Openbaring 2:3 - Afrikaans 1983

³ Verder volhard julle ook; julle het baie vir my Naam verduur, en julle het nie moeg geword nie.

Bybel vir almal

³ Jy hou aan om die Here te dien, jy kry swaar omdat jy aan My behoort, maar jy word nie moeg om swaar te kry nie.

Die Bybel 2020-vertaling

³ Verder hou jy aan om te volhard, en het jy ter wille van my Naam baie verduur, sonder om moeg te word.

Afrikaans 1933-1953

³ en dat jy verdra het en lydsaamheid besit, en ter wille van my Naam gearbei en nie moeg geword het nie.

Contemporary Afrikaans Bible 2023

³ En jy het gedra en lankmoedigheid gehad en ter wille van my Naam gearbei en nie beswyk nie.

Die Boodskap

³ Ek sien hoe julle vasbyt wanneer dit swaar gaan. Julle hou maar net aan en aan, omdat julle dit graag vir My wil doen. Julle word nie moeg daarvan nie.

Nuwe Lewende Vertaling

³ Verder volhard jy en het jy ter wille van My baie verdra sonder om moeg te word.

Openbaring 2:3 Kruisverwysings

Psalms 37:7

Daarom moet jy in stilte op die Here vertrou en jou nie ontstel oor die voorspoedige lewe van 'n skelm nie.

Psalms 69:7

Here, almagtige God, moenie dat dié wat op U vertrou, deur my toedoen teleurgestel word nie. God van Israel, moenie dat dié wat by U hulp soek, deur my toedoen beskaam word nie.

Miga 7:9

Ek sal aanvaar dat die Here my straf in sy toorn, want ek het teen Hom gesondig. Wanneer Hy my saak verhoor en oor my uitspraak lewer, sal Hy weer lig bring in my lewe, sal ek ondervind dat Hy die oorwinning gee.

Markus 15:21

Die soldate het iemand wat daar verbygekom het, gekommandeer om Jesus se kruis te dra. Dit was Simon van Sirene, wat van buite die stad af gekom het, die pa van Aleksander en Rufus.

Lukas 14:27

Iemand wat nie sy eie kruis dra en agter My aan kom nie, kan nie my dissipel wees nie.

Lukas 18:1

Jesus het vir hulle 'n gelykenis vertel om duidelik te maak dat 'n mens altyd moet aanhou bid sonder om moedeloos te word.

Lukas 21:19

Deur julle volharding moet julle julleself red.”

Lukas 5:5

“Meneer,” antwoord Simon, “ons het die hele nag deur geswoeg sonder om iets te vang, maar op u woord sal ek die nette uitgooi.”

Lukas 8:15

Die deel wat in goeie grond val, dui op dié wat die woord met 'n goeie en opregte hart hoor en dit bewaar en deur volharding vrug dra.”

Johannes 15:21

Maar hulle sal dit alles aan julle doen omdat julle my Naam bely en hulle Hom nie ken wat My gestuur het nie.

Romeine 12:12

Verbly julle in die hoop; staan vas in verdrukking; volhard in gebed.

Romeine 16:12

Groete verder ook aan Trifena en Trifosa, ywerige werksters vir die Here, en aan my liewe Persis, wat al baie vir die Here gedoen het.

Romeine 2:7

aan dié wat in goeddoen volhard en op dié manier soek na ewige heerlikheid, eer en onverganklikheid, gee Hy die ewige lewe;

Romeine 8:25

Maar as ons hoop op wat ons nie sien nie, wag ons daarop met volharding.

1 Korinthiërs 13:7

Dit bedek alles, glo alles, hoop alles, verdra alles.

1 Korinthiërs 16:16

Stel julle onder die leiding van sulke mense en van elkeen wat saam met hulle werk en arbei.

2 Korinthiërs 10:15

Deur op julle te roem, gaan ons dus nie die perke te buite nie, want dit is nie ander mense se werk waarop ons roem nie. Ons hoop dat julle geloof sal toeneem en dat ons dan onder julle nog meer sal hê om op te roem, steeds binne die perke van ons werkkring.

2 Korinthiërs 11:23

Is hulle dienaars van Christus? En nou praat ek asof ek van my verstand af is: ek nog meer! Ek het harder gewerk, ek was meer in die tronk, ek is meer dikwels geslaan, ek was dikwels in doodsgevaar.

2 Korinthiërs 4:1

God het Hom oor ons ontferm en hierdie bediening aan ons opgedra. Daarom word ons nie moedeloos nie.

