1 Korinthiërs 11:20 - Die Bybel 2020-vertaling

²⁰ Wanneer julle saamkom, is dit nie werklik om die Here se maaltyd te eet nie;

Bybel vir almal

²⁰ Wanneer julle gemeente bymekaarkom om nagmaal te vier, dan vier julle nie regtig die nagmaal van die Here nie.

Afrikaans 1933-1953

²⁰ As julle dus saamkom, dan wil dit nie sê dat julle die nagmaal van die Here eet nie.

Afrikaans 1983

²⁰ As julle dan as gemeente saamkom, is dit nie meer die nagmaal van die Here wat julle vier nie,

Contemporary Afrikaans Bible 2023

²⁰ Wanneer julle dan op een plek bymekaarkom, is dit nie om die nagmaal van die Here te eet nie.

Die Boodskap

²⁰ As julle bymekaarkom om saam nagmaal te hou, tree julle so lelik op dat ’n mens dit sowaar nooit “nagmaal” sal kan noem nie.

Nuwe Lewende Vertaling

²⁰ As julle dan as gemeente bymekaarkom, is dit duidelik nie die Here se maaltyd wat julle eet nie.

1 Korinthiërs 11:20 Kruisverwysings

Hosea 8:13

Hulle slag offers vir die genot – vleis, sodat hulle kan eet. Die Here, Hy aanvaar hulle nie. Nou gaan Hy hulle sondeskuld in herinnering roep, en Hy gaan rekenskap eis oor hulle sondes. Wat hulle betref, na Egipte sal hulle terugkeer.

Sagaria 7:6

En wanneer julle eet en wanneer julle drink, eet en drink julle nie net soos gewoonlik nie?’

Handelinge 2:42

Hulle het bly volhard in die leer van die •apostels, die verbondenheid met mekaar, die breek van die brood, en gebede.

Handelinge 2:46

Hulle het eensgesind volhard om die tempelterrein daagliks te besoek, aan huis die brood te breek en hulle maaltye met uitbundige blydskap en met opregte harte te geniet.

1 Korinthiërs 11:17

In my volgende voorskrif prys ek julle nie aan nie, dat wanneer julle bymekaarkom, dit meer kwaad as goed doen.

1 Korinthiërs 11:19

want daar moet onvermydelik groeperings onder julle kom, sodat dit duidelik kan word wie die beproefdes onder julle is.

1 Korinthiërs 11:21

want elkeen gaan voort om sy eie maaltyd te eet, en een bly honger, en 'n ander word dronk.

Hebreërs 10:25

sonder om ons eie samekoms te verwaarloos, soos sommige se gewoonte is; laat ons eerder mekaar aanmoedig, soveel te meer nog namate julle dié dag sien nader kom!

2 Petrus 2:13

en as loon vir onreg sal húlle veronreg word. Hulle beskou dit as genotvol om helder oordag te fuif. Terwyl hulle saam met julle feesvier, is hulle skandvlekke, wat hulle verlustig in hulle losbandigheid.

Judas 1:12

Hierdie mense is skandvlekke by julle liefdesmaaltye; hulle vier skaamteloos saam met julle fees; hulle sorg net vir hulleself. Hulle is wolke wat nie reën bring nie, en deur winde voortgedryf word, bome in die laatherfs wat sonder vrugte staan, twee maal dood, ontwortel,