1 Samuel 7:2 - Die Bybel 2020-vertaling

² Vanaf die dag dat die ark in Kirjat-Jearim 'n tuiste gevind het, het daar 'n lang tyd verloop – twintig jaar. Die hele huis van Israel wou toe weer die Here volg.

Bybel vir almal

² Die kis van die Here het lank in Kirjat-Jearim gebly, dit was 20 jaar daar. Al die Israeliete het gehuil en getreur en hulle het gevra dat die Here hulle moet help teen die Filistyne.

Afrikaans 1933-1953

² EN van die dag af dat die ark in Kirjat-Jeárim gebly het, het daar geruime tyd verloop — dit was twintig jaar — en die hele huis van Israel het agter die Here aan geweeklaag.

Afrikaans 1983

² Vandat die ark in Kirjat-Jearim 'n staanplek gekry het, het daar 'n lang tyd verloop, twintig jaar. Toe het al die Israeliete by die Here gekla oor hulle verdrukking,

Contemporary Afrikaans Bible 2023

² En terwyl die ark in Kirjat-Jeárim gebly het, was die tyd lank; want dit was twintig jaar, en die hele huis van Israel het agter die HERE aan geweeklaag.

Die Boodskap

² Die ark het ’n lang tyd, seker twintig jaar, in Kirjat-Jearim gebly. Al die Israeliete het gedurig by die Here gaan kla.

Nuwe Lewende Vertaling

² Die ark het vir ’n lang tyd, vir twintig jaar, in Kirjat-Jearim gebly. Die hele Israel het by die Here begin kla oor hulle lot.

1 Samuel 7:2 Kruisverwysings

1 Kronieke 13:3

Kom ons bring dan die ark van ons God na ons toe, want in Saul se tyd het ons nie daarvoor gesorg nie.”

1 Kronieke 13:5

Daarop het Dawid die hele Israel, van Sigor in Egipte af tot by Lebo-Hamat, byeen laat kom om die ark van God uit Kirjat-Jearim te bring.

Jeremia 26:20

Daar was ook 'n man wat in die Naam van die Here geprofeteer het, Uria, seun van Semaja, uit Kirjat-Jearim. Hy het teen hierdie stad en teen hierdie land profesieë uitgespreek wat ooreenkom met al die woorde van Jeremia.

Jeremia 3:13

Erken net jou sondeskuld, want teen die Here jou God het jy oortree. Jy het jou paaie in alle rigtings laat loop na vreemdes onder elke skaduryke boom. Na my stem het julle nie geluister nie,” is die uitspraak van die Here.

Jeremia 31:9

Met 'n gehuil sal hulle kom, en onder smeekbedes sal Ek hulle begelei. Ek sal hulle bring by waterstrome, op 'n gelyk pad waarop hulle nie sal struikel nie. Want Ek het vir Israel 'n vader geword, Efraim is my eersgeborene.

Matteus 5:4

Gelukkig is dié wat treur, want hulle sal vertroos word.

Josua 9:17

Die Israeliete het verder getrek en op die derde dag by hulle stede aangekom. Hulle stede was Gibeon, Kefira, Beërot en Kirjat-Jearim.

Rigters 2:4

Nadat die Engel van die Here hierdie woorde vir al die Israeliete gesê het, het die volk hardop gehuil.

1 Samuel 7:1

Die manne van Kirjat-Jearim het toe gekom. Hulle het met die ark van die Here opgegaan en dit na die huis van Abinadab op die heuwel geneem. Hulle het Eleasar, sy seun, gewy om die ark van die Here op te pas.

1 Samuel 7:3

Samuel het toe vir die hele huis van Israel gesê: “As julle met julle hele hart na die Here wil terugkeer, verwyder dan die vreemde gode uit julle midde, en ook die Astartes. Rig julle hart op die Here en dien Hom alleen, sodat Hy julle kan red uit die hand van die Filistyne.”