1 Samuel 18:16 - Die Bybel 2020-vertaling

¹⁶ Die hele Israel en Juda was lief vir Dawid, omdat hy op die voorpunt was wanneer hulle uitgetrek en teruggekeer het.

Bybel vir almal

¹⁶ Al die manne van Israel en Juda het lief geword vir Dawid, want hy het hulle gelei.

Afrikaans 1933-1953

¹⁶ Maar die hele Israel en Juda het Dawid liefgehad, want hy het voor hulle uit- en ingegaan.

Afrikaans 1983

¹⁶ Maar die hele Israel en Juda was lief vir Dawid, en hy het in die oorlog as hulle aanvoerder opgetree.

Contemporary Afrikaans Bible 2023

¹⁶ Maar die hele Israel en Juda het Dawid liefgehad, want hy het uit- en ingegaan voor hulle uit.

Die Boodskap

¹⁶ Maar al die mense van Israel en Juda het van Dawid gehou omdat hy hulle in die oorlog gelei het.

Nuwe Lewende Vertaling

¹⁶ maar die hele Israel en Juda het van Dawid gehou omdat hy ’n suksesvolle aanvoerder was.

1 Samuel 18:16 Kruisverwysings

2 Samuel 5:2

Selfs in die verlede, toe Saul oor ons koning was, was u die een wat Israel se veldtogte gelei het. Die Here het vir u gesê, ‘Jy sal herder wees van my volk Israel, en jy sal 'n leier word oor Israel.’ ”

1 Konings 3:7

En nou, Here my God, dit is U wat u dienskneg koning gemaak het in die plek van my vader Dawid. Maar ek is 'n jong seun, ek weet nie hoe om uit te gaan of in te kom nie.

Ester 10:3

Want Mordegai, die Jood, was tweede in bevel onder koning Ahasveros, hoog in aansien onder die Jode en gewild onder baie van sy volksgenote. Hy het hom beywer vir die welvaart van sy volk en ingetree vir die voorspoed van sy hele nageslag.

Numeri 27:17

wat voor hulle uit kan trek en voor hulle kan ingaan, ja, wat hulle kan uitlei en wat hulle kan teruglei, sodat die volksvergadering van die Here nie soos kleinvee sonder 'n herder is nie.”

Lukas 19:48

maar hulle kon nie 'n manier vind om dit te doen nie, omdat die hele volk aan sy lippe gehang het.

Lukas 20:19

Die skrifkenners en die leierpriesters wou Hom onmiddellik gevange neem, omdat hulle besef het dat Hy die gelykenis met die oog op hulle vertel het. Hulle was egter bang vir die volk.

1 Samuel 18:13

Saul het Dawid toe uit sy onmiddellike omgewing verwyder en hom aangestel as •aanvoerder van 'n leërafdeling. Dawid was op die voorpunt van die manskappe wanneer hulle uitgetrek en teruggekeer het.

1 Samuel 18:15

Toe Saul sien dat hy baie voorspoedig is, het hy hom gevrees.

1 Samuel 18:5

Dawid het aan al die veldtogte deelgeneem, waarheen Saul hom ook al gestuur het. Hy het sukses behaal, en Saul het hom aangestel oor die krygsmanne. Die hele volk en ook Saul se amptenare het dit goedgevind.