2 Samuel 14:1 - Die Bybel 2020-vertaling

¹ Joab, seun van Seruja, het besef dat die koning se gedagtes by Absalom was.

Bybel vir almal

¹ Joab seun van Seruja het geweet dat die koning na Absalom verlang.

Afrikaans 1933-1953

¹ TOE Joab, die seun van Serúja, merk dat die hart van die koning aan Absalom verkleef was,

Afrikaans 1983

¹ Joab seun van Seruja het agtergekom dat die koning na Absalom verlang.

Contemporary Afrikaans Bible 2023

¹ En Joab, die seun van Seruja, het gemerk dat die koning se hart op Absalom was.

Die Boodskap

¹ Joab, Seruja se seun, het agtergekom dat die koning nog steeds iets teen Absalom het.

Nuwe Lewende Vertaling

¹ Seruja se seun Joab het opgemerk dat die koning na Absalom verlang.

2 Samuel 14:1 Kruisverwysings

2 Samuel 13:39

Koning Dawid het daarvan afgesien om teen Absalom uit te trek, want hy het berusting gevind oor Amnon – dat hy dood was.

2 Samuel 14:2

Joab stuur toe iemand na Tekoa en laat kom daarvandaan 'n slim vrou. Hy het vir haar gesê: “Maak tog asof jy rou; trek rouklere aan en moet jou nie met olie invryf nie. Gedra jou soos 'n vrou wat nou al baie lank treur oor 'n dooie.

2 Samuel 18:33

Die koning het begin bewe, en opgegaan na 'n bovertrek in die poort en gehuil. Terwyl hy loop, het hy hierdie woorde gesê: “My seun Absalom; my seun, my seun Absalom! As ek maar in jou plek kon sterf! Absalom, my seun, my seun!”

2 Samuel 19:2

Die oorwinning het daardie dag vir al die manskappe 'n dag van rou geword, omdat die manskappe daardie dag gehoor het die koning is gebroke oor sy seun.

2 Samuel 19:4

Die koning het sy gesig toegedraai en met 'n harde stem uitgeroep: “My seun Absalom! Absalom, my seun, my seun!”

2 Samuel 2:18

Seruja se drie seuns, Joab, Abisai en Asael, was ook daar. Asael was so vlug van voet soos een van die gaselle in die veld.

1 Kronieke 2:16

Hulle susters was Seruja en Abigajil. Seruja se seuns was Abisai, Joab en Asael, hulle drie.

Spreuke 29:26

Baie mense soek guns by 'n heerser, maar 'n mens se reg kom van die Here.