Psalms 134 - Bible Ni ThothupBa pong ni ngan pining e Sorok ngak Got 1 Mired, ngan pining e sorok ngak SOMOL, gimed gubin e tapigpig rok, gubin e pi’in yad ma pigpig u Tempel rok nnep’. 2 Mu chibiyed pa’med ngalang ngam meybilgad u lan e Tempel, ngam pininged e sorok ngak SOMOL! 3 Manga yigi fal’eg SOMOL ni sunumiy e tharmiy nge fayleng wa’athmed u Zion! |
© 2007 Bible Society of Micronesia. Released under the Creative Commons CC-BY-SA license 4.0.
eBible.org