1 Samuel 4:18 - Die Bybel 2020-vertaling

¹⁸ Die oomblik toe hy die ark van God noem, val Eli reg agteroor van sy stoel af langs die stadspoort. Sy nek het gebreek en hy het gesterf, want hy was 'n ou man en hy was swaar. Hy het Israel veertig jaar lank gerig.

Bybel vir almal

¹⁸ Dadelik toe Eli hoor wat die man sê oor die kis van God, het hy agteroor van sy stoel afgeval daar by die poort. Hy het sy nek gebreek en hy het gesterf. Hy was oud en swaar. Eli was 40 jaar lank die leier van Israel.

Afrikaans 1933-1953

¹⁸ Net toe hy melding maak van die ark van God, val hy agteroor van die stoel af aan die kant van die poort, sodat hy sy nek gebreek en gesterf het; want die man was oud en swaar. En hy het Israel veertig jaar lank gerig.

Afrikaans 1983

¹⁸ Toe hy praat van die ark van God, het Eli daar by die poort van sy stoel af agteroor geval. Hy het sy nek gebreek en gesterf, want hy was oud en swaar. Hy was veertig jaar 'n leier in Israel.

Contemporary Afrikaans Bible 2023

¹⁸ En toe hy van die ark van God melding maak, val hy agteroor van die stoel af langs die poort, en sy nek het gebreek, en hy het gesterwe, want hy was 'n ou man en swaar. En hy het Israel veertig jaar lank gerig.

Die Boodskap

¹⁸ Toe hy sê wat met die ark gebeur het, het Eli daar by die dorp se ingang reg agteroor van die stoel afgeval. Hy het sy nek gebreek en is dood, want hy was oud en swaar. Eli het Israel 40 jaar lank gelei.

Nuwe Lewende Vertaling

¹⁸ Toe die boodskapper sê wat met die ark gebeur het, het Eli daar by die poort agteroor van sy stoel af geval. Hy het sy nek gebreek en gesterf, want hy was baie oud en oorgewig. Hy het Israel 40 jaar lank gelei.

1 Samuel 4:18 Kruisverwysings

Psalms 26:8

Here, ek het die huis waar U woon, lief, u heerlike woonplek.

Psalms 42:10

Ek wil vir God sê: “My rotsvesting, waarom het U my vergeet, waarom moet ek in rouklere loop oor die verdrukking deur 'n vyand?”

Psalms 42:3

My siel dors na God, na die lewende God. Wanneer kan ek in die •tempel ingaan en voor God verskyn?

Psalms 69:9

Ek is vervreem van my broers, 'n vreemdeling vir my moeder se kinders.

Levitikus 10:3

Toe sê Moses vir Aäron: “Dit is wat die Here bedoel het toe Hy gesê het, “ ‘Deur diegene wat naby My is, moet Ek as heilig erken word; ten aanskoue van die hele volk moet Ek geëer word.’ ” Aäron het net geswyg.

Rigters 15:20

Hy het Israel in die tyd van die Filistyne twintig jaar lank gerig.

1 Samuel 4:13

Toe hy daar aankom, sit Eli juis op 'n stoel langs die pad, in afwagting op nuus, want sy hart was aan die bewe oor die ark van God. Toe die man die stad binnegaan om die nuus bekend te maak, het die hele stad om hulp geroep.

1 Samuel 4:17

Die boodskapper het geantwoord en gesê: “Israel het voor die Filistyne gevlug. Daar was nie net 'n groot slagting onder die manskappe nie, maar ook u twee seuns, Hofni en Pinehas, het gesneuwel, en die ark van God is weggevoer.”

1 Samuel 4:19

Sy skoondogter, die vrou van Pinehas, was swanger en op die punt om geboorte te gee. Toe sy die tyding kry oor die ark van God wat weggevoer is, en haar skoonvader en man wat dood is, het sy ineengekrimp en geboorte gegee, want haar geboortepyne het haar oorweldig.