1 Samuel 2:11 - Die Bybel 2020-vertaling

¹¹ Daarna het Elkana na Rama gegaan, na sy huis toe. Die seuntjie was egter in diens van die Here onder toesig van Eli, die priester.

Bybel vir almal

¹¹ Elkana het teruggegaan na sy huis in Rama, maar sy seun Samuel het by die priester Eli gebly om vir die Here te werk.

Afrikaans 1933-1953

¹¹ Daarna het Élkana na sy huis, na Rama, gegaan, terwyl die seun by die priester Eli die Here bly dien het.

Afrikaans 1983

¹¹ Daarna het Elkana na sy huis toe gegaan in Rama, terwyl die seun Samuel die Here bly dien het onder toesig van die priester Eli.

Contemporary Afrikaans Bible 2023

¹¹ En Elkana het na Rama gegaan na sy huis. En die seuntjie het die HERE gedien voor die priester Eli.

Die Boodskap

¹¹ Elkana het teruggegaan na sy huis in Rama, maar die seuntjie, Samuel, het agtergebly en onder toesig van Eli in die tempel gehelp.

Nuwe Lewende Vertaling

¹¹ Daarna het Elkana en Hanna sonder Samuel teruggegaan na Rama toe. Die seun het die Here onder toesig van die priester Eli gedien.

1 Samuel 2:11 Kruisverwysings

1 Samuel 1:1

Daar was 'n sekere man uit Ramatajim Sofim, in die heuwelland van Efraim. Sy naam was Elkana, seun van Jerogam, seun van Elihu, seun van Togu, seun van Suf, uit Efraim.

1 Samuel 1:19

Hulle het vroeg die volgende môre opgestaan, voor die Here in aanbidding gebuig, en weer na hulle huis in Rama gegaan. Elkana het met sy vrou Hanna gemeenskap gehad, en die Here het aan haar gedink.

1 Samuel 1:28

Op my beurt staan ek hom nou aan die Here af. Solank as wat hy leef, is hy geleen aan die Here.” Hulle het toe daar voor die Here in aanbidding gebuig.

1 Samuel 2:18

Samuel het voor die Here diens gedoen – 'n seuntjie wat 'n efod van linne aangehad het

1 Samuel 3:1

Die seun Samuel was in diens van die Here onder toesig van Eli. 'n Woord van die Here was seldsaam in daardie dae; geen visioene het voorgekom nie.

1 Samuel 3:15

Samuel het bly lê tot die oggend, en hy het die deure van die huis van die Here oopgemaak. Maar Samuel was bang om vir Eli van die verskyning te vertel.

1 Samuel 7:17

voordat hy teruggekeer het na Rama; want sy huis was daar. Daar het hy Israel gerig en daar het hy vir die Here 'n altaar gebou.