2 Konings 1:16 - Die Bybel 2020-vertaling

¹⁶ Elia het vir Ahasia gesê: “So sê die Here, ‘Omdat jy boodskappers gestuur het om Baäl-Sebub, die god van Ekron te raadpleeg, asof daar geen God in Israel is wie se woord geraadpleeg kan word nie – daarom, hierdie bed waarop jy geklim het – jy sal daarvan nie weer afklim nie, want jy gaan beslis sterf.’ ”

Bybel vir almal

¹⁶ Elia het vir die koning gesê: “Die Here sê: Jy het boodskappers gestuur om vir Baäl-Sebub, die god van Ekron, te vra wat sal gebeur. Dink jy daar is nie 'n God in die land Israel vir wie jy kan vra wat sal gebeur nie? Omdat jy dit gedoen het, sal jy nie afklim van die bed waarop jy gaan lê het nie, want jy sal sterf, dit is seker.”

Afrikaans 1933-1953

¹⁶ en met hom gespreek: So sê die Here: Omdat jy boodskappers gestuur het om Baäl-Sebub, die god van Ekron, te raadpleeg — is dit omdat daar glad geen God in Israel is om sy woord te raadpleeg nie? — daarom sal jy van die bed waar jy op geklim het, nie afkom nie, want jy sal sekerlik sterwe.

Afrikaans 1983

¹⁶ Elia het vir die koning gesê: “So sê die Here: Omdat jy boodskappers gestuur het om Baäl-Sebub die god van Ekron te raadpleeg asof daar geen God in Israel is wat geraadpleeg kan word nie, sal jy nie opstaan uit die bed waarin jy nou lê nie. Jy gaan sterf.”

Contemporary Afrikaans Bible 2023

¹⁶ En hy sê vir hom: So sê die HERE: Omdat jy boodskappers gestuur het om Baäl-Sebub, die god van Ekron, te raadpleeg, is dit nie omdat daar geen God in Israel is om sy woord te raadpleeg nie? daarom mag jy nie van daardie bed afklim waarop jy geklim het nie, maar jy sal sekerlik sterwe.

Die Boodskap

¹⁶ Hy het vir die koning gesê: “Hier is die Here se boodskap vir jou: ‘Waarom het jy boodskappers na Baäl-Sebub, die god van Ekron, gestuur om te hoor of jy gesond gaan word? Is daar dan geen God in Israel wat jy kon raadpleeg nie? Jy sal nie gesond word nie. Jy gaan beslis sterf.’”

Nuwe Lewende Vertaling

¹⁶ Elia sê vir die koning: “Dit is wat die Here sê: Hoekom stuur jy boodskappers na Baäl-Sebub die god van Ekron om te vra of jy gesond sal word? Is dit omdat daar geen God in Israel is wat jy kan raadpleeg nie? Omdat jy dit gedoen het, sal jy nie opstaan uit die bed waarop jy nou lê nie. Jy sal sekerlik sterf.”

2 Konings 1:16 Kruisverwysings

1 Konings 22:28

Maar Miga het gesê: “As u wel ongedeerd terugkom, het die Here nie deur my gespreek nie.” Hy sê toe ook nog: “Mense, luister, almal van julle!”

2 Konings 1:6

Hulle antwoord hom: “'n Man het ons tegemoetgekom en vir ons gesê, ‘Gaan terug na die koning wat julle gestuur het en sê vir hom: “So sê die Here, ‘Is dit omdat daar geen God in Israel is nie dat u mense stuur om Baäl-Sebub, die god van Ekron, te raadpleeg? Daarom, daardie bed waarop jy geklim het – jy sal daarvan nie weer afklim nie, want jy gaan beslis sterf.” ’ ”

2 Konings 20:1

In dié tyd het Hiskia dodelik siek geword. Jesaja, seun van Amos, die profeet, het by hom aangekom en vir hom gesê: “So sê die Here, ‘Gee die laaste opdragte oor jou huisgesin, want jy gaan sterf, jy sal nie leef nie.’ ”

2 Konings 5:21

Gehasi het Naäman agternagesit. Toe Naäman sien iemand hardloop agter hom aan, spring hy van die strydwa af om hom tegemoet te gaan en vra: “Is alles reg?”

2 Konings 8:10

Elisa het vir hom gesê: “Gaan sê, ‘Jy sal beslis nie herstel nie. Die Here het aan my geopenbaar dat jy beslis sal sterf.’ ”

2 Konings 8:8

Die koning sê toe vir Gasael: “Neem 'n geskenk saam en gaan ontmoet die man van God. Raadpleeg dan die Here deur hom en vra, ‘Sal ek van hierdie siekte herstel?’ ”

Psalms 132:3

“Ek sal nie ingaan in die tent waar ek woon; ek sal nie op my slaapbank gaan lê nie,

Spreuke 11:19

Egte regverdigheid is gerig op die lewe, maar wie kwaad najaag, stuur af op sy dood.

Esegiël 14:4

Daarom, spreek hulle aan, sê vir hulle, ‘So sê my Heer, die Here: “Enige persoon uit die huis van Israel wat aan sy afgodsbeelde 'n plek gee in sy hart en nie afsien van die struikelblok wat sy sonde meebring nie, en dan na 'n profeet toe kom – Ek, die Here, voel Ek moet hom antwoord in ooreenstemming met die omvang van sy afgodery,