1 Samuel 8:9 - Die Bybel 2020-vertaling

⁹ Luister dan nou na hulle. Maar jy moet hulle net ernstig waarsku, en aan hulle die regte verduidelik van die koning wat oor hulle gaan regeer. ”

Bybel vir almal

⁹ Maar nou moet jy doen wat hulle vra. Jy moet hulle net eers ernstig waarsku en vir hulle sê wat die koning alles mag doen, die koning wat oor hulle sal regeer.”

Afrikaans 1933-1953

⁹ Luister dan nou na hulle: jy moet hulle net ernstig waarsku en hulle die reg van die koning meedeel wat oor hulle sal regeer.

Afrikaans 1983

⁹ Gee nou maar toe aan hulle versoek. Stel die saak net baie duidelik aan hulle: sê vir hulle wat die reg van die koning is wat oor hulle sal regeer.”

Contemporary Afrikaans Bible 2023

⁹ Luister dan nou na hulle stem; maar protesteer tog plegtig teen hulle en maak hulle die reg van die koning wat oor hulle sal regeer, te kenne.

Die Boodskap

⁹ Doen wat hulle sê, maar waarsku hulle ernstig en sê vir hulle wat die regte is van die koning wat oor hulle gaan heers.”

Nuwe Lewende Vertaling

⁹ Doen soos hulle vra, maar waarsku hulle ernstig oor wat ’n koning met hulle sal doen.”

1 Samuel 8:9 Kruisverwysings

Jeremia 11:7

Want Ek het julle voorouers uitdruklik gewaarsku, vanaf die dag toe Ek hulle uit Egipteland laat optrek het, tot vandag toe. Ek het hulle aanhoudend gewaarsku met die woorde: “Luister na my stem!”

Esegiël 3:18

Wanneer Ek vir 'n goddelose sê dat hy beslis sal sterf, en jy waarsku hom nie, jy praat nie om die goddelose te waarsku teen sy goddelose lewenswyse, sodat hy kan leef nie, sal hy, die goddelose, sterf oor sy sondeskuld; maar sy bloed sal Ek van jou hand eis.

Esegiël 46:18

Die leier mag nie van die volk se erfdeel vat om hulle so uit hulle erfgrond te verdring nie; van sy eie erfgrond moet hy aan sy seuns nalaat, sodat my volk nie verstrooi raak, elkeen weg van sy erfgrond nie.” ’ ”

1 Samuel 10:25

Samuel het toe met die volk gepraat oor die regte verbonde aan die koningskap, en dit in 'n •boekrol geskryf. Hy het dit voor die Here neergelê. Daarna het Samuel die hele volk laat gaan, elkeen na sy huis.

1 Samuel 12:1

Samuel het vir die hele Israel gesê: “Kyk, ek het geluister na alles wat julle vir my gevra het, en ek het 'n koning oor julle aangestel.

1 Samuel 14:52

Daar was hewige gevegte met die Filistyne solank Saul geleef het. Wanneer Saul enige heldhaftige of onverskrokke man gesien het, het hy dié by hom laat aansluit.

1 Samuel 2:13

Die reg van die priesters teenoor die volk was so dat, wanneer enigiemand 'n offer slag, die priester se handlanger met 'n drietandvurk in sy hand kom terwyl die vleis kook.

1 Samuel 8:8

Dit stem ooreen met al die dade wat hulle gedoen het, van die dag dat Ek hulle uit Egipte laat optrek het tot vandag toe: Hulle het My verlaat en ander gode gedien. Presies so maak hulle nou ook met jou.