mond.

Psalms 119:30

Die pad van eerlikheid het ek gekies; u beslissings hou ek voor oë.

Psalms 119:6

Dan sal ek nie beskaamd staan, terwyl ek op al u bevele let nie.

Psalms 119:86

Al u bevele is betroubaar, maar hulle vervolg my sonder rede. Help my!

Lukas 1:6

Hulle was albei •regverdig in die oë van God en het onberispelik volgens al die gebooie en voorskrifte van die Here geleef.

Johannes 15:14

Julle is my vriende as julle doen wat Ek julle beveel.

Deuteronomium 17:20

homself nie hoër te ag as sy volksgenote nie, en nie links of regs af te wyk van die gebod nie. Dan sal hy 'n lang tyd oor sy koninkryk in Israel heers, hy en ook sy nageslag.”

Deuteronomium 7:12

As beloning daarvoor dat julle hierdie wette gehoorsaam, dit nakom en dit uitvoer, sal die Here jou God vir jou die verbond en troue liefde in stand hou wat Hy aan jou voorvaders met 'n eed bevestig het.

Deuteronomium 8:11

“ Wees versigtig dat jy nie die Here jou God vergeet deur nie sy gebooie, sy beslissings en vaste voorskrifte wat ek vandag vir jou voorskryf, na te kom nie.