2 Samuel 14:14 - Die Bybel 2020-vertaling

¹⁴ Ja, ons moet beslis sterf, soos water wat uitgestort is op die grond en nie weer herwin kan word nie. God neem nie 'n lewe weg nie, maar Hy beraam planne, sodat die een wat weggejaag is nie van Hom moet wegdryf nie.

Bybel vir almal

¹⁴ Ons moet almal sterf, ons is soos water wat op die grond val en wat niemand weer kan bymekaarmaak nie. Maar God wil nie graag iemand laat sterf nie, Hy wil graag hê dat iemand wat moes weggaan van Hom, weer moet terugkom.

Afrikaans 1933-1953

¹⁴ Want ons moet eenmaal sterwe en soos water wees wat uitgegooi word op die grond, wat 'n mens nie weer kan versamel nie; en God neem die lewe nie weg nie, maar Hy koester gedagtes om 'n verstotene nie van Hom af te stoot nie.

Afrikaans 1983

¹⁴ Ons sal almal sterf en soos water wees wat op die grond uitgegooi is en nie weer bymekaargemaak kan word nie. God wil geen lewe neem nie, Hy berei 'n weg om die voortvlugtige nie te verstoot nie.

Contemporary Afrikaans Bible 2023

¹⁴ Want ons moet sterwe en is soos water wat op die grond gestort is, wat nie weer bymekaargemaak kan word nie; en God eerbiedig niemand nie; tog bedink Hy 'n plan om sy verbanen nie van hom af verdryf te word nie.

Die Boodskap

¹⁴ “Ons sal almal eendag doodgaan. ’n Mens kan iemand wat dood is nie weer terugbring nie. Dis soos wanneer ’n mens water op die grond uitgooi; jy kan dit nie weer terugkry nie. God vergewe nie sommer moord nie, maar Hy wil tog hê dat iemand wat ’n balling is, weer na Hom en sy volk moet terugkom.

Nuwe Lewende Vertaling

¹⁴ Almal van ons moet een of ander tyd sterf. Ons lewens is soos water wat op die grond gestort is en nie weer herwin kan word nie. Maar God wil nie ’n lewe neem nie. Hy beraam planne sodat die verstoteling nie van Hom verstote sal bly nie.

2 Samuel 14:14 Kruisverwysings

2 Samuel 11:25

Dawid het vir die boodskapper gesê: “Jy moet vir Joab so sê, ‘Hierdie voorval moet jy nie as iets verkeerds beskou nie. Die swaard verteer immers nou so, en dan weer so. Verskerp jou stryd teen die stad en breek dit af.’ Praat hom so moed in.”

2 Samuel 14:15

En nou, die rede waarom ek gekom het om hierdie saak aan my heer die koning voor te lê, is omdat die mense my bang gemaak het. U slavin het toe gedink, ek moet tog met die koning praat. Miskien voldoen die koning aan die versoek van sy dienares;

1 Konings 11:39

Ek sal die nageslag van Dawid verneder as gevolg hiervan. Maar dit sal nie vir altyd wees nie.’ ”

Job 14:14

As 'n man sterf, sal hy weer leef? Al die dae van my dwangarbeid sou ek wag tot die einde van my skof.

Job 30:23

Ja, ek weet, na die dood laat U my omdraai, die ontmoetingsplek vir almal wat leef.

Job 34:15

sal alles wat leef, saam tot niet gaan, en die mens tot stof terugkeer.

Job 34:19

Hy wat nie partydig is vir bevelvoerders nie, wat nie aan vooraanstaande mense voorkeur gee bo armes nie, omdat hulle almal die werk van sy hande is?

Psalms 22:14

Hulle het hulle monde teen my oopgesper soos 'n leeu wat verskeur en brul.

Psalms 22:15

Soos water is ek uitgestort, my hele gebeente val uitmekaar; my hart het geword soos was, dit het in my liggaam gesmelt.

Psalms 58:7

O God, breek hulle tande in hulle monde, verbrysel die kake van die jong leeus, Here.

Psalms 77:8

Sal my Heer ons dan vir ewig verstoot en ons nooit weer aanvaar nie?

Psalms 79:3

Hulle het hulle bloed soos water uitgestort om Jerusalem, en daar was niemand wat hulle begrawe het nie.

Psalms 90:10

Die dae van ons lewensjare – dit is maar sewentig jaar, en as die kragte daar is, tagtig jaar. En die beste daarvan is vol moeite en rampe; ja, dit gaan gou verby, en ons vlieg weg.

Psalms 90:3

U laat sterflinge terugkeer tot stof; U sê net: “Keer terug, mensekinders!”

Eksodus 21:13

Maar as hy dit nie beplan het nie, en God dit beskik het dat hy 'n hand daarin het, dan sal Ek vir julle 'n plek aanwys waarheen hy kan vlug.

Prediker 9:5

Die lewendes weet immers dat hulle sal sterf, maar die dooies weet niks nie; daar is vir hulle geen verdere beloning nie. Ja, die herinnering aan hulle het vervaag;

Klaagliedere 3:31

My Heer verwerp beslis nie die mens vir ewig nie;

Esegiël 18:23

Sou Ek enige vreugde vind in die dood van 'n goddelose?” is die uitspraak van my Heer, die Here. “Is vreugde nie eerder daarin geleë dat hy van sy verkeerde paaie terugkeer en leef nie?

Levitikus 26:40

“ ‘ Maar as hulle hulle sondeskuld en dié van hulle voorouers bely, dit wat hulle in hulle ontrou teen My begaan het deur My selfs teen te gaan,

Numeri 35:15

Vir die Israeliete, vir •vreemdelinge en vir bywoners tussen julle moet hierdie ses asielstede daar wees, sodat enigiemand wat 'n persoon onopsetlik doodgemaak het, daarheen kan vlug.

Numeri 35:25

Die volksvergadering moet die een wat 'n lewe geneem het uit die hand van die bloedwreker red. Die volksvergadering moet hom laat terugkeer na sy asielstad waarheen hy gevlug het. Hy moet daarin woon tot die dood van die hoëpriester wat met die heilige olie gesalf is.

Numeri 35:28

Want die persoon moet in sy asielstad bly tot die dood van die hoëpriester. Ná die dood van die hoëpriester mag die een wat 'n lewe geneem het, na die streek van sy erfgrond terugkeer.

Matteus 22:16

Hulle stuur toe hulle dissipels saam met die Herodiane na Hom en sê: “Meester, ons weet dat u opreg is en God se weg waarheidsgetrou leer en u aan niemand steur nie, want u neem nie die aansien van persone in aanmerking nie.

Handelinge 10:34

Petrus het toe begin praat en gesê: “Ek besef nou werklik dat God niemand volgens sy uiterlike beoordeel nie,

Romeine 2:11

Want God beoordeel niemand volgens sy uiterlike nie.

Deuteronomium 10:17

Die Here is immers julle God; Hy is die God van die gode en die Heer van die here; die groot, die magtige, die ontsagwekkende God wat onpartydig is en geen omkoopgeskenk aanvaar nie,

Hebreërs 9:27

En net soos dit bestem is vir mense om slegs een maal te sterf, en daarna kom die oordeel,

1 Petrus 1:17

En as julle Hom wat nie volgens die uiterlike oordeel nie, maar ooreenkomstig elkeen se optrede, wel as Vader aanroep, tree dan met ontsag op in die tyd van julle vreemdelingskap.