1 Samuel 11:1 - Die Bybel 2020-vertaling

¹ Nagas, die Ammoniet, het opgetrek en Jabes in Gilead beleër. Al die manne van Jabes sê toe vir Nagas: “Sluit met ons 'n ooreenkoms, dan sal ons u dien.”

Bybel vir almal

¹ Nagas die Ammoniet het sy tente opgeslaan by die stad Jabes in Gilead. Hy wou oorlog maak teen die mense van die stad. Die leiers van die mense in Jabes het vir Nagas gesê: “As jy 'n ooreenkoms maak met ons, dan mag jy oor ons regeer.”

Afrikaans 1933-1953

¹ EN Nahas, die Ammoniet, het opgetrek en Jabes in Gílead beleër; en al die manne van Jabes het aan Nahas gesê: Sluit met ons 'n verbond, dan sal ons u dien.

Afrikaans 1983

¹ Nagas die Ammoniet het opgetrek en Jabes in Gilead beleër. Al die inwoners van Jabes het vir Nagas gesê: “Sluit 'n verdrag met ons, dan sal ons u onderdane wees.”

Contemporary Afrikaans Bible 2023

¹ Toe het Nahas, die Ammoniet, opgetrek en laer opgeslaan teen Jabes in Gílead, en al die manne van Jabes het vir Nahas gesê: Sluit 'n verbond met ons, en ons sal u dien.

Die Boodskap

¹ Nagas het uit Ammon opgetrek en die dorp Jabes in Gilead beleër. Die mense van Jabes sê toe vir Nagas: “Ons wil graag ’n ooreenkoms met u aangaan. Ons is bereid om u onderdane te wees.”

Nuwe Lewende Vertaling

¹ Koning Nagas van Ammon het met sy leër teen die Israelitiese stad Jabes-Gilead opgetrek. Maar die inwoners van Jabes het vir vrede gevra: “Maak ’n ooreenkoms met ons en ons sal u onderdanig wees,” het hulle gesê.

1 Samuel 11:1 Kruisverwysings

Genesis 26:28

Hulle het geantwoord: “Ons het duidelik gesien dat die Here met jou is. Toe dink ons: Daar moet tog 'n ooreenkoms tussen ons wees – tussen ons en jou. Ons wil 'n verdrag met jou sluit:

2 Samuel 10:1

'n Tyd daarna het die koning van die Ammoniete gesterf, en Ganun, sy seun, het in sy plek koning geword.

2 Samuel 10:2

Dawid sê toe: “Ek wil welwillendheid betoon teenoor Ganun, seun van Nagas, soos sy vader teenoor my welwillendheid betoon het.” Dawid stuur toe sy amptenare om met hom meegevoel te betuig oor sy vader. Toe die amptenare van Dawid in die gebied van die Ammoniete aankom,

2 Samuel 17:27

Toe Dawid in Maganajim aankom, was Sobi, seun van Nagas uit Rabba van die Ammoniete, en Magir, seun van Ammiël uit Lo-Dabar, en Barsillai, 'n man van Gilead wat uit Rogelim kom,

2 Samuel 2:5

Dawid het toe boodskappers na die manne van Jabes in Gilead gestuur en hulle laat weet: “Mag julle deur die Here geseën word, omdat julle hierdie trou bewys het aan julle heer, aan Saul, en hom begrawe het.

1 Konings 20:34

Daarop sê Ben-Hadad vir hom: “Die dorpe wat my vader van jou vader afgeneem het, gee ek terug, en jy kan vir jou markte in Damaskus aanlê, soos my vader dit in Samaria gedoen het.” “En ek,” het Agab gesê, “ek sal jou ná 'n ooreenkoms vrylaat.” Hy het toe 'n ooreenkoms met hom gesluit en hom vrygelaat.

1 Kronieke 10:11

Toe almal by Jabes in Gilead alles hoor wat die Filistyne Saul aangedoen het,

1 Kronieke 10:12

het al die bekwame manne gereedgemaak en Saul en sy seuns se lyke opgetel en hulle na Jabes geneem. Hulle het hulle beendere onder die terebintboom by Jabes begrawe en sewe dae lank gevas.

Job 41:4

Wie het al sy bokleed afgestroop? En sy dubbele pantser – wie dring daardeur?

Eksodus 23:32

“ Jy mag nie met hulle of hulle gode 'n verbond sluit nie.

Jesaja 36:16

Julle moet nie na Hiskia luister nie, want so sê die koning van Assirië, ‘As julle met my 'n ooreenkoms aangaan en uitkom na my toe, sal elkeen van sy wingerdstok en sy vyeboom eet, en elkeen water uit sy eie opgaarput drink,

Jeremia 40:11

Ook al die Judeërs wat in Moab en by die Ammoniete en in Edom en al die ander lande was, het gehoor dat die koning van Babilonië 'n oorblyfsel vir Juda agtergelaat het, en dat hy Gedalja, seun van Agikam, seun van Safan, oor hulle aangestel het.

Jeremia 40:14

en vir hom gesê: “Is jy hoegenaamd bewus daarvan dat Baälis, koning van die Ammoniete, vir Ismael, seun van Netanja, gestuur het om jou om die lewe te bring?” Maar Gedalja, seun van Agikam, het hulle nie geglo nie.

Esegiël 17:13

Hy het een uit die koninklike familie geneem, met hom 'n verdrag gesluit en hom onder 'n vervloeking geplaas. Die ander maghebbers van die land het hy weggeneem,

Deuteronomium 23:3

'n Ammoniet en Moabiet mag nie in die geloofsgemeenskap van die Here kom nie. Selfs tot die tiende geslag ná hulle mag nooit in die geloofsgemeenskap van die Here kom nie,

Rigters 10:7

Die toorn van die Here het teen Israel ontbrand, en Hy het hulle oorgelewer in die hand van die Filistyne en die Ammoniete.

Rigters 11:4

'n Tyd daarna het die Ammoniete teen Israel oorlog gemaak.

Rigters 21:8

Hulle sê toe: “Watter een van die stamme van Israel het nie opgetrek na die Here in Mispa nie?” Kyk, niemand uit Jabes in Gilead het na die kamp, na die saamtrek, gekom nie.

1 Samuel 12:12

“Maar toe julle sien dat Nagas, die koning van die Ammoniete, teen julle optrek, het julle vir my gesê, ‘Nee, maar 'n koning moet oor ons regeer!’ – en dit terwyl die Here julle God julle koning is.

1 Samuel 14:47

Saul het die koningskap oor Israel onder beheer gekry, en het op alle fronte oorlog gevoer teen al sy vyande: teen Moab, teen die Ammoniete, teen Edom, teen die konings van Soba en teen die Filistyne. Waar hy ook al gekom het, het hy redding gebring.