2 Konings 13:4 - Die Bybel 2020-vertaling

⁴ Maar Joagas het die Here se guns gesoek, en die Here het na hom geluister, want Hy het die verdrukking van Israel raakgesien; ja, die koning van Aram het hulle onderdruk.

Bybel vir almal

⁴ Joahas het vir die Here gevra om hulle sondes te vergewe, en die Here het gedoen wat Joahas gevra het, want die Here het gesien dat die koning van Aram die mense van Israel laat swaarkry.

Afrikaans 1933-1953

⁴ Maar Jóahas het die aangesig van die Here om genade gesmeek. Toe verhoor die Here hom, want Hy het die verdrukking van Israel gesien, dat die koning van Aram hulle verdruk.

Afrikaans 1983

⁴ Joahas het die Here om genade gesmeek. Die Here het sy gebed verhoor, want die Here het opgemerk hoe wreed die koning van Aram hulle onderdruk het.

Contemporary Afrikaans Bible 2023

⁴ En Joahas het die HERE gesmeek, en die HERE het na hom geluister, want hy het die verdrukking van Israel gesien, omdat die koning van Aram hulle verdruk het.

Die Boodskap

⁴ Joahas het by die Here gepleit om hulp. Die Here het sy gebed verhoor, want Hy kon sien hoe erg die Arameërs Israel verdruk.

Nuwe Lewende Vertaling

⁴ Maar Joahas het tot die Here gebid om hulp en die Here het sy gebed verhoor. Die Here het gesien hoe die koning van Aram vir Israel onderdruk.

2 Konings 13:4 Kruisverwysings

Genesis 21:17

God het die seun se gehuil gehoor. Toe roep die •Engel van God na Hagar uit die hemel en vra vir haar: “Wat is fout, Hagar? Moenie bang wees nie, want God het die gehuil van die seun, daar waar hy is, gehoor.

Genesis 31:42

As die God van my voorvader, die God van Abraham, die Vrees van Isak, nie vir my was nie, ja, dan sou jy my nou met leë hande weggestuur het. Maar my ellende en die moeitevolle arbeid van my hande – God het dit gesien, en verlede nag daaroor beslis.”

2 Konings 13:22

Gasael, die koning van Aram, het Israel verdruk vir die volle regeringstyd van Joagas.

2 Konings 13:23

Maar die Here was hulle genadig. Hy het Hom oor hulle ontferm en Hom na hulle gekeer ter wille van sy verbond met Abraham, Isak en Jakob. Hy wou hulle nie vernietig nie en het hulle nie uit sy teenwoordigheid verdryf nie – tot nou toe.

2 Konings 14:26

Die Here het immers gesien dat die ellende van Israel baie bitter was. Dit was klaarpraat met wie gevange geneem is en wie vrygelaat is; en daar was geen helper vir Israel nie.

2 Kronieke 33:19

Sy gebed, die verhoring van sy pleitrede, al sy sonde en ontrou, die plekke waar hy offerhoogtes gebou het en waar hy die asjeras en gesnede beelde opgerig het voor sy verootmoediging, kyk, dit is opgeteken in die Geskiedenis van Gosai.

Esra 8:23

Ons het toe gevas en hieroor ons God se hulp gevra en Hy het ons gebede verhoor.

Job 22:27

Jy sal by Hom pleit en Hy sal jou verhoor; jou beloftes sal jy betaal.

Psalms 50:15

Roep My aan in 'n tyd van nood; Ek sal jou red, en jy sal My eer.”

Psalms 78:34

Wanneer Hy 'n slagting onder hulle aangerig het, het hulle Hom geraadpleeg; hulle het teruggedraai en God gesoek.

Eksodus 3:7

Die Here sê toe: “Ek het die ellende van my volk wat in Egipte is, duidelik gesien. Hulle noodkreet oor hulle slawedrywers het Ek gehoor. Ja, Ek ken hulle lyding.

Eksodus 3:9

En nou, kyk, die noodkreet van die Israeliete het My bereik. Ek het ook die verdrukking waarmee Egipte hulle verdruk, raakgesien.

Jesaja 26:16

Here, in nood het hulle U opgesoek; hulle was benoud vanweë die fluistering dat u tugtiging vir hulle bedoel is.

Jesaja 63:9

In al hulle nood was ook Hy in die nood. Die Engel van sy teenwoordigheid het hulle verlos. In sy liefde en medelye was dit Hy wat hulle vrygekoop het. Hy het hulle opgetel en hulle gedra, al die jare, van lank gelede af.

Jeremia 2:27

hulle wat vir 'n stuk hout sê, ‘Jy is my vader!’ en vir 'n klip, ‘Jy het my in die wêreld gebring!’ Want hulle draai hulle rug op My en wys nie hulle gesig nie. Maar in die tyd van hulle teenspoed sê hulle, ‘Staan op en verlos ons!’

Jeremia 33:3

‘Roep My aan, en Ek sal jou antwoord; Ek wil aan jou groot en onbegryplike dinge bekend maak wat jy nie geweet het nie.’

Numeri 21:7

Die volk het na Moses gekom en gesê: “Ons het gesondig, want ons het teen die Here en teen jou uitgevaar. Bid tot die Here dat Hy die slange van ons af wegneem.” Moses het toe vir die volk gebid.

Rigters 10:10

Die Israeliete het toe na die Here om hulp geroep: “Ons het teen U gesondig, want ons het ons God verlaat en die Baäls gedien.”