1 Samuel 13:11 - Die Bybel 2020-vertaling

¹¹ Maar Samuel het gesê: “Wat het jy gedoen?” Waarop Saul toe antwoord: “Omdat ek gesien het dat die manskappe van my af gedros het, dat u self nie op die vasgestelde tyd opgedaag het nie, en dat die Filistyne by Migmas saamgetrek het,

Bybel vir almal

¹¹ Samuel het gevra: “Wat het jy gedoen?” Saul het gesê: “Jy het gesê ek moet sewe dae vir jou wag, maar jy het nie gekom nie. Ek het gesien die manne begin wegloop. Die Filistyne is bymekaar in Mikmas,

Afrikaans 1933-1953

¹¹ Daarop vra Samuel: Wat het jy gedoen? En Saul sê: Ek het gesien dat die manskappe verstrooid raak van my af; en toe u nie kom op die afgesproke tyd nie, terwyl die Filistyne in Migmas bymekaarkom,

Afrikaans 1983

¹¹ Samuel vra hom toe: “Wat het jy aangevang?” En Saul het gesê: “Ek het gesien die manskappe loop van my af weg, en u het nie opgedaag op die tyd wat ons afgespreek het nie. Die Filistyne het bymekaargekom by Mikmas,

Contemporary Afrikaans Bible 2023

¹¹ Toe sê Samuel: Wat het jy gedoen? Toe sê Saul: Omdat ek gesien het dat die manskappe van my af verstrooi was en dat jy nie binne die vasgestelde dae gekom het nie, en dat die Filistyne by Migmas vergader het;

Die Boodskap

¹¹ “Wat het jy gedoen?” vra Samuel. “Ek het gesien die mense begin wegloop toe u nie op die afgespreekte tyd hier is nie,” antwoord Saul, “en omdat die Filistyne by Mikmas saamgetrek is,

Nuwe Lewende Vertaling

¹¹ Maar Samuel sê vir hom: “Wat het jy nou aangevang?” Saul antwoord hom: “Ek het gesien hoe my manskappe dros terwyl die Filistyne by Mikmas saamgetrek het, maar u daag nie op soos ons afgespreek het nie.

1 Samuel 13:11 Kruisverwysings

Genesis 3:13

Die Here God vra toe vir die vrou: “Wat het jy nou gedoen?” Die vrou het geantwoord: “Die slang het my bedrieg, en ek het geëet.”

Genesis 4:10

Die Here het gesê: “Wat het jy gedoen? Die bloed van jou broer bly roep na My vanuit die grond.

2 Samuel 3:24

Joab gaan toe na die koning en sê: “Wat het jy gedoen? Abner het sowaar na jou toe gekom; waarom het jy hom dan laat gaan? Hy het nou weggekom.

2 Konings 5:25

maar hy het na binne gegaan en by sy heer gaan staan. Elisa het vir hom gevra: “Vanwaar, Gehasi?” Hy het geantwoord: “U dienaar het nêrens heen gegaan nie.”

Jesaja 10:28

Hy het teen Aja opgetrek, hy het by Migron verbygegaan; by Migmas het hy sy toerusting geberg.

Josua 7:19

Josua sê toe vir Agan: “My seun, gee tog eer aan die Here, die God van Israel, en bring lof aan Hom. Vertel my tog wat jy gedoen het. Moenie vir my iets wegsteek nie.”

1 Samuel 13:12

het ek gedink: Nou gaan die Filistyne na my toe aftrek in Gilgal, terwyl ek nog nie die Here se guns gesoek het nie. Ek het toe moed bymekaargeskraap en die brandoffer geoffer.”

1 Samuel 13:16

Terwyl Saul en sy seun Jonatan en die manskappe wat nog by hom was, in Geba in Benjamin gebly het, het die Filistyne kamp opgeslaan in Migmas.

1 Samuel 13:2

Saul het vir hom drieduisend man uit Israel gekies. Tweeduisend was by Saul in Migmas en in die bergland by Bet-El, en eenduisend was by Jonatan in Gibea in Benjamin. Die res van die manskappe het hy weggestuur, elkeen na sy woonplek toe.

1 Samuel 13:23

'n Garnisoen van die Filistyne het uitgegaan na die bergpas by Migmas.

1 Samuel 13:5

Die Filistyne het saamgetrek om teen Israel te veg met dertig afdelings strydwaens, ses afdelings perderuiters en manskappe so talryk soos die sand wat langs die seestrand is. Hulle het opgetrek en kamp opgeslaan in Migmas, oos van Bet-Awen.

1 Samuel 14:5

Die een spits verrys aan die noordekant teenoor Migmas, en die ander aan die suidekant teenoor Geba.