1 Samuel 3:7 - Die Bybel 2020-vertaling

⁷ Samuel het nog nie die Here geken nie, en die woord van die Here was nog nie aan hom geopenbaar nie.

Bybel vir almal

⁷ Samuel het nie geweet dat dit die Here is nie, want die Here het nog nie voor daardie tyd met hom gepraat nie.

Afrikaans 1933-1953

⁷ Maar Samuel het die Here nog nie geken nie; ook was die woord van die Here nog nie aan hom geopenbaar nie.

Afrikaans 1983

⁷ Maar Samuel het nog nie die Here geken nie, want die woord van die Here was nog nie voorheen aan hom geopenbaar nie.

Contemporary Afrikaans Bible 2023

⁷ En Samuel het die HERE nog nie geken nie, en die woord van die HERE is nog nie aan hom geopenbaar nie.

Die Boodskap

⁷ Samuel het toe nog nie die Here geken nie, want die Here het nog nie met hom gepraat nie.

Nuwe Lewende Vertaling

⁷ Samuel het nie vooraf geweet dat dit die Here is nie, want die Here het nog nie met hom gepraat nie.

1 Samuel 3:7 Kruisverwysings

Jeremia 9:24

Slegs hierop moet die een wat wil roem, hom beroem: dat hy insig het en My ken, naamlik dat Ek die Here is wat troue liefde, reg en geregtigheid handhaaf op aarde; want daarin vind Ek vreugde.” Dit is die uitspraak van die Here.

Handelinge 19:2

Hy het hulle gevra: “Het julle die Heilige Gees ontvang toe julle gelowig geword het?” Hulle het hom geantwoord: “Nee, ons het nie eers gehoor dat daar 'n Heilige Gees is nie.”

1 Korinthiërs 13:11

Toe ek nog 'n kind was, het ek gepraat soos 'n kind, gedink soos 'n kind, geredeneer soos 'n kind. Noudat ek volwasse is, het ek die dinge van 'n kind agtergelaat.

1 Samuel 3:6

Die Here roep toe weer: “Samuel!” Samuel het opgestaan, na Eli gegaan en gesê: “Hier is ek, want u het na my geroep.” Maar hy antwoord: “Ek het nie geroep nie, my seun. Gaan lê maar weer.”

1 Samuel 3:8

Die Here roep toe weer na Samuel vir die derde maal. Hy staan toe op, gaan na Eli en sê: “Hier is ek, want u het na my geroep.” Eli besef toe dat dit die Here is wat na die seun roep.