1 Samuel 4:1 - Die Bybel 2020-vertaling

¹ En Samuel se boodskap was tot die hele Israel gerig. Israel het die Filistyne tegemoetgetrek vir die oorlog, en hulle het kamp opgeslaan by Eben-Haeser. Die Filistyne weer het kamp opgeslaan by Afek.

Bybel vir almal

¹ Die Israeliete het gaan oorlog maak teen die Filistyne. Hulle het hulle tente opgeslaan by die stad Eben-Haeser, en die Filistyne het hulle tente opgeslaan by die stad Afek.

Afrikaans 1933-1953

¹ EN die woord van Samuel het tot die hele Israel gekom. En Israel het uitgetrek vir die geveg, die Filistyne tegemoet, en hulle het laer opgeslaan by Ebenhaéser; maar die Filistyne het laer opgeslaan by Afek.

Afrikaans 1983

¹ Samuel se woorde was aan die hele Israel gerig. Op 'n keer het Israel teen die Filistyne gaan oorlog maak. Die Israeliete het by Eben-Haeser kamp opgeslaan, en die Filistyne by Afek.

Contemporary Afrikaans Bible 2023

¹ En die woord van Samuel het tot die hele Israel gekom. En Israel het teen die Filistyne uitgetrek om te veg en laer opgeslaan by Ebenéser; en die Filistyne het laer opgeslaan in Afek.

Die Boodskap

¹ Samuel was ’n profeet vir die hele Israel. Die Israeliete het uitgetrek om teen die Filistyne te gaan veg. Hulle kamp was by Eben-Haeser en die Filistyne s’n by Afek.

Nuwe Lewende Vertaling

¹ Israel het opgetrek om teen die Filistyne oorlog te maak. Hulle het by Eben-Haeser kamp opgeslaan en die Filistyne by Afek.

1 Samuel 4:1 Kruisverwysings

1 Konings 20:26

Teen die jaarwending het Ben-Hadad die Arameërs gemonster en opgetrek na Afek om teen Israel oorlog te voer.

1 Konings 20:30

Dié wat oor was, het na Afek gevlug, na die stad; maar die stadsmuur het op die sewe-en-twintigduisend wat oor was, ingeval. Ben-Hadad het ook gevlug en in die stad ingegaan, van een binnekamer na die ander.

Psalms 83:7

die tente van Edom en die Ismaeliete, Moab en die nageslag van Hagar,

Deuteronomium 29:10

Julle staan vandag almal in die teenwoordigheid van die Here julle God – julle hoofde, julle stamhoofde, julle oudstes en julle opsieners, elke Israeliet,

Josua 12:18

die koning van Afek, een; die koning van Saron, een;

Josua 13:4

Vanaf die suide is dit die hele land van die Kanaäniete, en vanaf Ara, wat aan die Sidoniërs behoort, strek dit tot by Afek, by die grens van die Amoriete.

Josua 15:53

Janum, Bet-Tappuag, Afeka,

Josua 19:30

Uma, Afek en Regob – twee-en-twintig dorpe met hulle gehuggies.

1 Samuel 10:19

“Julle, egter, het vandag julle God verwerp wat julle uit alle gevare en benoudhede verlos. Julle het gesê, ‘Nee, maar 'n koning moet jy oor ons aanstel. ’ Neem dan nou plek in voor die Here volgens julle stamme en volgens julle afdelings.”

1 Samuel 29:1

Die Filistyne het hulle hele leër by Afek byeengebring, en Israel het kamp opgeslaan by die fontein in Jisreël.

1 Samuel 3:11

Die Here sê toe vir Samuel: “Kyk, Ek gaan iets doen in Israel wat elkeen wat dit hoor, se twee ore sal laat tuit.

1 Samuel 4:2

Die Filistyne het hulle gevegslinies teen Israel opgestel, en toe die geveg uitbrei, is Israel voor die Filistyne uit verslaan. Hulle het op die gevegsterrein ongeveer vierduisend man neergevel.

1 Samuel 5:1

Toe die Filistyne die ark van God weggevoer het, het hulle dit van Eben-Haeser af na Asdod toe gebring.

1 Samuel 7:12

Toe het Samuel 'n klip geneem en dit tussen Mispa en Sen opgerig. Hy het dit Eben-Haeser genoem en gesê: “Tot hiertoe het die Here ons gehelp.”