2 Konings 13:7 - Die Bybel 2020-vertaling

⁷ Gasael het egter vir Joagas geen manskappe oorgelaat nie, behalwe vyftig perde en tien strydwaens, en tien afdelings voetsoldate. Ja, die koning van Aram het hulle ten gronde laat gaan, hy het hulle gemaak soos stof wat 'n mens vertrap.

Bybel vir almal

⁷ Joahas het nie genoeg manne gehad om oorlog te maak nie. Daar was net 50 manne wat op perde gery het en tien oorlogkarre en 10 000 ander soldate. Die koning van Aram het die manne van Israel doodgemaak, hy het hulle soos stof getrap.

Afrikaans 1933-1953

⁷ Voorwaar, hy het vir Jóahas geen manskappe laat oorbly nie, as net vyftig perderuiters en tien strydwaens en tienduisend voetgangers; want die koning van Aram het hulle omgebring en hulle gemaak soos stof as gedors word.

Afrikaans 1983

⁷ Koning Gasael van Aram het die leër van Joahas vernietig en soos stof vertrap. Gasael het vir Joahas geen manskappe laat oorbly nie, net vyftig ruiters, tien strydwaens en tien duisend voetsoldate.

Contemporary Afrikaans Bible 2023

⁷ Hy het ook nie van die volk aan Joahas oorgelaat nie, behalwe vyftig ruiters en tien strydwaens en tienduisend voetgangers; want die koning van Aram het hulle verdelg en hulle gemaak soos die stof deur te dors.

Die Boodskap

⁷ Uiteindelik het Israel se leër gekrimp tot ’n skamele 50 ruiters, tien strydwaens en 10 000 voetsoldate. Die Arameërs het die ander doodgemaak en die leër van Israel soos stof vertrap.

Nuwe Lewende Vertaling

⁷ Joahas se leër is verminder tot 50 berede troepe, tien strydwaens en 10 000 voetsoldate. Die koning van Aram het die ander doodgemaak soos stof onder sy voete.

2 Konings 13:7 Kruisverwysings

2 Samuel 22:43

Ek het hulle fyngestamp soos die stof van die aarde; soos modder in die strate het ek hulle verpoeier, ek het hulle vertrap.

1 Konings 20:15

Agab monster toe die bevelvoerders van die provinsies se jong manne. Hulle was tweehonderd twee-en-dertig. En agter hulle stel hy die hele leër op, al die Israeliete, seweduisend van hulle.

1 Konings 20:27

Die Israeliete was reeds gemonster en van voedsel voorsien. Hulle het vertrek om teen hulle te staan te kom. Die Israeliete het teenoor hulle kamp opgeslaan, maar was soos twee troppies bokke, terwyl die Arameërs die land vol was.

2 Konings 10:32

In daardie tyd het die Here begin om dele van Israel af te sny. Gasael het hulle verslaan in die hele gebied van Israel

2 Konings 13:8

Die verdere geskiedenis van Joagas, alles wat hy gedoen het, en sy magtige dade, is dit nie opgeteken in die boekrol met die kronieke van die konings van Israel nie?

2 Konings 8:12

Gasael het gevra: “Waarom huil my heer?” Hy het geantwoord: “Omdat ek weet watter kwaad jy die Israeliete gaan aandoen. Hulle versterkte stede sal jy aan die brand steek, hulle jong manne gaan jy met die swaard vermoor, hulle kinders sal jy te pletter slaan en hulle swanger vroue sal jy oopsny. ”

Psalms 18:42

Hulle het om hulp geroep, maar daar was geen verlosser nie, selfs na die Here geroep, maar Hy het hulle nie geantwoord nie.

Jesaja 36:8

Daarom, het my heer gesê, gaan gerus 'n weddenskap aan met my heer, die koning van Assirië. Ek sal jou tweeduisend perde gee, as jy in staat is om ruiters vir hulle te voorsien.

Jesaja 41:2

Wie het hom uit die ooste opgewek, hy op wie oorwinning wag met elke tree wat hy gee? Hy laat nasies voor hom verskyn, en konings onderwerp hy. Hy maak hulle soos stof met sy swaard, soos strooi wat wegwaai met sy boog.

Joël 3:14

Skares, daar is skares mense in die dal van beslissing! Ja, die dag van die Here is naby in die dal van beslissing!

Levitikus 26:17

Ek sal teen julle draai, sodat julle deur julle vyande verslaan word. Julle haters sal julle vertrap. Julle sal vlug sonder dat iemand julle agtervolg.

Amos 1:3

So sê die Here: “Oor drie oortredings van Damaskus, ja, oor vier, sal Ek dit nie herroep nie; omdat hulle Gilead met dorssleë van yster gedors het.

Amos 4:10

“Ek het pessiektes onder julle losgelaat soos in Egipte; Ek het julle jong manne met die swaard omgebring, saam met julle buitgemaakte perde. Ek het die stank van julle leërmag in julle neusgate laat opslaan, maar julle het nie na My teruggekeer nie,” is die uitspraak van die Here.

1 Samuel 13:15

Toe het Samuel opgestaan en van Gilgal af opgegaan na Gibea in Benjamin. Saul het die manskappe wat nog by hom was, gemonster, ongeveer seshonderd man.