1 Samuel 26:20 - Die Bybel 2020-vertaling

²⁰ Laat my bloed dan nou nie op die aarde val nie, ver van die teenwoordigheid van die Here. Want die koning van Israel het uitgetrek om na een vlooi te soek soos iemand wat agter 'n patrys aan is in die bergwêreld.”

Bybel vir almal

²⁰ Maar jy moenie vir my laat sterf ver van die plek waar die Here is nie. Ek is so onbelangrik soos 'n vlooi, maar die koning van Israel jaag my soos 'n mens 'n voël in die berge jag.”

Afrikaans 1933-1953

²⁰ Laat my bloed dan nou nie op die aarde val ver van die aangesig van die Here nie, want die koning van Israel het uitgetrek om een enkele vlooi te soek, soos 'n man 'n patrys op die berge agtervolg.

Afrikaans 1983

²⁰ Laat my bloed tog nie ver van die heiligdom af op die grond val nie. Waarlik, die koning van Israel het uitgetrek om een enkele vlooi te soek soos 'n mens 'n patrys in die berge agtervolg.”

Contemporary Afrikaans Bible 2023

²⁰ Laat my bloed dan nou nie op die aarde val voor die aangesig van die HERE nie, want die koning van Israel het uitgetrek om 'n vlooi te soek, soos wanneer 'n mens 'n patrys op die berge jag.

Die Boodskap

²⁰ Moet tog nie dat ek op vreemde grond, ver van die Here se altaar af doodgaan nie. Het die koning van Israel regtig ’n hele leër gevat om een enkele sandluis te soek, om een ou patrysie in die berge te kom jag?”

1 Samuel 26:20 Kruisverwysings

Jeremia 16:16

“ Kyk, Ek gaan baie vissers ontbied,” is die uitspraak van die Here, “en hulle sal hulle vang. Daarna sal Ek baie jagters ontbied, en hulle sal op hulle jag maak op elke berg en elke heuwel, en selfs in die rotsskeure.

Klaagliedere 3:52

Verbete en sonder rede het my vyande my soos 'n voël gejag.

Matteus 26:47

Jesus was nog besig om te praat, toe Judas, een van die twaalf, skielik daar opdaag. Saam met hom was daar 'n groot menigte met swaarde en knuppels, gestuur deur die leierpriesters en familiehoofde van die volk.

Matteus 26:55

Op daardie oomblik het Jesus vir die menigte gevra: “Het julle soos teen 'n rower uitgetrek met swaarde en knuppels om My gevange te neem? Dag ná dag het Ek op die tempelterrein gesit en onderrig gee, en julle het My nie gevange geneem nie.

1 Samuel 2:9

“Die voete van sy troue volgelinge beskerm Hy, maar goddeloses – in duisternis word hulle vernietig. “Ja, dit is nie deur krag dat iemand seëvier nie.

1 Samuel 24:11

Kyk, u het vandag met u eie oë gesien dat die Here u vandag in die grot in my hand oorgegee het. Iemand het gesê ek moet u om die lewe bring, maar ek het u jammer gekry. Ek het gesê, ‘Ek sal nie my hand na my heer uitsteek nie, want hy is die gesalfde van die Here.’

1 Samuel 24:14

Soos die ou spreekwoord sê, “ ‘Uit goddeloses kom goddeloosheid voort.’ “My hand sal nie teen u wees nie.

1 Samuel 24:15

“ Agter wie aan het die koning van Israel uitgetrek? Wie is u besig om te agtervolg? U is agter 'n dooie hond aan, agter een vlooi aan!

1 Samuel 25:29

En wanneer mense opstaan om u te agtervolg en u lewe bedreig, mag die lewe van my heer dan toegebind wees in die sakkie van die lewendes by die Here, u God. Maar die lewens van u vyande, mag Hy dit wegslinger uit die holte van 'n slingervel.