2 Konings 13:1 - Die Bybel 2020-vertaling

¹ In die drie-en-twintigste jaar van Jehoas, seun van Ahasia, die koning van Juda, het Joagas, seun van Jehu, in Samaria koning geword oor Israel, sewentien jaar lank.

Bybel vir almal

¹ Joahas seun van Jehu het in Samaria koning van Israel geword in die drie-en-twintigste jaar nadat Joas seun van Ahasia koning van Juda geword het.

Afrikaans 1933-1953

¹ IN die drie-en-twintigste jaar van Joas, die seun van Ahásia, die koning van Juda, het Jóahas, die seun van Jehu, koning geword oor Israel in Samaría — sewentien jaar lank.

Afrikaans 1983

¹ In die drie en twintigste regeringsjaar van koning Joas van Juda, seun van Ahasia, het Joahas seun van Jehu in Samaria koning oor Israel geword. Hy het sewentien jaar geregeer,

Contemporary Afrikaans Bible 2023

¹ In die drie-en-twintigste jaar van Joas, die seun van Ahásia, die koning van Juda, het Joahas, die seun van Jehu, koning geword oor Israel in Samaria, en hy het sewentien jaar geregeer.

Die Boodskap

¹ In die 23ste jaar wat koning Joas in Juda regeer het, het Joahas, die seun van Jehu, koning in Israel geword. Hy het sewentien jaar lank in Samaria regeer.

Nuwe Lewende Vertaling

¹ In die 23ste regeringsjaar van koning Joas seun van Ahasia in Juda het Joahas seun van Jehu koning geword in Israel. Hy het sewentien jaar in Samaria regeer.

2 Konings 13:1 Kruisverwysings

2 Konings 10:30

Die Here het toe vir Jehu gesê: “Jy het goed gedoen deur uit te voer wat reg is in my oë. Alles wat Ek in gedagte gehad het vir die huis van Agab, het jy uitgevoer. Daarom sal daar vir jou seuns tot in die vierde geslag op die troon van Israel sit. ”

2 Konings 11:21

Jehoas was sewe jaar oud toe hy koning geword het.

2 Konings 11:4

Maar in die sewende jaar het Jojada iemand gestuur en die •aanvoerders van honderd van die Kariërs en die hardlopers laat haal. Hy het hulle by hom in die huis van die Here ingeneem, met hulle 'n ooreenkoms gesluit en hulle 'n eed laat aflê in die huis van die Here. Daarna het hy hulle die koning se seun gewys.

2 Konings 12:1

In die sewende regeringsjaar van Jehu het Jehoas koning geword, en hy het veertig jaar lank as koning geheers in Jerusalem. Sy moeder se naam was Sibja, uit Berseba.

2 Konings 12:21

Josabad, seun van Simat, en Josabad, seun van Somer, sy amptenare, het hom neergevel, en hy het gesterf. Hy is begrawe by sy voorvaders in die Stad van Dawid. Amasia, sy seun, het in sy plek koning geword.

2 Konings 13:10

In die sewe-en-dertigste regeringsjaar van Jehoas, die koning van Juda, het Joas, seun van Joagas, in Samaria koning geword oor Israel, sestien jaar lank.

2 Konings 13:2

Hy het gedoen wat verkeerd is in die oë van die Here. Hy het die sondes nagevolg van Jerobeam, seun van Nebat, waarmee hy Israel laat sondig het; hy het nie daarvan afgewyk nie.

2 Konings 15:12

Dit was die vervulling van die woord van die Here wat Hy tot Jehu gespreek het: “Daar sal vir jou seuns tot in die vierde geslag op die troon van Israel sit.” Dit was toe so.

2 Konings 8:26

Ahasia was twee-en-twintig jaar oud toe hy koning geword het, en hy het een jaar lank as koning geheers in Jerusalem. Sy moeder se naam was Atalia, 'n kleindogter van Omri, koning van Israel.