1 Samuel 28:18 - Die Bybel 2020-vertaling

¹⁸ Omdat jy nie na die stem van die Here geluister het nie, en nie sy brandende toorn oor Amalek voltrek het nie, daarom doen die Here dit vandag aan jou.

Bybel vir almal

¹⁸ Die Here het dit gedoen omdat jy ongehoorsaam was aan Hom. Hy was kwaad vir die Amalekiete, en jy het nie gedoen wat Hy vir jou gesê het nie.

Afrikaans 1933-1953

¹⁸ Omdat jy nie na die stem van die Here geluister en die gloed van sy toorn teen Ámalek nie uitgevoer het nie, daarom het die Here jou vandag hierdie ding aangedoen.

Afrikaans 1983

¹⁸ want jy het nie die bevel van die Here gehoorsaam nie en sy gloeiende toorn nie op Amalek gewreek nie. Daarom het die Here jou nou hierdie ding aangedoen.

Contemporary Afrikaans Bible 2023

¹⁸ Omdat jy nie na die stem van die HERE geluister het en sy gloed van grimmigheid nie teen Amalek laat optree het nie, daarom het die HERE hierdie ding vandag aan jou gedoen.

Die Boodskap

¹⁸ Die Here doen dit aan jou omdat jy nie na Hom wou luister nie. Hy was kwaad vir die Amalekiete en jy moes hulle uitgeroei het.

Nuwe Lewende Vertaling

¹⁸ Die Here doen dit omdat jy nie sy bevele oor die Amalekiete gehoorsaam het en hulle gestraf het nie. Dis hoekom die Here vandag so maak.

1 Samuel 28:18 Kruisverwysings

1 Konings 20:42

Hy sê toe vir die koning: “So sê die Here, ‘Omdat jy die man op wie my banvloek rus, uit jou hand vrygelaat het, sal dit jou lewe in die plek van sy lewe wees, en jou volk in die plek van sy volk.’ ”

1 Kronieke 10:13

Saul het gesterf vanweë sy troubreuk wat hy teen die Here gepleeg het, aangesien hy die woord van die Here nie nagekom het nie, en omdat hy boonop by die gees van 'n dooie navraag gedoen en dié geraadpleeg het.

Jeremia 48:10

Vervloek is hy wat die Here se werk met laksheid doen, en vervloek is hy wat sy swaard weerhou van bloed.

1 Samuel 13:9

Saul sê toe: “Bring vir my die •brandoffer en •maaltydoffers!” En hy het die brandoffer geoffer.

1 Samuel 15:20

Saul sê toe vir Samuel: “Ek het geluister na die stem van die Here. Ek het gegaan op die pad waarop die Here my gestuur het. Ek het Agag, die koning van die Amalekiete, saamgebring, maar die Amalekiete het ek met die banvloek getref.

1 Samuel 15:28

Samuel sê toe vir hom: “Die Here het vandag die koningskap van Israel van jou afgeskeur en Hy het dit aan jou medemens gegee wat beter as jy is.

1 Samuel 15:9

Saul en die manskappe het Agag gespaar, asook die beste kleinvee en beeste, al die naasbestes, ook die ramme en alles wat goed was. Hulle wou dit nie met die banvloek tref nie; maar alles wat verwerplik en swak was, dié het hulle met die banvloek getref.