Lukas 19:10 - Afrikaans 1983

¹⁰ Die Seun van die mens het immers gekom om te soek en te red wat verlore is.”

Bybel vir almal

¹⁰ Ek, die Seun van die mens, het gekom om almal wat verlore is, te soek en te red.”

Die Bybel 2020-vertaling

¹⁰ Die •Seun van die Mens het gekom om diegene wat verlore is, te soek en te verlos.”

Afrikaans 1933-1953

¹⁰ Want die Seun van die mens het gekom om te soek en te red wat verlore was.

Contemporary Afrikaans Bible 2023

¹⁰ Want die Seun van die mens het gekom om te soek en te red wat verlore was.

Die Boodskap

¹⁰ Jy ook! Ek, die Seun van die mens, het gekom om mense te soek wat op die verkeerde pad leef. Ek maak hulle lewens splinternuut.”

Nuwe Lewende Vertaling

¹⁰ Ek, die Seun van die Mens, het immers gekom om wat verlore is, te soek en te red.”

Lukas 19:10 Kruisverwysings

Esegiël 34:12

Soos 'n herder omsien na die kleinvee wat uit sy trop verstrooi raak, so sal Ek omsien na my kleinvee en hulle red uit al die plekke waarheen hulle verstrooi is op daardie donker oordeelsdag.

Esegiël 34:16

“Ek sal dié soek wat weggeraak het, dié terugbring wat weggedwaal het, die wonde versorg van dié wat seergekry het, die swakkes help. Maar Ek sal dié wat vet en sterk geword het, uitroei. Ek sal 'n herder wees wat reg laat geskied.

Matteus 1:21

Sy sal 'n Seun in die wêreld bring, en jy moet Hom Jesus noem, want dit is Hy wat sy volk van hulle sondes sal verlos.”

Matteus 10:6

Gaan liewer na die verlore skape van die volk Israel toe.

Matteus 15:24

Jesus antwoord: “Ek is net na die verlore skape van die volk Israel toe gestuur.”

Matteus 18:10

“Julle moet nooit een van hierdie kleintjies minag nie, want Ek verseker julle dat hulle engele in die hemel gedurigdeur by my hemelse Vader is.

Lukas 15:32

Maar ons kan tog nie anders as om fees te vier en bly te wees nie, want hierdie broer van jou was dood, en hy lewe weer; hy was verlore, en ons het hom teruggekry.’ ”

Lukas 15:8

“Of watter vrou wat tien silwermuntstukke het en een raak weg, steek nie 'n lamp op en vee die huis uit en soek sorgvuldig totdat sy dit kry nie?

Johannes 3:17

God het nie sy Seun na die wêreld toe gestuur om die wêreld te veroordeel nie, maar sodat die wêreld deur Hom gered kan word.

Romeine 5:6

Toe ons nog magteloos was, het Christus immers reeds op die bestemde tyd vir goddeloses gesterwe.

Hebreërs 7:25

Daarom kan Hy ook dié wat deur Hom na God gaan, eens en vir altyd verlos: Hy lewe vir altyd om vir hulle by God in te tree.