1 Johannes 2:3 - Die Bybel 2020-vertaling

³ En dit is hoe ons weet dat ons Hom ken: As ons sy gebooie onderhou.

Bybel vir almal

³ As ons doen wat God se wette vir ons sê, dan weet ons dat ons Hom ken.

Afrikaans 1933-1953

³ EN hieraan weet ons dat ons Hom ken: as ons sy gebooie bewaar.

Afrikaans 1983

³ As ons die gebooie van God gehoorsaam, weet ons daaraan dat ons Hom ken.

Contemporary Afrikaans Bible 2023

³ En hieraan weet ons dat ons Hom ken, as ons sy gebooie bewaar.

Die Boodskap

³ Maar ons kan ons afvra: Hoe kan ons seker weet dat ons Hom so goed ken dat Hy dit alles vir ons sal doen? Wel, as ons graag doen wat Hy van ons vra, kan ons seker wees.

Nuwe Lewende Vertaling

³ En hieraan weet ons dat ons Hom regtig ken: as ons sy opdragte gehoorsaam.

1 Johannes 2:3 Kruisverwysings

Psalms 119:32

Die pad van u bevele volg ek geesdriftig, want U verruim my insig.

Psalms 119:6

Dan sal ek nie beskaamd staan, terwyl ek op al u bevele let nie.

Jesaja 53:11

Ná die swaarkry wat hy beleef het, sal hy sien; hy sal versadig wees aan sy kennis. “My dienskneg sal hom as 'n regverdige betoon aan baie, en hulle sondeskuld – hy sal dit op hom laai.

Lukas 6:46

“ Waarom noem julle My ‘Here, Here!’ maar julle doen nie wat Ek sê nie?

Johannes 14:15

“ As julle My liefhet, sal julle my gebooie onderhou.

Johannes 15:10

As julle my gebooie onderhou, sal julle in my liefde bly, net soos Ek die opdragte van my Vader gehoorsaam het en in sy liefde bly.

Johannes 15:14

Julle is my vriende as julle doen wat Ek julle beveel.

Johannes 17:3

En dit is die ewige lewe: dat hulle U ken, die enigste ware God, en ook Hom wat U gestuur het – Jesus Christus.

2 Korinthiërs 4:6

Want God wat gesê het, “Laat daar uit die duisternis lig skyn,” dit is Hy wat in ons harte geskyn het om ons te verlig met die kennis van die heerlikheid van God, in die aangesig van Jesus Christus.

Hebreërs 5:9

En nadat Hy tot volmaaktheid gebring is, het Hy vir almal wat aan Hom gehoorsaam is, die bron van ewige verlossing geword,

1 Johannes 2:13

Ek skryf aan julle, vaders, omdat julle Hom ken wat van die begin af was. Ek skryf aan julle, jong mense, omdat julle die Bose oorwin het.

1 Johannes 3:14

Ons weet dat ons uit die dood oorgegaan het na die lewe, omdat ons ons broers liefhet. Wie nie liefhet nie, bly in die dood.

1 Johannes 3:19

En hieraan sal ons weet dat ons uit die waarheid kom, en met 'n geruste gewete voor God kan staan:

1 Johannes 3:6

Elkeen wat in Hom bly, sondig nie meer nie; elkeen wat aanhou sondig, het Hom nie gesien, en Hom nie leer ken nie.

1 Johannes 4:13

Hieraan weet ons dat ons in Hom bly, en Hy in ons: Hy het ons aan sy Gees laat deel kry.

1 Johannes 4:7

Geliefdes, laat ons mekaar liefhê, want die liefde is uit God, en elkeen wat liefhet, is uit God gebore en ken God.

1 Johannes 5:19

Ons weet dat ons uit God is, en dat die hele wêreld in die mag van die Bose is.

1 Johannes 5:2

Hieraan weet ons dat ons die kinders van God liefhet: wanneer ons God liefhet, en sy gebooie nakom.

1 Johannes 5:3

Want dit is die liefde vir God, dat ons sy gebooie onderhou, en sy opdragte is nie 'n swaar las nie;

Openbaring 12:17

Die draak was woedend vir die vrou, en het weggegaan om oorlog te voer teen die res van haar nageslag wat die gebooie van God nakom en vashou aan die getuienis wat Jesus gelewer het.

Openbaring 14:12

Hiervoor het die •heiliges volharding nodig, hulle wat die gebooie van God nakom, en in Jesus bly glo.

Openbaring 22:14

Gelukkig is diegene wat hulle lang stolas was, sodat hulle reg kan hê op die boom van die lewe, en die stad deur die poorte kan binnegaan.