2 Samuel 19:31 - Die Bybel 2020-vertaling

³¹ Ook Barsillai, 'n man uit Gilead, het van Rogelim af afgegaan en saam met die koning na die Jordaan getrek om hom daar by die Jordaan af te sien.

Bybel vir almal

³¹ Barsillai van die land Gilead het van die stad Rogelim gekom om saam met die koning deur die Jordaan-rivier te gaan en hom te groet.

Afrikaans 1933-1953

³¹ Barsíllai, die Gileadiet, het ook afgekom van Rógelim en met die koning oor die Jordaan getrek om hom oor die Jordaan weg te bring.

Afrikaans 1983

³¹ Barsillai die Gileadiet het van Rogelim af gekom vir die koning se oortog oor die Jordaan.

Contemporary Afrikaans Bible 2023

³¹ En Barsillai, die Gileadiet, het van Rogelim afgekom en saam met die koning deur die Jordaan getrek om hom oor die Jordaan te lei.

Die Boodskap

³¹ Barsillai, die man uit Gilead, het van Rogelim af gekom om die koning by die Jordaanrivier af te sien.

2 Samuel 19:31 Kruisverwysings

2 Samuel 19:30

Daarop sê Mefiboset vir die koning: “Hy kan ook maar alles neem nadat my heer die koning ongedeerd by sy paleis aangekom het.”

1 Konings 2:7

Aan die seuns van Barsillai, die man uit Gilead, moet jy egter welwillendheid bewys. Hulle moet onder dié wees wat aan jou tafel eet, want so het hulle my ook tegemoetgekom toe ek gevlug het voor jou broer Absalom.

Esra 2:61

Uit die nageslag van priesters was daar afstammelinge van Gobajja, Kos en Barsillai – 'n man wat uit die dogters van Barsillai, die man uit Gilead, 'n vrou geneem het, en toe na hulle vernoem is.

Nehemia 7:63

En van die priesters was daar: Die afstammelinge van Gobajja, Kos en Barsillai – 'n man wat uit die dogters van Barsillai, die man uit Gilead, 'n vrou geneem het, en toe na hulle vernoem is.