2 Samuel 16:19 - Die Bybel 2020-vertaling

¹⁹ Boonop: Wie moet ek dan dien? Is dit nie sy seun nie? Soos ek in die teenwoordigheid van u vader gedien het, so sal ek voor u dien. ”

Bybel vir almal

¹⁹ En ook, vir wie sal ek werk? Ek wil vir my vriend se seun werk. Ek het vir jou pa gewerk, en nou wil ek ook so vir jou werk.”

Afrikaans 1933-1953

¹⁹ En ten tweede: Wie sal ék dien? Is dit nie voor die aangesig van sy seun nie? Soos ek voor u vader gedien het, so sal ek voor u wees.

Afrikaans 1983

¹⁹ Per slot van rekening: wie sal ek dien? Is dit nie sy seun nie? Net soos ek u vader gedien het, sal ek u dien.”

Contemporary Afrikaans Bible 2023

¹⁹ En verder, wie moet ek dien? moet ek nie dien voor sy seun nie? soos ek voor u vader se aangesig gedien het, so sal ek in u aangesig wees.

Die Boodskap

¹⁹ Buitendien, ek móét mos my vriend se seun dien. Soos ek vir u pa gewerk het, sal ek vir u werk.”

Nuwe Lewende Vertaling

¹⁹ “Wie sal ek dien? Behoort ek nie die seun te dien nie? Soos ek u pa gedien het, so sal ek nou vir u dien!”

2 Samuel 16:19 Kruisverwysings

2 Samuel 15:34

maar as jy na die stad terugkeer en vir Absalom sê, ‘Ek is u dienaar, o koning; ek was voorheen die dienaar van u vader, maar nou is ek u dienaar,’ kan jy vir my die raad van Agitofel ondergrawe.

2 Samuel 16:18

Gusai het Absalom geantwoord: “Nee, want die een wat deur die Here, en hierdie manskappe en al die manne van Israel gekies is, aan hom behoort ek en by hom sal ek bly.

2 Samuel 16:20

Toe sê Absalom vir Agitofel: “Gee julle nou raad. Wat moet ons doen?”

Psalms 55:21

Teen sy vriende het hy sy hand uitgesteek; hy het sy verbond geskend.

Galasiërs 2:13

En die ander Jode het ook saam met hom skynheilig opgetree, met die gevolg dat selfs Barnabas deur hulle skynheiligheid meegevoer is.

1 Samuel 28:2

Dawid het Agis geantwoord: “In daardie geval sal u self agterkom wat u dienaar kan doen.” Waarop Agis toe vir Dawid sê: “Goed dan, ek stel jou aan as my permanente lyfwag.”

1 Samuel 29:8

Toe sê Dawid vir Agis: “Maar wat het ek gedoen? En wat het u in u dienaar gevind, van die dag af dat ek by u teenwoordig is tot vandag toe, dat ek nie mag gaan en veg teen die vyande van my heer die koning nie?”