1 Samuel 3:12 - Die Bybel 2020-vertaling

¹² Op daardie dag sal Ek teenoor Eli alles vervul wat Ek oor sy huis aangekondig het, van die begin tot die einde.

Bybel vir almal

¹² Daardie dag sal Ek met Eli alles laat gebeur wat Ek oor sy familie gesê het, alles van die begin tot die end.

Afrikaans 1933-1953

¹² Dié dag sal Ek aan Eli vervul alles wat Ek oor sy huis gespreek het, van begin tot end.

Afrikaans 1983

¹² Op daardie dag sal Ek vir Eli alles voltrek wat Ek oor sy familie aangekondig het, van begin tot end.

Contemporary Afrikaans Bible 2023

¹² In dié dag sal Ek teen Eli doen alles wat Ek oor sy huis gespreek het; as Ek begin, sal Ek ook 'n einde maak.

Die Boodskap

¹² Op daardie dag sal Ek alles doen waarmee Ek Eli gedreig het.

Nuwe Lewende Vertaling

¹² Ek gaan nou al my dreigemente teen Eli en sy gesin uitvoer.

1 Samuel 3:12 Kruisverwysings

Esegiël 21:5

En al wat leef, sal besef dat Ek, die Here, my swaard uit sy skede getrek het. Dit sal nie weer teruggesit word nie.” ’

Sagaria 1:6

Maar my woorde en voorskrifte, wat Ek my dienaars die profete beveel het, het dit nie julle voorouers ingehaal nie? Hulle het tot inkeer gekom en erken, ‘Soos wat die Here, Heerser oor alle magte, beplan het om aan ons te doen, in ooreenstemming met ons lewe en ons dade, so het Hy met ons gedoen.’ ” ’ ”

Numeri 23:19

God is nie 'n man, dat Hy sou lieg nie, en nie 'n mensekind, dat Hy van plan sou verander nie. Sou Hy iets sê en dit nie doen nie, sou Hy praat en dit nie gestand doen nie?

Lukas 21:33

Die hemel en die aarde sal tot 'n einde kom, maar my woorde sal beslis nie tot 'n einde kom nie.

Josua 23:15

Soos elke goeie belofte wat die Here julle God aan julle gemaak het, vir julle vervul is, so sal die Here elke woord van onheil oor julle vervul, totdat Hy julle uitgedelg het van hierdie goeie grond af wat die Here julle God vir julle gegee het.

Rigters 4:24

Die hand van die Israeliete het algaande swaarder gedruk op Jabin, die koning van Kanaän, totdat hulle Jabin, die koning van Kanaän, vernietig het.

1 Samuel 4:11

Die ark van God is weggevoer, en die twee seuns van Eli, Hofni en Pinehas, het gesterf.

1 Samuel 4:17

Die boodskapper het geantwoord en gesê: “Israel het voor die Filistyne gevlug. Daar was nie net 'n groot slagting onder die manskappe nie, maar ook u twee seuns, Hofni en Pinehas, het gesneuwel, en die ark van God is weggevoer.”

1 Samuel 4:21

Sy het die seuntjie Ikabod genoem en, met verwysing na die wegvoering van die ark van God, en na haar skoonvader en man, gesê: “Die eer is weggevoer uit Israel.”

1 Samuel 4:22

Sy het gesê: “Die eer is weggevoer uit Israel,” omdat die ark van God weggevoer is.