2 Samuel 10:14 - Die Bybel 2020-vertaling

¹⁴ Toe die Ammoniete sien dat die Arameërs vlug, het ook hulle voor Abisai uit gevlug en die stad binnegegaan. Joab het toe teruggedraai van die Ammoniete af en in Jerusalem aangekom.

Bybel vir almal

¹⁴ Toe die Ammoniete sien dat die Arameërs vlug, het hulle ook weggevlug van Abisai en hulle het ingegaan in hulle eie stad. Joab het toe opgehou oorlog maak teen die Ammoniete en hy het na Jerusalem gegaan.

Afrikaans 1933-1953

¹⁴ Toe die kinders van Ammon sien dat die Arameërs vlug, het hulle ook vir Abísai gevlug en die stad ingegaan. En Joab het van die kinders van Ammon af omgedraai en in Jerusalem aangekom.

Afrikaans 1983

¹⁴ Toe die Ammoniete gewaar dat die Arameërs vlug, het hulle ook vir Abisai gevlug en die stad ingegaan. Joab is toe van die Ammoniete af weg na Jerusalem toe.

Contemporary Afrikaans Bible 2023

¹⁴ En toe die kinders van Ammon sien dat die Arameërs gevlug het, het hulle ook voor Abísai gevlug en in die stad ingegaan. En Joab het van die kinders van Ammon af teruggekeer en in Jerusalem aangekom.

Die Boodskap

¹⁴ Toe die Ammoniete sien die Arameërs hardloop weg, het hulle ook vir Abisai padgegee en in hulle stad ingegaan. Joab het toe nie verder geveg teen die Ammoniete nie en teruggegaan Jerusalem toe.

Nuwe Lewende Vertaling

¹⁴ Toe die Ammoniete sien dat die Arameërs op die vlug geslaan het, het hulle ook vir Abisai gevlug en in die stad gaan skuil. Hierna het Joab na Jerusalem toe teruggegaan.

2 Samuel 10:14 Kruisverwysings

2 Samuel 10:15

Toe die Arameërs sien dat hulle deur Israel verslaan is, het hulle hergroepeer.

2 Samuel 11:1

Teen die jaarwending, wanneer die konings op veldtogte uittrek, het Dawid vir Joab uitgestuur, en saam met hom sy amptenare en die hele Israel. Hulle het die Ammoniete vernietigend verslaan en Rabba beleër. Maar Dawid het in Jerusalem agtergebly.

2 Samuel 20:6

Toe sê Dawid vir Abisai: “Nou gaan Seba, seun van Bigri, ons meer kwaad aandoen as Absalom. Neem jy dan die dienaars van jou heer en sit hom agterna, anders sal hy vir hom versterkte stede kan vind en ons groot skade aandoen. ”

2 Samuel 22:38

Ek agtervolg my vyande en delg hulle uit; ek draai nie om voordat ek hulle uitgewis het nie.

2 Samuel 23:18

Abisai, seun van Seruja en Joab se broer, was hoof van die drietal. Hy het sy vegspies oor driehonderd gesneuweldes geswaai en hy het vir hom naam gemaak onder die drie.

2 Samuel 8:12

van Aram, Moab, die Ammoniete, die Filistyne en die Amalekiete. Daarby was ook van die buit van Hadad-Eser, seun van Regob, die koning van Soba.

1 Kronieke 18:12

Abisai, seun van Seruja, het die Edomiete in die Soutvallei verslaan, agttienduisend van hulle.