1 Samuel 13:5 - Die Bybel 2020-vertaling

⁵ Die Filistyne het saamgetrek om teen Israel te veg met dertig afdelings strydwaens, ses afdelings perderuiters en manskappe so talryk soos die sand wat langs die seestrand is. Hulle het opgetrek en kamp opgeslaan in Migmas, oos van Bet-Awen.

Bybel vir almal

⁵ Die Filistyne het ook bymekaargekom om oorlog te maak teen die Israeliete. Hulle het 1 000 oorlogkarre en 6 000 manne op perde gehad en nog baie ander manne, so baie soos die sand langs die see. Hulle het gekom en hulle het hulle tente opgeslaan by die stad Mikmas naby Bet-Awen.

Afrikaans 1933-1953

⁵ En die Filistyne het bymekaargekom om teen Israel te veg: drieduisend strydwaens en sesduisend perderuiters en voetgangers soos die sand wat op die seestrand is in menigte; en hulle het opgetrek en laer opgeslaan by Migmas, oos van Bet-Awen.

Afrikaans 1983

⁵ Die Filistyne het bymekaargekom om teen Israel te veg: dertig afdelings strydwaens en ses afdelings perderuiters en manskappe so baie soos die sand van die see. Hulle het opgetrek en kamp opgeslaan by Mikmas oos van Bet-Awen.

Contemporary Afrikaans Bible 2023

⁵ En die Filistyne het bymekaargekom om teen Israel te veg, dertigduisend strydwaens en sesduisend ruiters en manskappe soos die sand wat aan die seestrand is in menigte; en hulle het opgetrek en laer opgeslaan in Migmas, oos van Bet-Aven.

Die Boodskap

⁵ Die Filistyne het hulle gereedgemaak vir oorlog teen die Israeliete. Hulle het by Mikmas, oos van Bet-Awen, saamgetrek met 30 afdelings strydwaens, ses afdelings perderuiters en soveel gewone burgers as wat daar sandkorrels op die seestrand is.

Nuwe Lewende Vertaling

⁵ Die Filistyne het ’n groot mag bymekaargemaak: 3 000 oorlogwaens, 6 000 perderuiters en voetsoldate soveel as die sand aan die see. Hulle het by Mikmas, oos van Bet-Awen, kamp opgeslaan.

1 Samuel 13:5 Kruisverwysings

Genesis 22:17

sal Ek jou ryklik seën, en jou nageslag so geweldig vermeerder soos die sterre aan die hemelruim en soos die sand wat langs die seestrand is. Jou nageslag sal die stadspoorte van hulle vyande in besit neem.

2 Samuel 17:11

Ja, my raad is: Laat die hele Israel, van Dan tot Berseba, so baie soos die sand wat langs die see is, onverwyld by u byeenkom, met u wat persoonlik aan die stryd deelneem.

1 Konings 20:27

Die Israeliete was reeds gemonster en van voedsel voorsien. Hulle het vertrek om teen hulle te staan te kom. Die Israeliete het teenoor hulle kamp opgeslaan, maar was soos twee troppies bokke, terwyl die Arameërs die land vol was.

2 Kronieke 1:9

Here God, laat nou u belofte aan my vader Dawid bewaarheid word, want dit is U wat my koning gemaak het oor 'n volk so talryk soos die stof van die aarde.

Jesaja 10:28

Hy het teen Aja opgetrek, hy het by Migron verbygegaan; by Migmas het hy sy toerusting geberg.

Jesaja 48:19

soos die sand sou jou nageslag wees, die nakomelinge uit jou liggaam soos korrels sand. Dan sou hulle nie uitgeroei word nie, en hulle naam sou nie uitgedelg word uit my teenwoordigheid nie.

Jeremia 15:8

My volk se weduwees is meer as die sand van die oseane. Ek bring oor my volk, oor die moeder van jong manne, 'n verwoester op die middaguur. Ek laat ontsteltenis, 'n verskriklike lot, haar onverwags oorval.

Hosea 10:5

Oor die kalf van Bet-Awen is die inwoners van Samaria besorg. Ja, sy volk treur oor hom, sy afgodspriesters kerm oor hom, oor sy aansien, omdat dit van hom weggeneem is.

Hosea 4:15

“As jy hoereer, Israel, moet Juda tog nie skuldig word nie. Julle moenie na Gilgal gaan nie, en moenie optrek na Bet-Awen nie. Moenie sweer, ‘so waar as die Here leef’ nie.”

Hosea 5:8

“ Blaas die •ramshoring in Gibea, die trompet in Rama; hef die krygsgeskreeu aan in Bet-Awen! Agter jou is Benjamin!

Romeine 9:27

Maar Jesaja roep aangaande Israel uit: “Al is die getal van die kinders van Israel soos die sand van die see, sal net 'n oorblyfsel verlos word;

Josua 11:4

Hulle het met al hulle leërs saam met Jabin uitgetrek, met baie manskappe, so talryk soos die sand wat langs die seestrand is en met 'n groot aantal perde en strydwaens.

Josua 18:12

Hulle grens aan die noordekant begin by die Jordaan. Die grens loop op na die heuwelrug noord van Jerigo, en dan loop dit weswaarts op in die bergland, met sy verste punt in die woestyn by Bet-Awen.

Josua 7:2

Josua het manne uit Jerigo na Ai gestuur, wat by Bet-Awen, oos van Bet-El, lê. Hy het vir hulle gesê: “Trek op, verken die land.” Die manne het opgetrek en Ai verken.

Rigters 7:12

Die Midianiete, die Amalekiete en al die mense uit die ooste het in die vlakte gelê soos groot swerms treksprinkane, en hulle kamele was ontelbaar, so talryk soos die sand wat langs die seestrand is.

1 Samuel 13:11

Maar Samuel het gesê: “Wat het jy gedoen?” Waarop Saul toe antwoord: “Omdat ek gesien het dat die manskappe van my af gedros het, dat u self nie op die vasgestelde tyd opgedaag het nie, en dat die Filistyne by Migmas saamgetrek het,

1 Samuel 13:2

Saul het vir hom drieduisend man uit Israel gekies. Tweeduisend was by Saul in Migmas en in die bergland by Bet-El, en eenduisend was by Jonatan in Gibea in Benjamin. Die res van die manskappe het hy weggestuur, elkeen na sy woonplek toe.

1 Samuel 14:23

Die Here het Israel daardie dag verlos. Die geveg het voortgewoed tot anderkant Bet-Awen.

1 Samuel 14:52

Daar was hewige gevegte met die Filistyne solank Saul geleef het. Wanneer Saul enige heldhaftige of onverskrokke man gesien het, het hy dié by hom laat aansluit.

1 Samuel 17:1

Die Filistyne het hulle leër laat saamtrek vir oorlog. Hulle het byeengekom by Sogo, wat aan Juda behoort, en het kamp opgeslaan tussen Sogo en Aseka by Efes-Dammim.

1 Samuel 7:13

Die Filistyne is op hulle knieë gedwing en hulle het nie weer in die gebied van Israel gekom nie. Die hand van die Here was teen die Filistyne so lank as wat Samuel geleef het.