2 Samuel 18:18 - Die Bybel 2020-vertaling

¹⁸ Gedurende sy lewe het Absalom die gedenksteen wat daar in die vallei van die koning is, geneem en vir homself opgerig; want hy het gesê: “Ek het nie 'n seun om my naam in herinnering te hou nie.” Hy het toe die gedenksteen na homself vernoem, en dit word tot vandag toe die Gedenkteken van Absalom genoem.

Bybel vir almal

¹⁸ Toe Absalom nog gelewe het, het hy vir homself die klip-paal ingeplant in die Koning-vallei sodat mense sy naam sal onthou. Hy het gesê hy doen dit omdat hy nie 'n seun het nie. Mense noem die klip-paal tot vandag toe die gedenksteen van Absalom.

Afrikaans 1933-1953

¹⁸ En Absalom het gedurende sy lewe die gedenksteen wat in die koningsdal staan, geneem en vir homself opgerig met die woorde: Ek het geen seun om my naam in gedagtenis te hou nie; en hy het die gedenksteen na sy naam genoem, en dit word tot vandag toe genoem die gedenkteken van Absalom.

Afrikaans 1983

¹⁸ Dit was dieselfde Absalom wat die gedenkteken in die koningslaagte opgerig het om homself te vereer, omdat hy gesê het hy het nie meer 'n seun om sy naam in gedagtenis te hou nie. Daarom het hy die gedenkteken na homself vernoem en dit word nou nog genoem: “Absalom se Gedenkteken”.

Contemporary Afrikaans Bible 2023

¹⁸ En Absalom het in sy lewe 'n pilaar geneem en vir hom opgerig wat in die koningsdal is; want hy het gesê: Ek het geen seun om my naam in gedagtenis te hou nie; en hy het die pilaar na sy naam genoem; roep tot vandag toe, Absalom se plek.

Die Boodskap

¹⁸ In die Koningslaagte by Jerusalem is daar ook iets wat ’n mens aan Absalom laat dink. Hy het self daar ’n groot klip regop gesit en gesê: “Ek het mos nie ’n seun wat sal sorg dat ek onthou word nie.” Hy het die regop klip “Absalom se pilaar” genoem. Dis vandag nog die klip se naam.

Nuwe Lewende Vertaling

¹⁸ Terwyl hy nog gelewe het, het Absalom vir homself ’n gedenkteken in die Koningslaagte opgerig, want hy het gesê: “Ek het tog nie ’n seun wat my naam in gedagtenis kan hou nie.” Hy het die gedenkteken na homself vernoem en dit staan vandag nog bekend as “Absalom se Gedenkteken”.

2 Samuel 18:18 Kruisverwysings

Genesis 11:4

Hulle sê toe: “Kom ons bou vir ons 'n stad en 'n toring met sy bopunt in die hemel, sodat ons vir onsself naam maak; anders versprei ons oor die hele aarde.”

Genesis 11:9

Daarom word dit Babel genoem, want daar het die Here die taal van die hele aarde verwar. Daarvandaan het die Here hulle oor die hele aarde versprei.

Genesis 14:17

Ná sy terugkeer, toe hy Kedorlaomer en die konings by hom verslaan het, het die koning van Sodom uitgetrek om hom te ontmoet in die Sawevallei – dit is die vallei van die konings.

2 Samuel 14:27

Vir Absalom is daar drie seuns en 'n dogter gebore. Haar naam was Tamar. Sy was 'n besonder mooi vrou.

Psalms 109:13

Mag sy nageslag uitgeroei word – in die volgende geslag moet hulle name uitgewis word.

Psalms 49:11

'n Mens sien immers dat wyse mense sterf; saam met die dwaas en die onverstandige vergaan hulle en laat hulle besittings aan ander na.

Jesaja 22:16

‘Wat maak jy hier? Wie van jou mense is hier, dat jy hier vir jou 'n graf uitgekap het?’ ” Hy was besig om op 'n hoë plek sy graf uit te kap, om in die rots vir hom 'n tuiste uit te beitel.

Jeremia 22:30

So sê die Here: “Skryf hierdie man op as kinderloos, as 'n man wat nie sukses sal behaal in sy lewensdae nie; want uit sy nageslag sal niemand daarin slaag om op die troon van Dawid te sit en weer oor Juda te regeer nie.

Daniël 4:30

Die koning het toe begin praat en gesê: “Is dit nie die grote Babel wat ek tot 'n koninklike verblyf opgebou het deur die krag van my vermoë en tot verheerliking van my majesteit nie?”

Numeri 32:42

Nobag het gegaan en Kenat en omliggende dorpies ingeneem. Hy het dit sy eie naam, Nobag, gegee.

1 Samuel 15:12

Samuel het vroeg die oggend opgestaan om Saul te gaan ontmoet. Samuel is meegedeel: “Saul het in Karmel aangekom, en hy het sowaar vir homself 'n gedenkteken opgerig. Toe het hy omgedraai en verder gegaan; hy is af na Gilgal toe.”