2 Samuel 14:12 - Die Bybel 2020-vertaling

¹² “Mag u slavin asseblief 'n woord met my heer die koning praat?” het die vrou gevra, waarop hy toe antwoord: “Praat!”

Bybel vir almal

¹² Toe sê die vrou: “Mag ek vir Meneer die koning nog iets vra?” Die koning sê toe: “Ja, vra.”

Afrikaans 1933-1953

¹² En die vrou vra: Laat u dienares tog 'n woord met my heer die koning spreek. En hy antwoord: Spreek.

Afrikaans 1983

¹² “Mag ek miskien net nog 'n enkele woord tot die koning rig?” vra die vrou. “Praat maar,” het die koning geantwoord.

Contemporary Afrikaans Bible 2023

¹² Toe sê die vrou: Laat u dienares tog een woord met my heer die koning spreek. En hy sê: Gaan voort!

Die Boodskap

¹² “Mag ek nog iets vir u sê, U Majesteit?” vra die vrou. “Ja, sê maar,” antwoord die koning.

Nuwe Lewende Vertaling

¹² “Mag ek net nog iets vir u sê?” sê sy. “Praat gerus,” moedig hy haar aan.

2 Samuel 14:12 Kruisverwysings

Genesis 18:27

Abraham antwoord toe en sê: “Kyk, ek het my verstout om met my Heer te praat, terwyl ek stof en as is.

Genesis 18:32

Toe sê hy: “My Heer moet tog nie kwaad word nie! Ek wil nog net dié keer praat. Dalk word daar tien gevind.” Die Here het gesê: “Ter wille van die tien sal Ek dit nie verdelg nie.”

Genesis 44:18

Juda gaan toe nader aan hom en sê: “Asseblief, my heer, laat u dienaar tog persoonlik met my heer praat. Moet u nie vir u dienaar vererg nie; u is immers soos die farao.

2 Samuel 14:11

Daarop sê sy: “Die koning moet asseblief, met die aanroep van die Naam van die Here u God die bloedwreker daarvan weerhou om nog meer vernietiging aan te rig, dat hulle nie my seun uitwis nie.” Toe sê hy: “So waar as die Here leef, geen haar van jou seun sal op die grond val nie. ”

2 Samuel 14:13

Toe sê die vrou: “Waarom het u dan so iets teen die volk van God beplan? Met hierdie uitspraak van die koning is hy aan 'n skuldige gelyk, aangesien die koning nie die een wat hy weggejaag het, laat terugkeer nie.

2 Samuel 20:17

Toe hy nader gaan na haar, sê die vrou: “Is u Joab?” “Dit is ek,” antwoord hy. Sy sê toe vir hom: “Luister na die woorde van u dienares.” “Ek luister,” het hy gesê.

1 Konings 2:14

Hy sê toe: “Ek wil graag 'n woord met u praat.” Sy het gesê: “Praat!”

Jeremia 12:1

U het die reg aan u kant, Here, as ek met U 'n regstryd sou voer; tog wil ek oor regsake met U praat: Waarom is die pad van goddeloses voorspoedig, waarom leef almal wat verraderlik optree, rustig?

Handelinge 26:1

Agrippa het vir Paulus gesê: “Jy het vergunning om jou saak te stel.” Toe het Paulus sy hand uitgestrek en homself verdedig:

1 Samuel 25:24

Sy het by sy voete neergeval en gesê: “Die blaam rus op my, my heer. Laat my, u dienares, asseblief direk met u praat en luister na die woorde van u dienares.