2 Konings 1:10 - Die Bybel 2020-vertaling

¹⁰ Elia het die aanvoerder van vyftig geantwoord en gesê: “As ek 'n man van God is, mag daar vuur uit die hemel afkom en jou en jou vyftig man verteer! ” Daar kom toe vuur uit die hemel af en verteer hom en sy vyftig.

Bybel vir almal

¹⁰ Elia het geantwoord en vir die offisier gesê: “As ek 'n man van God is, dan sal daar vuur afkom uit die lug en die vuur sal jou en jou 50 manne verbrand.” En toe kom daar vuur uit die lug en dit verbrand die offisier en sy 50 manne.

Afrikaans 1933-1953

¹⁰ Toe antwoord Elía en sê aan die owerste oor vyftig: As ek dan 'n man van God is, mag daar vuur van die hemel neerdaal en jou en jou vyftig verteer! En daar het vuur van die hemel neergedaal en hom met sy vyftig verteer.

Afrikaans 1983

¹⁰ Toe antwoord Elia die offisier: “So seker as ek 'n man van God is, daar sal vuur uit die hemel uit afkom en jou en jou vyftig man verteer!” Daar het toe vuur uit die hemel uit afgekom en die offisier en sy vyftig manskappe verteer.

Contemporary Afrikaans Bible 2023

¹⁰ En Elía het geantwoord en aan die owerste oor vyftig gesê: As ek 'n man van God is, laat dan vuur uit die hemel neerdaal en jou en jou vyftig verteer. En vuur het uit die hemel neergedaal en hom en sy vyftig verteer.

Die Boodskap

¹⁰ Elia het geantwoord: “As ek ’n man van God is, laat daar dan vuur uit die hemel afkom om jou en jou 50 manskappe te verteer.” Dit het toe presies so gebeur: vuur het uit die hemel gekom en hulle almal verteer.

2 Konings 1:10 Kruisverwysings

1 Konings 22:28

Maar Miga het gesê: “As u wel ongedeerd terugkom, het die Here nie deur my gespreek nie.” Hy sê toe ook nog: “Mense, luister, almal van julle!”

2 Konings 1:11

Daarop stuur die koning weer 'n ander aanvoerder van vyftig met sy vyftig man na Elia. Hy gaan toe op en sê vir hom: “Man van God, so sê die koning, ‘Kom dadelik af!’ ”

2 Kronieke 36:16

Hulle het egter telkens die gek geskeer met die boodskappers van God en sy woorde versmaai, terwyl hulle met sy profete die spot gedryf het, totdat die Here se woede teen sy volk opgelaai het, totdat geen herstel meer moontlik was nie.

Job 1:16

Terwyl dié een nog besig is om te praat, kom 'n ander een daar aan en sê: “Die vuur van God het uit die hemel geval en die kleinvee en werkers verbrand en verteer. Net ek alleen het vrygekom om dit aan u te kom vertel.”

Psalms 105:15

“Moenie aan my gesalfdes raak nie; my profete moet julle geen kwaad aandoen nie.”

Psalms 106:18

'n Vuur het onder hulle bende uitgebreek, vlamme het die goddeloses verskroei.

Daniël 3:22

As gevolg van die streng opdrag van die koning en die oond wat uitermate verhit was, het die vlamme van die vuur daardie manne wat vir Sadrag, Mesag en Abednego opgetel het, doodgebrand.

Daniël 3:25

waarop hy toe antwoord en sê: “Kyk! Ek sien vier manne los rondstap binne-in die vuuroond, en daar is geen letsel aan hulle nie; en die vierde se voorkoms is soos dié van 'n godeseun.”

Daniël 6:24

Die koning was toe uitermate verheug oor hom, en hy het mense opdrag gegee om Daniël uit die kuil op te trek. Daniël is uit die kuil opgetrek en geen letsel kon aan hom gekry word nie, omdat hy op sy God vertrou het.

Levitikus 10:2

Vuur het van voor die Here uitgegaan en hulle verteer, sodat hulle daar voor die Here gesterf het.

Numeri 11:1

Die volk het erg begin kla in die ore van die Here. Toe die Here dit hoor, het sy toorn ontbrand. Die vuur van die Here het teen hulle ontbrand, en dit het die rand van die kamp verteer.

Numeri 16:35

'n Vuur het van die Here af uitgegaan en die tweehonderd-en-vyftig man verteer wat die reukwerk nadergebring het.

Matteus 21:41

Hulle sê vir Hom: “Hy sal daardie slegte mense 'n aaklige dood laat sterf, en die wingerd aan ander landbouers verhuur wat aan hom die opbrengs op die regte tyd sal lewer.”

Lukas 9:54

Toe die dissipels Jakobus en Johannes dit sien, sê hulle: “Here, wil U hê ons moet vuur uit die hemel laat neerkom om hulle te vernietig? ”

Handelinge 12:19

Herodes het hom laat soek, maar nie gekry nie, en nadat hy die wagte verhoor het, het hy opdrag gegee dat hulle tereggestel word. Hierna het hy van Judea na Caesarea gereis en daar gebly.

Hebreërs 12:29

Want ons God is inderdaad 'n verterende vuur.

Openbaring 11:5

As iemand hulle kwaad wil aandoen, vlam daar vuur uit hulle monde wat hulle vyande verteer; en as iemand hulle kwaad wil aandoen, moet hy ook so doodgemaak word.