1 Samuel 24:2 - Die Bybel 2020-vertaling

² Nadat Saul teruggekeer het vanwaar hy die Filistyne agtervolg het, is daar aan hom berig gebring: “Kyk, Dawid is in die woestyn by En-Gedi.”

Bybel vir almal

² Toe Saul terugkom nadat hy teen die Filistyne gaan veg het, het die mense vir hom gesê dat Dawid in die woestyn by En-Gedi is.

Afrikaans 1933-1953

² En net toe Saul terugkom agter die Filistyne vandaan, is aan hom meegedeel en gesê: Kyk, Dawid is in die woestyn van Éngedi.

Afrikaans 1983

² Net toe Saul van die veldtog teen die Filistyne af terugkom, is aan hom vertel: “Dawid is in die En-Gediwoestyn.”

Contemporary Afrikaans Bible 2023

² Toe het Saul drieduisend uitgesoekte manne uit die hele Israel geneem en Dawid en sy manne op die rotse van die wildsbokke gaan soek.

Die Boodskap

² Toe Saul terug is by die huis nadat hy die Filistyne uitgejaag het, het hy gehoor Dawid is in die En-Gediwoestyn.

Nuwe Lewende Vertaling

² Toe Saul van die inval van die Filistyne teruggekom het, het hy gehoor dat Dawid in die bergskuilings van En-Gedi is.

1 Samuel 24:2 Kruisverwysings

2 Samuel 22:2

Hy het gesê: “Die Here is my rotsvesting, my bergskuiling, my bevryder.

Job 39:1

“Kan jy vir 'n leeuwyfie prooi jag, die honger van jong leeus bevredig

Psalms 104:18

Die hoë berge is vir die klipbokke, die rotsskeure is 'n skuilplek vir dassies.

Psalms 141:6

Al sou hulle regeerders oor die rand van 'n krans afgegooi word, sou hulle steeds hoor dat my woorde aangenaam is.

Psalms 37:32

'n Goddelose hou die regverdige dop, en is daarop uit om hom dood te maak.

Psalms 38:12

My geliefdes en vriende staan van my af weg omdat ek geteister word; wie na aan my is, staan ver van my af.

1 Samuel 13:2

Saul het vir hom drieduisend man uit Israel gekies. Tweeduisend was by Saul in Migmas en in die bergland by Bet-El, en eenduisend was by Jonatan in Gibea in Benjamin. Die res van die manskappe het hy weggestuur, elkeen na sy woonplek toe.

1 Samuel 23:28

Saul het Dawid toe nie verder agtervolg nie en die Filistyne tegemoetgetrek. Daarom noem hulle daardie plek Sela-Hammaglekot.

1 Samuel 26:2

Saul het toe gereedgemaak en afgetrek na die woestyn van Sif. By hom was daar drieduisend man, uitgesoektes van Israel, om na Dawid in die woestyn van Sif te soek.