2 Samuel 13:3 - Die Bybel 2020-vertaling

³ Maar Amnon het 'n vriend gehad met die naam Jonadab, 'n seun van Samma, die broer van Dawid. Dié Jonadab was 'n baie uitgeslape man.

Bybel vir almal

³ Maar Amnon het 'n vriend gehad, sy naam was Jonadab. Jonadab was die seun van Dawid se broer Sima. Jonadab was 'n baie slim man.

Afrikaans 1933-1953

³ Maar Amnon het 'n vriend gehad, met die naam van Jónadab, 'n seun van Dawid se broer Símea; en Jónadab was 'n baie skrander man.

Afrikaans 1983

³ Amnon het 'n vriend gehad. Sy naam was Jonadab, 'n seun van Dawid se broer Samma, en hy was 'n vindingryke man.

Contemporary Afrikaans Bible 2023

³ Maar Amnon het 'n vriend gehad met die naam van Jonadab, die seun van Simea, Dawid se broer; en Jonadab was 'n baie listige man.

Die Boodskap

³ Amnon en sy neef Jonadab, Samma se seun, was maats. Jonadab het altyd slim planne gehad.

Nuwe Lewende Vertaling

³ Amnon het ’n vriend gehad met die naam Jonadab, ’n uitgeslape man. Hy was die seun van Dawid se broer Samma.

2 Samuel 13:3 Kruisverwysings

Genesis 3:1

Die slang was listiger as al die diere van die veld wat die Here God gemaak het. Hy het vir die vrou gevra: “Is dit werklik so dat God gesê het julle mag nie van enige boom in die tuin eet nie?”

Genesis 38:1

In daardie tyd het Juda laer af getrek, weg van sy broers, en sy tente opgeslaan tot hy gekom het by 'n man van Adullam met die naam Gira.

Genesis 38:20

Juda het toe die boklam saam met sy vriend uit Adullam gestuur om die pand by die vrou te kry. Maar hy kon haar nie kry nie.

2 Samuel 13:2

Amnon was so terneergedruk, hy was skoon siek oor Tamar, sy suster. Sy was immers 'n maagd, en dit het vir hom onmoontlik gelyk om enigiets aan haar te doen.

2 Samuel 13:32

Maar Jonadab, die seun van Dawid se broer Samma, het gesê: “My heer moet nie dink dat hulle al die jong manne, die seuns van die koning, doodgemaak het nie; slegs Amnon is dood; want van die dag af dat hy Tamar, sy suster, verkrag het, is dit al waaroor Absalom gepraat het.

2 Samuel 13:4

Hy het vir Amnon gevra: “Waarom lyk jy, seun van die koning, oggend ná oggend so ellendig? Wil jy my nie maar vertel nie?” Amnon sê toe vir hom: “Ag, dit is Tamar, die suster van my broer Absalom – ek is verlief!”

2 Samuel 14:2

Joab stuur toe iemand na Tekoa en laat kom daarvandaan 'n slim vrou. Hy het vir haar gesê: “Maak tog asof jy rou; trek rouklere aan en moet jou nie met olie invryf nie. Gedra jou soos 'n vrou wat nou al baie lank treur oor 'n dooie.

2 Samuel 21:21

Hy het Israel uitgetart, maar Jonatan, seun van Samma, die broer van Dawid, het hom verslaan.

1 Kronieke 2:13

Isai het Eliab, sy eersgeborene, verwek, daarna Abinadab, die tweede, Simea, die derde,

1 Kronieke 27:32

Jonatan, Dawid se oom, was 'n raadgewer, 'n man met insig, en 'n sekretaris. Jegiël, seun van Gagmoni, moes die koning se seuns bystaan,

Ester 5:10

Maar Haman het homself bedwing en huis toe gegaan. Hy het sy vriende en sy vrou, Seres, laat kom

Ester 5:14

Seres, sy vrou, en al sy vriende het vir hom gesê: “Laat hulle 'n paal gereedmaak, vyftig el hoog. Praat môre met die koning hieroor, sodat hulle Mordegai daaraan hang. Daarna kan jy opgeruimd saam met die koning na die feesmaal gaan.” Haman het van hierdie voorstel gehou en die paal gereedgemaak.

Ester 6:13

Haman het vir sy vrou Seres en sy vriende alles vertel wat met hom gebeur het. Sy raadgewers en sy vrou Seres het vir hom gesê: “As Mordegai, voor wie jou val al begin het, van die Joodse volk afkomstig is, sal jy hom nie kan oorwin nie; jy sal beslis voor hom tot 'n val kom.”

Spreuke 19:6

Baie soek die guns van 'n vooraanstaande persoon, en elkeen is die vriend van 'n vrygewige man.

Jeremia 4:22

“Ja, my volk is dom; Hulle ken My nie. Dwase kinders is hulle; hulle het nie insig nie. Slim om kwaad te doen, dit is hulle; maar om goed te doen, dit ken hulle nie.”

1 Korinthiërs 3:19

want die wysheid van hierdie wêreld is dwaasheid by God. Daar staan immers geskryf: “Hy vang die wyses deur middel van hulle eie slinksheid;”

Jakobus 3:15

Dít is nie die wysheid wat van bo kom nie, maar aards, nie-geestelik en demonies.

Rigters 14:20

Simson se vrou het toe die vrou geword van sy vertroueling wat vir hom opgetree het as vriend van die bruidegom.

1 Samuel 16:11

Samuel vra toe vir Isai: “Is dit al die jong manne?” Hy het geantwoord: “Die jongste is nog oor, maar kyk, hy is besig om die kleinvee op te pas.” Toe sê Samuel vir Isai: “Laat haal hom, want ons gaan nie eet voordat hy hier aankom nie.”

1 Samuel 16:9

Daarna het Isai vir Samma laat verbygaan; maar hy het gedink: “Ook hierdie een het die Here nie gekies nie.”