2 Korinthiërs 4:16

Om hierdie rede word ons nie moedeloos nie. Al is ons uiterlik besig om te vergaan, innerlik word ons van dag tot dag vernuwe.

2 Korinthiërs 5:9

Maar, of ons hier woon of daar woon, ons het net een wens, en dit is om te lewe soos Hy dit wil.

2 Korinthiërs 6:5

Ons is geslaan, in die tronk gegooi en het in oproere beland; ons het swaar gewerk, nagte sonder slaap deurgemaak en honger gely.

Galasiërs 6:2

Dra mekaar se laste, en gee op dié manier uitvoering aan die wet van Christus.

Galasiërs 6:9

Laat ons dan nie moeg word om goed te doen nie, want as ons nie verslap nie, sal ons op die bestemde tyd ook die oes insamel.

Filippense 2:16

deur die woord van die lewe uit te dra. Dan sal ek op die dag van Christus se koms rede hê om trots te wees, omdat dit sal blyk dat ek my nie verniet ingespan het nie en nie verniet geswoeg het nie.

Filippense 4:3

Ja, ek vra jou ook, getroue medewerker, wees hierdie vroue behulpsaam. Hulle het saam met my die stryd gevoer in diens van die evangelie, net soos Klemens ook en my ander medewerkers, wie se name in die boek van die lewe staan.

Kolossense 1:11

Mag God deur sy wonderbare krag julle alle sterkte gee om in alle omstandighede geduldig te volhard.

1 Thessalonisense 1:3

bring ons dan voor God ons Vader in herinnering die werk van julle geloof, die inspanning van julle liefde en die volharding van julle hoop op ons Here Jesus Christus.

1 Thessalonisense 2:9

Julle onthou immers nog, broers, hoe ons geswoeg en gesweet het. Dag en nag het ons gewerk om nie vir enigeen van julle 'n las te wees terwyl ons die evangelie van God aan julle verkondig het nie.

1 Thessalonisense 5:12

Broers, ons vra julle: Erken die mense wat so hard onder julle werk en julle in opdrag van die Here lei en teregwys.

2 Thessalonisense 3:13

Wat julle betref, broers: Moenie moeg word om goed te doen nie.

2 Thessalonisense 3:5

Mag die Here julle gedagtes rig op die liefde van God en die volharding van Christus!

2 Thessalonisense 3:8

of op ander geteer nie. Inteendeel, ons het dag en nag geswoeg en gesweet om nie vir een van julle 'n las te wees nie.

1 Timoteus 4:10

Met hierdie vooruitsig span ons ons kragte in en stry ons, want ons het ons hoop op die lewende God gevestig, wat die Verlosser is van alle mense, van almal wat glo.

1 Timoteus 5:17

Die ouderlinge wat goeie leiding gee, behoort dubbele erkenning te kry, veral dié wat hard werk deur te preek en onderrig te gee,

Hebreërs 10:36

Volharding is wat julle nodig het om die wil van God te doen en te ontvang wat Hy beloof het.

Hebreërs 12:1

Terwyl ons dan so 'n groot skare geloofsgetuies rondom ons het, laat ons elke las van ons afgooi, ook die sonde wat ons so maklik verstrik, en laat ons die wedloop wat vir ons voorlê, met volharding hardloop,

Hebreërs 13:13

Laat ons dan nou uitgaan na Hom toe buitekant die laer en die smaad dra wat Hy gedra het,

Hebreërs 6:10

God is nie onregverdig nie: Hy sal julle werk nie vergeet nie en ook nie die liefde wat julle vir sy Naam betoon het deurdat julle julle medegelowiges gedien het en nog dien nie.

Hebreërs 6:12

Julle moet dus nie traag word nie, maar die voorbeeld navolg van dié wat deur geloof en geduld deel gekry het aan die dinge wat God beloof het.

Hebreërs 6:15

En so het Abraham dan, nadat hy geduldig gewag het, gekry wat aan hom beloof is.

2 Petrus 1:6

die kennis met selfbeheersing, die selfbeheersing met volharding, die volharding met godsvrug,

Openbaring 1:9

Ek, Johannes, is julle medegelowige, en deur ons verbondenheid met Jesus het ek saam met julle deel aan die verdrukking en aan die koninkryk en aan die volharding. Ek was op die eiland Patmos, waarheen ek verban was omdat ek die woord van God en die getuienis van Jesus verkondig het.

Openbaring 3:10

Omdat julle aan die boodskap van my volharding in lyding vasgehou het, sal Ek julle ook vashou in die tyd van beproewing wat oor die hele wêreld gaan kom om die bewoners van die aarde op die proef te stel.