1 Samuel 11:4 - Die Bybel 2020-vertaling

⁴ Toe die boodskappers in Gibea van Saul aankom en die voorwaardes ten aanhore van die volk herhaal, het die hele volk hardop begin huil.

Bybel vir almal

⁴ Toe die boodskappers in die stad Gibea-van-Saul kom en vir die mense daar alles vertel, het al die mense hard begin huil.

Afrikaans 1933-1953

⁴ En die boodskappers het in Gíbea van Saul gekom en die woorde voor die ore van die volk gespreek. Daarop verhef die hele volk hulle stem en ween.

Afrikaans 1983

⁴ Die boodskappers het by Saul se stad Gibea gekom en ten aanhore van die volk die hele saak uiteengesit. En die hele volk het hard gehuil.

Contemporary Afrikaans Bible 2023

⁴ Toe het die boodskappers by Gíbea van Saul gekom en die tyding voor die ore van die volk verkondig, en die hele volk het hul stem verhef en geween.

Die Boodskap

⁴ Toe die boodskappers met dié slegte nuus in Gibea aankom, waar Saul woon, en dit vir die mense vertel, het hulle hardop begin huil.

Nuwe Lewende Vertaling

⁴ Die boodskappers het by Gibea, Saul se tuisdorp, aangekom en vir die mense van die dreigende ramp vertel. Almal het in trane uitgebars.

1 Samuel 11:4 Kruisverwysings

Genesis 27:38

Daarop vra Esau vir sy vader: “Het u dan net een seën, my vader? Seën my ook, my vader!” Toe begin Esau hardop huil.

2 Samuel 21:6

laat daar sewe manne uit sy nageslag aan ons gegee word – dan sal ons hulle voor die Here aan pale hang in Gibea van Saul, die uitverkorene van die Here. ” Die koning het gesê: “Ek sal hulle gee.”

1 Kronieke 12:3

Die hoof was Agiëser; dan Joas, seun van Semaä, uit Gibea; Jesiël en Pelet, seuns van Asmawet; Beraka en Jehu uit Anatot;

Romeine 12:15

Wees bly saam met diegene wat bly is; treur saam met diegene wat treur.

1 Korinthiërs 12:26

As een ledemaat ly, ly al die ledemate saam; as een ledemaat vereer word, is al die ledemate saam bly.

Galasiërs 6:2

Dra mekaar se laste, en vervul so die wet van •Christus.

Hebreërs 13:3

Dink aan die gevangenes asof julle medegevangenes is, aan hulle wat mishandel word asof julle dit self aan julle liggaam beleef.

Rigters 2:4

Nadat die Engel van die Here hierdie woorde vir al die Israeliete gesê het, het die volk hardop gehuil.

Rigters 20:23

Die Israeliete het vooraf opgetrek en voor die Here getreur tot die aand toe. Hulle het die Here geraadpleeg: “Moet ons weer nader gaan vir die geveg met die kinders van Benjamin, ons broer?” Die Here het toe geantwoord: “Trek teen hom op!”

Rigters 20:26

Al die Israeliete, ja, al die manskappe, het opgetrek en by Bet-El aangekom. Hulle het getreur en daar voor die Here gebly. Daardie dag het hulle tot die aand toe gevas en •brandoffers en •maaltydoffers voor die Here gebring.

Rigters 21:2

Toe die volk by Bet-El aankom, het hulle daar tot die aand toe in God se teenwoordigheid gesit. Hulle het hardop en bitterlik gehuil.

1 Samuel 10:26

Ook Saul het na sy huis in Gibea gegaan. Bekwame manne wie se harte deur God aangeraak is, het saam met hom gegaan.

1 Samuel 14:2

Saul het aan die buitewyke van Gibea gesit onder die granaatboom by Migron. Daar was ongeveer seshonderd manskappe by hom.

1 Samuel 15:34

Samuel het na Rama gegaan, terwyl Saul opgegaan het na sy huis in Gibea van Saul.

1 Samuel 30:4

Dawid en die manskappe by hom het hard begin skreeu en gehuil totdat daar nie meer krag in hulle oor was om te huil nie.