1 Samuel 15:23 - Die Bybel 2020-vertaling

²³ Ja, opstandigheid is soos die sonde van waarsêery, en eiesinnigheid soos die euwel van huisgode. Omdat jy die woord van die Here verwerp het, het Hy jou as koning verwerp. ”

Bybel vir almal

²³ Want iemand wat opstandig is, doen ook sonde soos waarsêers sonde doen. En iemand wat ongehoorsaam is, doen ook sonde soos mense wat afgodsbeeldjies het.” “Jy het nie gedoen wat die Here vir jou gesê het nie, daarom het Hy besluit dat jy nie meer koning sal wees nie.”

Afrikaans 1933-1953

²³ Want wederstrewigheid is 'n sonde van waarsêery, en eiesinnigheid is afgodery en beeldediens. Omdat jy die woord van die Here verwerp het, het Hy jou as koning verwerp.

Afrikaans 1983

²³ Weerspannigheid is net so erg as die sonde van waarsêery; eiesinnigheid net so erg as die bedrog van afgodery. Omdat jy die woord van die Here verwerp het, het Hy jou as koning verwerp.”

Contemporary Afrikaans Bible 2023

²³ Want opstandigheid is soos die sonde van towery, en eiesinnigheid is ongeregtigheid en afgodery. Omdat jy die woord van die HERE verwerp het, het Hy jou ook verwerp om koning te wees.

Die Boodskap

²³ Om jou teen die Here te verset en jou eie kop te volg is net so erg as om na ’n waarsêer of afgodspriester te luister. Omdat jy die Here se woorde eenkant toe gestoot het, gaan die Here jou as koning eenkant toe stoot.

Nuwe Lewende Vertaling

²³ Opstandigheid is net so ’n oortreding soos waarsêery, en hardkoppigheid is net so ’n sonde soos afgodery. Omdat jy die Here se woord verwerp het, het Hy jou as koning verwerp.”

1 Samuel 15:23 Kruisverwysings

Genesis 31:19

Toe Laban gegaan het om sy kleinvee te skeer, het Ragel die huisgode gesteel wat aan haar vader behoort.

Genesis 31:34

Ragel het egter die huisgode geneem, dit in die saalsak van 'n kameel gesteek en daarop gaan sit. Laban het alles in die tent deursoek, maar niks gekry nie.

2 Samuel 12:9

Waarom het jy die woord van die Here geminag deur kwaad te doen in my oë? Urija, die Hetiet, het jy met die swaard neergevel. Sy vrou het jy vir jou as vrou geneem, en hom het jy deur die swaard van die Ammoniete vermoor.

2 Samuel 7:15

Maar my troue liefde sal nie van hom wyk nie, soos wat Ek dit aan Saul onttrek het wat Ek voor jou verwyder het.

1 Kronieke 10:13

Saul het gesterf vanweë sy troubreuk wat hy teen die Here gepleeg het, aangesien hy die woord van die Here nie nagekom het nie, en omdat hy boonop by die gees van 'n dooie navraag gedoen en dié geraadpleeg het.

1 Kronieke 28:9

En jy, my seun Salomo, erken die God van jou vader, en dien Hom met 'n onverdeelde hart en 'n gewillige gees, want die Here ondersoek alle harte, en in elke bedoeling van die gedagtes het Hy insig. As jy Hom soek, sal Hy Hom deur jou laat vind; maar as jy Hom verlaat, sal Hy jou vir altyd verwerp.

Job 34:37

want hy voeg oortreding by sy sonde; onder ons saai hy twyfel. Hy stapel sy woorde teen God op.’ ”

Psalms 107:11

omdat hulle teen God se woorde in opstand was en die raad van die Allerhoogste verontagsaam het.

Eksodus 22:18

'n Towenares mag jy nie laat leef nie.

Jesaja 19:3

Egipte se gees sal binne-in hom gebreek word; sy planne sal Ek verwar. Hulle sal nuttelose afgode raadpleeg, ook die geeste van afgestorwenes, waarsêergeeste en voorvadergeeste.

Jesaja 8:19

Wanneer hulle vir julle sê, “Raadpleeg die waarsêergeeste en voorvadergeeste wat fluister en mompel – moet 'n volk nie sy gode raadpleeg, die dooies ter wille van die lewendes nie?”

Jeremia 16:12

En julle het julle nog slegter gedra as julle voorouers. Kyk, julle volg elkeen die verstoktheid van sy bose hart deur nie na My te luister nie!

