2 Konings 12:4 - Die Bybel 2020-vertaling

⁴ Toe sê Jehoas vir die priesters: “Al die silwer van die •heilige gawes wat na die huis van die Here gebring word, die losgeld by 'n volkstelling, die geld van die loskoopwaardes van persone, asook enige geld wat iemand graag na die huis van die Here wil bring,

Bybel vir almal

⁴ Joas het vir die priesters gesê hulle moet al die geld neem wat mense wy en wat hulle na die tempel bring, die geld wat hulle móét bring en die geld wat hulle self wil bring.

Afrikaans 1933-1953

⁴ En Joas het aan die priesters gesê: Al die geld wat as heilige gawes in die huis van die Here gebring word, gangbare geld, elkeen se personegeld waarvoor hy geskat is, en al die geld wat iemand vrywillig in die huis van die Here bring,

Afrikaans 1983

⁴ Joas het vir die priesters gesê: “Neem al die geld wat as gewyde gawes na die huis van die Here toe gebring word: die geld wat gekollekteer word, dié waarvoor elkeen persoonlik aangeslaan word en dié wat as vrywillige gawes na die huis van die Here toe gebring word.

Contemporary Afrikaans Bible 2023

⁴ En Joas sê vir die priesters: Al die geld van die gewyde gawes wat in die huis van die HERE gebring word, die geld van elkeen wat op die rekening kom, die geld waarop elkeen vasgestel is, en al die geld wat kom in enige mens se hart om in die huis van die HERE te bring,

Die Boodskap

⁴ Daar was net een fout: hy het nie die heidene se heilige plekke vernietig nie. Die mense kon aanhou om daar diere te gaan offer en om wierook te brand.

Nuwe Lewende Vertaling

⁴ Op ’n dag sê Joas vir die priesters: “Vat al die geld wat as ’n gewyde offer na die Here se tempel gebring is. Dit is waarvoor elkeen persoonlik aangeslaan word, en dit wat elkeen vrywillig na die tempel van die Here toe bring.

2 Konings 12:4 Kruisverwysings

1 Konings 3:2

Die volk het nog steeds net op die offerhoogtes geoffer, omdat 'n huis vir die Naam van die Here tot in daardie tyd nog nie gebou was nie.

1 Konings 3:3

Salomo het sy liefde vir die Here getoon deur die vaste voorskrifte van Dawid, sy vader, te volg, behalwe dat ook hy nog steeds op die offerhoogtes geoffer en wierook gebrand het.

1 Konings 7:1

Aan sy paleis het Salomo dertien jaar lank gebou, en toe was sy hele paleis voltooi.

2 Konings 12:18

het Jehoas, koning van Juda, al die heilige gawes geneem wat sy voorvaders Josafat, Jehoram en Ahasia, konings van Juda, gewy het, asook sy eie heilige gawes en al die goud wat te vinde was in die skatkamers van die huis van die Here en die koninklike paleis, en dit vir Gasael, koning van Aram, gestuur. Gasael het toe van Jerusalem af weggetrek.

2 Konings 12:5

moet die priesters neem, elkeen van sy penningmeester. Hulle moet dan self die bouvallige plekke in die •tempel herstel, elke bouvallige plek wat gevind kon word.”

2 Konings 14:4

net die offerhoogtes is nie verwyder nie. Die volk het nog steeds geslag en offers verbrand by die offerhoogtes.

2 Konings 15:4

net die offerhoogtes is nie verwyder nie. Die volk het nog steeds geslag en offers verbrand by die offerhoogtes.

2 Konings 16:4

Hy het geslag en offers verbrand by die offerhoogtes, op die heuwels en onder elke skaduryke boom.

2 Konings 17:11

Hulle het daar op al die offerhoogtes offers verbrand, net soos die nasies wat die Here in ballingskap voor hulle uit verdryf het. Hulle het verkeerde dinge gedoen en so die Here uitgetart.

2 Konings 22:4

“Gaan op na Gilkija, die hoëpriester, en laat hy die geld gereedkry wat in die huis van die Here ingebring is, die geld wat die deurwagters by die volk ingesamel het.

1 Kronieke 18:11

Ook dit het koning Dawid aan die Here gewy, saam met die silwer en goud wat hy by al die nasies gevat het – by die Edomiete, die Moabiete, die Ammoniete, die Filistyne en die Amalekiete.

1 Kronieke 29:17

Ek weet, my God, dat U harte toets en vreugde vind in opregtheid. Ek, met opregtheid van hart het ek dit alles vrywillig gegee. En nou het ek met vreugde gesien hoe u volk wat hier teenwoordig is, vrywillig vir U gee.

2 Kronieke 15:18

Hy het die •heilige gawes van sy vader en sy eie heilige gawes in die huis van God ingeneem – silwer en goud en gebruiksartikels.

2 Kronieke 31:12

Die mense het die wydingsgeskenke, die tiendes en die heilige gawes getrou ingebring. Daaroor het Kenanja, die Leviet, toesig gehou, en Simi, sy broer, was tweede in bevel.

2 Kronieke 35:2

Hy het die priesters vir hulle pligte laat aantree en hulle bemoedig vir die dienswerk in die huis van die Here.

Esra 1:6

Al die mense in hulle omgewing het hulle ondersteun met voorwerpe van silwer, met goud, goedere, vee en kosbare geskenke, afgesien van alles wat ook nog vrywillig gegee is.

Esra 2:69

Hulle het na vermoë tot die boufonds bygedra: 61 000 goue dragme, 5 000 silwermina en 100 priesterrokke.

Esra 7:16

asook al die silwer en goud wat jy in die hele provinsie Babel sal vind, sowel as die vrywillige bydraes van die volk en die priesters wat hulle gee vir die huis van hulle God wat in Jerusalem is.

Eksodus 35:22

Hulle het gekom, die mans sowel as die vroue, almal wie se harte daartoe bereid was. Hulle het borsspelde, oorbelle, ringe en halskettings, allerlei goue voorwerpe, gebring – elkeen wat 'n gewyde gawe van goud vir die Here wou aanbied.

Eksodus 35:29

So het die Israeliete dit as 'n vrywillige offer vir die Here gebring, elke man en vrou wie se harte hulle daartoe aangespoor het om iets te bring vir al die werk wat die Here by monde van Moses beveel het.

Eksodus 35:5

‘Neem van wat julle het 'n •wydingsgeskenk vir die Here. Elkeen wie se hart gewillig is, moet dit bring – 'n wydingsgeskenk vir die Here: goud, silwer en brons;

Eksodus 36:3

Om dit te kon doen, het hulle elke •wydingsgeskenk wat die Israeliete gebring het vir die werk aan die oprigting van die heiligdom, van Moses ontvang. Die Israeliete het steeds elke oggend vrywillige offers vir hom gebring.

Levitikus 27:31

As iemand wel van sy tiende wil loskoop, moet hy 'n vyfde daarby voeg.

Lukas 21:4

Want hulle het almal uit hulle oorvloed by die bydraes ingegooi, maar sy het, ten spyte van haar behoeftigheid, alles ingegooi wat sy gehad het, haar hele lewensonderhoud.”