1 Samuel 23:3 - Die Bybel 2020-vertaling

³ Maar die manne van Dawid het vir hom gesê: “Kyk, hier in Juda leef ons reeds in vrees – hoeveel te meer as ons na Keïla toe gaan, na die gevegslinies van die Filistyne?”

Bybel vir almal

³ Dawid se manne het vir hom gesê: “Ons is bang hier in Juda, maar ons sal nog baie banger wees as ons na Keïla moet gaan om die Filistyne aan te val.”

Afrikaans 1933-1953

³ Maar die manne van Dawid sê vir hom: Kyk, hier in Juda is ons al bevrees, hoeveel te meer dan as ons na Kehíla trek teen die slagordes van die Filistyne?

Afrikaans 1983

³ Maar die manne van Dawid sê: “O nee, ons verkeer hier in Juda alreeds in gevaar, hoeveel te meer as ons na die skanse van die Filistyne toe gaan by Keïla?”

Contemporary Afrikaans Bible 2023

³ Toe sê die manne van Dawid vir hom: Kyk, ons is bevrees hier in Juda; hoeveel te meer as ons in Kehíla kom teen die leërs van die Filistyne?

Die Boodskap

³ Maar die manne van Dawid het vir hom gesê: “Ag nee, man! Ons het al genoeg moeilikheid hier in Juda, wat nog as ons Keïla toe gaan en die soldate van die Filistyne gaan aanval!”

Nuwe Lewende Vertaling

³ Sy manskappe sê egter vir hom: “Wag ’n bietjie! Selfs hier in Juda voel ons onveilig. Moet ons dan nou na Keïla toe gaan en die hele Filistynse mag daar teen ons kry?”

1 Samuel 23:3 Kruisverwysings

Psalms 11:1

Vir die •musiekleier. Van Dawid. By die Here skuil ek; hoe kan julle dan vir my sê: “Vlug soos 'n voël na die berge,

Jeremia 12:5

“As jy saam met mense te voet hardloop, en hulle maak jou moeg, hoe sal jy dan met perde meeding? In 'n veilige gebied is jy vol selfvertroue; maar hoe sal jy vaar in die trots van die Jordaan?

1 Samuel 23:15

Dawid het besef dat Saul uitgetrek het om sy lewe te neem. Terwyl Dawid in Goresa was, in die woestyn van Sif,

1 Samuel 23:2

Dawid het die Here geraadpleeg: “Moet ek gaan en daardie Filistyne aanval?” Die Here het vir Dawid gesê: “Gaan, val die Filistyne aan en bevry Keïla!”

1 Samuel 23:23

Gaan kyk, en maak seker van al die plekke waar hy wegkruip, en kom dan terug na my toe met betroubare inligting. Ek sal dan met julle saamgaan, en as hy wel in die landstreek is, sal ek hom opspoor tussen al die familiegroepe van Juda.”

1 Samuel 23:26

Saul het al langs die een kant van die berg getrek, en Dawid en sy manne al langs die ander kant van die berg. Dawid het haastig op die vlug geslaan om van Saul af weg te kom, maar Saul en sy manne was besig om Dawid en sy manne te omsingel om hulle gevange te neem.

1 Samuel 23:4

Dawid het weer die Here geraadpeeg, en die Here het hom geantwoord en gesê: “Maak gereed, gaan af na Keïla, want Ek gaan die Filistyne in jou hand gee.”