Jeremia 28:16

Daarom, so sê die Here, ‘Kyk, Ek gaan jou van die aardbodem af wegwerp. Jy gaan vanjaar nog sterf, omdat jy valshede oor die Here verkondig het.’ ”

Jeremia 29:32

daarom, so sê die Here, ‘Kyk, Ek gaan van Semaja, uit Negelam, rekenskap eis, en ook van sy nageslag. Daar sal vir hom niemand wees wat tussen hierdie volk woon nie; en hy sal nie die goeie beleef wat Ek aan my volk gaan doen nie,’ is die uitspraak van die Here, ‘want hy het valshede oor die Here verkondig.’ ” ’ ”

Hosea 13:11

Ek gee vir jou 'n koning in my toorn, en Ek neem hom weg in my gramskap.

Hosea 3:4

Want vir 'n lang tyd sal die Israeliete sonder 'n koning en •hoë amptenare, sonder offers en gedenkstene, sonder efod en huisgode moet bly.

Levitikus 20:27

“ ‘As daar 'n man of 'n vrou is in wie daar 'n waarsêergees of voorvadergees is, moet hulle beslis sterf. Die mense moet hulle met klippe doodgooi. Hulle bloedskuld is op hulle.’ ”

Levitikus 20:6

“ ‘ En iemand wat hom wend tot waarsêergeeste en voorvadergeeste om agter hulle aan te hoereer – Ek sal teen so iemand draai en hom uit die midde van sy volk verwyder.

Numeri 14:9

Teen die Here moet julle net nie in opstand kom nie. Julle moenie bang wees vir die volk van die land nie, want hulle is 'n maklike prooi vir ons. Hulle beskutting het van hulle gewyk, en die Here is met ons. Moenie vir hulle bang wees nie.”

Handelinge 13:22

Nadat God hom as koning verwyder het, het Hy Dawid tot hulle koning gemaak. Oor hom het Hy soos volg getuig, ‘In Dawid, die seun van Isai, het Ek 'n man na my hart gevind, wat al my wilsbesluite sal uitvoer. ’

2 Korinthiërs 6:16

En watter ooreenkoms het die tempel van God met afgode? Want ons is die tempel van die lewende God – soos God gesê het: “Ek sal onder hulle woon en saam met hulle wandel; Ek sal hulle God wees, en hulle sal my volk wees.”

Galasiërs 5:20

afgodery, towery, vyandskap, twis, jaloesie, woede, selfsug, tweespalt, skeuring,

Deuteronomium 9:24

Julle was voortdurend in opstand teen die Here van die dag af dat ek julle leer ken het.

Deuteronomium 9:7

“Onthou, ja, moenie vergeet nie – jy het die Here jou God vertoornd gemaak in die woestyn. Van die dag dat jy uit Egipteland weggetrek het totdat julle op hierdie plek aangekom het, was julle voortdurend in opstand teen die Here.

Josua 22:15

Hulle het by die nageslag van Ruben en Gad en die halwe stam van Manasse in die Gileadstreek aangekom, met hulle gepraat en gesê:

Openbaring 21:8

Maar vir die lafhartiges, ongelowiges, losbandiges, moordenaars, hoereerders, towenaars, afgodedienaars en al die leuenaars – hulle deel is die brandende poel van vuur en swael; dit is die tweede dood.”

Openbaring 22:15

Die honde bly buite, ook die towenaars en die hoereerders, die moordenaars en die afgodedienaars, en ook elkeen wat die leuen liefhet en beoefen.

1 Samuel 13:14

Maar nou sal jou koningskap nie standhou nie. Die Here het vir Hom 'n man na sy hart uitgesoek, en die Here het hom as leier volmag oor sy volk gegee, omdat jy dit wat die Here jou beveel het, nie nagekom het nie.”

1 Samuel 16:1

Die Here het vir Samuel gesê: “Hoe lank gaan jy nog treur oor Saul? Dit is Ek wat hom verwerp het as koning oor Israel. Vul jou horing met olie en vertrek. Ek stuur jou na Isai van Betlehem, want tussen sy seuns het Ek vir My 'n koning gesien. ”

1 Samuel 2:30

“Daarom is die uitspraak van die Here, die God van Israel, ‘Ek het uitdruklik gesê: “Jou huis en die huis van jou vader sal vir altyd in my teenwoordigheid diens doen.” ’ Maar nou is die uitspraak van die Here, ‘Ek sal dit nooit toelaat nie! Want mense wat My eer, sal Ek eer; maar mense wat My minag, sal veragtelik wees.

1 Samuel 28:3

Toe Samuel dood is, het die hele Israel oor hom gerou en hom begrawe in sy tuisdorp, in Rama. Saul het die oproepers van geeste en die waarsêers uit die land gesit.