1 Samuel 24:16 - Die Bybel 2020-vertaling

¹⁶ Mag die Here regter wees; mag Hy oordeel tussen u en my; mag Hy kennis neem en my saak verdedig; mag Hy my reg handhaaf deur my uit u hand te red. ”

Bybel vir almal

¹⁶ Die Here sal die regter wees, Hy sal sê wie het reg gedoen, ek of jy. Hy sal sien en Hy sal vir my 'n getuie wees teen jou. Hy sal sê ek het reg gedoen.”

Afrikaans 1933-1953

¹⁶ Maar die Here sal regter wees en oordeel tussen my en u. Ja, mag Hy toesien en my saak verdedig en aan my reg verskaf teenoor u.

Afrikaans 1983

¹⁶ Die Here sal regter wees en Hy sal regspreek tussen ons. Hy sal sorg en my saak behartig en aan my reg verskaf teenoor u.”

Contemporary Afrikaans Bible 2023

¹⁶ En toe Dawid klaar was om hierdie woorde met Saul te spreek, het Saul gesê: Is dit jou stem, my seun Dawid? En Saul het sy stem verhef en geween.

Die Boodskap

¹⁶ Die Here sal regter wees en die saak tussen ons uitmaak, want Hy sien alles raak. Hy sal my help en wys dat ek nie skuldig is nie.”

1 Samuel 24:16 Kruisverwysings

Genesis 16:5

Sarai sê toe vir Abram: “Die onreg wat ek moet verduur, rus op jou. Ek self het my slavin in jou skoot gegee, maar toe sy sien dat sy swanger is, het ek minderwaardig geword in haar oë. Mag die Here oordeel tussen my en jou.”

Genesis 2:2

God was op die sewende dag klaar met sy werk wat Hy gedoen het; en Hy het op die sewende dag gerus van al sy werk wat Hy gedoen het.

Genesis 33:4

Esau het hom tegemoet gehardloop en hom omhels. Hy het hom om die nek geval en hom gesoen. Hulle het gehuil.

1 Kronieke 12:18

Toe het 'n gees van Amasai, die hoof van die dertig, besit geneem, en hy het gesê: “Ons is vir u, Dawid, en saam met u, seun van Isai! Vrede, vrede vir u, en vrede vir die wat u help, want u God help u!” Dawid het hulle aanvaar en hulle as hoofde van die troepe aangestel.

Job 6:25

Hoe kan opregte woorde krenkend wees? En hoe kan 'n teregwysing van julle kant af hoegenaamd teregwys?

Psalms 119:154

Behartig my regsaak en verlos my; hou my lewend op grond van u belofte.

Spreuke 15:1

'n Sagte antwoord keer woede weg, maar 'n krenkende woord laat toorn opvlam.

Spreuke 25:11

Goue appels in silwermonterings, so is 'n woord uitgespreek op die gepaste tyd.

Lukas 21:15

want Ek sal julle die woorde en wysheid gee wat nie een van julle teenstanders sal kan weerstaan of weerlê nie.

Handelinge 6:10

maar hulle was nie opgewasse teen die wysheid waarmee, en die Gees deur wie, hy gespreek het nie.

Rigters 11:27

Ek is nie die een wat 'n misstap teenoor jou begaan het nie, maar jy is die een wat my 'n onreg aandoen deur teen my oorlog te voer. Die Here, die Regter, sal vandag tussen die Israeliete en die Ammoniete beslis.’ ”

1 Samuel 26:17

Saul het Dawid se stem herken en gesê: “Is dit jou stem, my seun Dawid?” Waarop Dawid toe antwoord: “Dit is my stem, my heer die koning.”

1 Samuel 26:24

Kyk, soos u lewe vandag kosbaar was in my oë, mag my lewe so kosbaar wees in die oë van die Here, en mag Hy my red uit alle nood.”