2 Samuel 2:6 - Die Bybel 2020-vertaling

⁶ Mag die Here dan nou aan julle guns en trou bewys. Ook ek sal julle beloon vir hierdie daad wat julle gedoen het.

Bybel vir almal

⁶ En nou bid ek dat die Here lief sal wees vir julle en dat Hy ook goed sal doen aan julle. Ek sal self ook goed wees vir julle omdat julle hierdie goeie ding gedoen het.

Afrikaans 1933-1953

⁶ Mag die Here julle dan nou guns en trou bewys, en ek self bewys ook hierdie goedheid aan julle, omdat julle hierdie ding gedoen het.

Afrikaans 1983

⁶ Mag die Here ook aan julle liefde en trou betoon. Ek self sal ook nog 'n weldaad aan julle bewys omdat julle dit gedoen het.

Contemporary Afrikaans Bible 2023

⁶ En nou het die HERE guns en trou aan julle bewys, en Ek sal julle ook hierdie guns vergelde, omdat julle hierdie ding gedoen het.

Die Boodskap

⁶ Die Here sal vir julle goed wees en julle onthou. Ek waardeer regtig wat julle gedoen het.

Nuwe Lewende Vertaling

⁶ Mag die Here ook aan julle getrou wees en julle beloon met sy onfeilbare liefde! Ek sal julle ook beloon vir wat julle gedoen het.

2 Samuel 2:6 Kruisverwysings

2 Samuel 10:2

Dawid sê toe: “Ek wil welwillendheid betoon teenoor Ganun, seun van Nagas, soos sy vader teenoor my welwillendheid betoon het.” Dawid stuur toe sy amptenare om met hom meegevoel te betuig oor sy vader. Toe die amptenare van Dawid in die gebied van die Ammoniete aankom,

2 Samuel 15:20

Jy het maar pas hier aangekom; en sou ek jou vandag laat rondswerf omdat jy saam met ons gaan? Ek moet gaan waar ek kan. Draai om, en laat jou mense omdraai. Mag guns en trou met jou wees.”

2 Samuel 2:7

Skep nou moed en wees onverskrokke, al is julle heer Saul dood. Net nog dit: Hulle, die huis van Juda, het my gesalf as koning oor hulle.”

2 Samuel 9:3

Die koning vra toe: “Is daar nog enigiemand oor van die huis van Saul, sodat ek aan hom guns kan bewys, soos ek voor God beloof het? ” Siba het die koning geantwoord: “Daar is nog 'n seun van Jonatan – hy het gebreklike voete.”

2 Samuel 9:7

Dawid het vir hom gesê: “Moenie bang wees nie, want ek sal beslis aan jou guns bewys ter wille van Jonatan, jou vader. Ek sal aan jou al die grond van Saul, jou voorvader, teruggee. Jy self sal gereeld aan my tafel brood eet.”

Psalms 57:3

Ek roep na God, die Allerhoogste, na God, wat namens my vergeld.

Eksodus 34:6

Die Here het reg voor hom verbygegaan en uitgeroep: “Die Here, die Here, 'n barmhartige en genadige God, geduldig, oorvloedig in troue liefde en waarheid,

Spreuke 14:22

Is hulle wat kwaad beplan nie op 'n dwaalspoor nie, en is troue liefde en waarheid nie bestem vir hulle wat die goeie beplan nie?

Matteus 10:16

“Kyk, Ek stuur julle uit soos skape onder die wolwe. Wees dan behoedsaam soos slange en onskuldig soos duiwe.

Matteus 5:44

Maar Ek sê vir julle: Julle moet julle vyande liefhê en bid vir hulle wat julle vervolg,

Matteus 5:7

Gelukkig is die barmhartiges, want hulle sal barmhartigheid ontvang.

Josua 2:14

Toe sê die manne vir haar: “Ons self staan in vir julle, tot die dood toe, as julle niks oor hierdie saak van ons bekend maak nie. Wanneer die Here hierdie land vir ons gee, sal ons aan jou guns en trou bewys.”

Rut 1:8

sê Naomi vir haar twee skoondogters: “Julle moet liewer teruggaan, elkeen na haar ma se huis. Mag die Here julle goed behandel soos wat julle die oorledenes en my goed behandel het.