2 Konings 3:18 - Die Bybel 2020-vertaling

¹⁸ En dit sal 'n kleinigheid wees in die oë van die Here. Hy gaan Moab ook in julle hand gee.

Bybel vir almal

¹⁸ En dit is vir die Here maklik om dit te doen. Hy sal julle ook laat wen teen die Moabiete.

Afrikaans 1933-1953

¹⁸ Ja, dit is nog te gering in die oë van die Here: Hy sal ook die Moabiete in julle hand gee.

Afrikaans 1983

¹⁸ Vir die Here is dit maar iets gerings om te doen: Hy sal ook vir Moab in julle mag oorgee.

Contemporary Afrikaans Bible 2023

¹⁸ En dit is maar 'n ligte ding in die oë van die HERE: Hy sal ook die Moabiete in julle hand gee.

Die Boodskap

¹⁸ Maar dit is net ’n kleinigheid vir die Here. Hy sal julle ook die Moabiete laat oorwin.

2 Konings 3:18 Kruisverwysings

2 Samuel 7:19

En asof dit nie genoeg is in u oë nie, Here, my Heer, het U ook oor die huis van u dienskneg gepraat, tot in die verre toekoms, en dit as voorskrif vir mense, Here, my Heer.

1 Konings 16:31

En asof dit maar sommer 'n kleinigheid was om met die sondes van Jerobeam, seun van Nebat, te volhard, neem hy toe as vrou Isebel, dogter van Etbaäl, die koning van die Sidoniërs. Hy het Baäl gaan dien en in aanbidding voor hom gebuig.

1 Konings 20:13

Juis toe kom 'n sekere profeet by Agab, koning van Israel, aan en sê: “So sê die Here, ‘Sien jy hierdie hele groot menigte? Kyk, Ek gaan hulle vandag in jou hand gee, sodat jy kan weet dat Ek die Here is.’ ”

1 Konings 20:21

Die koning van Israel het uitgetrek en die perde en strydwaens aangeval. Hy het Aram 'n groot nederlaag toegedien.

1 Konings 20:28

Die man van God het egter na vore getree en vir die koning van Israel gesê: “So sê die Here, ‘Omdat die Arameërs gesê het “Die Here is 'n berggod; hy is nie 'n god van die valleie nie”, gee Ek hierdie hele groot menigte in jou hand, sodat julle kan weet dat Ek die Here is.’ ”

1 Konings 3:13

Ook wat jy nie gevra het nie, gee Ek aan jou: sowel rykdom as eer, sodat, solank jy leef, daar onder die konings niemand soos jy sal wees nie.

2 Konings 20:10

Hiskia sê toe: “Dit is maklik vir die skaduwee om tien eenhede vooruit te skuif. Nee, die skaduwee moet eerder tien eenhede terugskuif.”

Jesaja 49:6

Hy het gesê: “Dit is nie genoeg dat jy vir My 'n dienskneg is om die stamme van Jakob op te rig nie, om dié wat bewaar gebly het van Israel, te laat terugkeer nie. Ek gee jou as 'n lig vir nasies, sodat my heil sal strek tot aan die uiteindes van die aarde. ”

Jesaja 7:13

Daarop sê Jesaja: “Luister tog, huis van Dawid! Is dit nie vir julle genoeg om mense te vermoei nie, dat julle ook my God moet vermoei?

Jeremia 32:17

“ ‘Ag, Here, my Heer, kyk, dit is U wat die hemel en die aarde gemaak het deur u groot krag en uitgestrekte arm! Niks is vir U onmoontlik nie.

Jeremia 32:27

“ Kyk, Ek is die Here, die God van alles wat leef. Is enigiets onmoontlik vir my?

Esegiël 8:17

Hy sê toe vir my: “Sien jy dit, mensekind? Is die afstootlike dade wat hulle hier aanvang dan te gering vir die huis van Juda, dat hulle ook nog die land vul met geweld en My telkens weer uittart? Kyk, hulle steek 'n wingerdrank uit na my neus.

Markus 10:27

Jesus het stip na hulle gekyk en gesê: “By mense is dit onmoontlik, maar nie by God nie, want by God is alles moontlik. ”

Lukas 1:37

want geen woord wat van God af kom, is kragteloos nie.”

Efesiërs 3:20

Aan Hom, wat deur sy krag wat in ons werk, die mag het om oneindig meer te doen as alles wat ons bid of dink,