2 Samuel 11:1 - Die Bybel 2020-vertaling

¹ Teen die jaarwending, wanneer die konings op veldtogte uittrek, het Dawid vir Joab uitgestuur, en saam met hom sy amptenare en die hele Israel. Hulle het die Ammoniete vernietigend verslaan en Rabba beleër. Maar Dawid het in Jerusalem agtergebly.

Bybel vir almal

¹ Dit was in die lente-tyd, die tyd wanneer konings altyd gaan oorlog maak het. Dawid het vir Joab en sy manne en al die Israeliete gestuur, en hulle het die Ammoniete oorwin. Hulle het hulle tente opgeslaan rondom die stad Rabba. Dawid het in Jerusalem gebly.

Afrikaans 1933-1953

¹ EN ná verloop van die jaar, teen die tyd dat die konings uittrek, stuur Dawid Joab en sy dienaars saam met hom uit en die hele Israel. En hulle het die land van die kinders van Ammon verniel en Rabba beleër, terwyl Dawid in Jerusalem gebly het.

Afrikaans 1983

¹ In die lente, die tyd waarin die konings gewoonlik optrek om oorlog te maak, het Dawid op 'n keer vir Joab en sy soldate en die hele Israel uitgestuur. Hulle het die Ammoniete verslaan en Rabba beleër, maar Dawid het in Jerusalem agtergebly.

Contemporary Afrikaans Bible 2023

¹ En nadat die jaar verby was, op die tyd dat konings uittrek om te veg, stuur Dawid Joab en sy dienaars saam met hom en die hele Israel; en hulle het die kinders van Ammon omgebring en Rabba beleër. Maar Dawid het nog in Jerusalem gebly.

Die Boodskap

¹ Die volgende lente, in die tyd wanneer die konings gewoonlik gaan oorlog maak, het Dawid sy eie soldate saam met Joab en al die manskappe van Israel gestuur om teen die Ammoniete te veg. Hulle het die Ammoniete kafgeloop en hulle in Rabba, hulle hoofstad vasgekeer. Dawid was nie by nie; hy het in Jerusalem agtergebly.

Nuwe Lewende Vertaling

¹ Die volgende lente, die tyd waarin die konings gewoonlik gaan veg, het Dawid vir Joab en sy manskappe, asook die hele leër van Israel gestuur. Hulle het die Ammoniete verslaan en Rabba gaan beleër. Dawid het in Jerusalem agtergebly.

2 Samuel 11:1 Kruisverwysings

2 Samuel 10:14

Toe die Ammoniete sien dat die Arameërs vlug, het ook hulle voor Abisai uit gevlug en die stad binnegegaan. Joab het toe teruggedraai van die Ammoniete af en in Jerusalem aangekom.

1 Konings 20:22

Daarna kom die profeet by die koning van Israel en sê vir hom: “Gaan, versterk uself! Oorweeg dit en kyk wat u moet doen, want teen die jaarwending sal die koning van Aram weer teen u optrek. ”

1 Konings 20:26

Teen die jaarwending het Ben-Hadad die Arameërs gemonster en opgetrek na Afek om teen Israel oorlog te voer.

1 Kronieke 20:1

Teen die jaarwending, wanneer die konings op veldtogte uittrek, het Joab die leërmag gelei en die land van die Ammoniete verwoes. Hy het die land binnegedring en Rabba beleër. Dawid het egter in Jerusalem agtergebly. Joab het Rabba verslaan en dit afgebreek,

2 Kronieke 36:10

Teen die jaarwending het koning Nebukadnesar mense gestuur, en hy het hom na Babel laat neem, saam met kosbare voorwerpe uit die huis van die Here. Hy het toe sy broer Sedekia koning gemaak oor Juda en Jerusalem.

Psalms 60:9

Aan My behoort Gilead, aan My Manasse; Efraim is 'n beskutting vir my kop, Juda is my heerserstaf.

Prediker 3:8

'n tyd om lief te hê en 'n tyd om te haat; 'n tyd van oorlog en 'n tyd van vrede.

Jeremia 49:2

Daarom, kyk, daar kom dae,” is die uitspraak van die Here, “wanneer Ek teen Rabba van die Ammoniete krygsgeskreeu sal laat opklink, en dit sal 'n verwoeste puinhoop word. Sy omliggende dorpies sal afgebrand word, en Israel sal dié wat hom sy besit ontneem het, in besit neem,” sê die Here.

Jeremia 49:3

“Huil, Gesbon, want Ai is verwoes! Roep om hulp, dogters van Rabba! Trek rouklere aan! Rou en swerf rond tussen die klipmure, want Milkom gaan in ballingskap, en sy priesters en bevelvoerders saam met hom.

Esegiël 21:20

Die paaie wat jy moet afmerk vir die swaard om langs te kom, is Rabba van die Ammoniete en Juda, die versterkte Jerusalem.

Amos 1:14

Ek steek 'n vuur aan in die stadsmuur van Rabba; dit sal sy vestings verteer te midde van strydkrete op die dag van oorlog, in 'n orkaan op die dag van stormwind.

Sagaria 14:3

Daarna sal die Here optrek en teen daardie nasies oorlog voer soos wanneer Hy veg op die dag van stryd.

Deuteronomium 3:11

Og, die koning van Basan, was die laaste wat oorgebly het van die Refaïete. Sy slaapbank was sowaar van yster. Is dit nie nog steeds in Rabba, die hoofstad van die Ammoniete nie? Dit is nege el lank en vier el breed, volgens die gewone el.

1 Samuel 18:30

Die aanvoerders van die Filistyne het uitgetrek om oorlog te voer, maar telkens wanneer hulle uitgetrek het, het Dawid meer sukses behaal as al Saul se offisiere. Sy naam het groot agting afgedwing.