Misambu 120 - MUKANDA WA MYIDI MUKULU

Ditendelela dia muntu udibu basonguela kapayi bualu

1 Musambu wa bena ngendu.

¹ Musambu wa bena ngendu. Pavua dikenga dinkuata, meme kubila Maweja-Nangila, kungitabaye.

² “Maweja-Nangila, umpandishe ku bianza bia bantu badi bashima, baditshipa mitshipu ya dishima.”

³ Nuenu badi baditshipa mitshipu ya dishima, ndikenga kaayi dianukengesha Mvidi Mukulu?

⁴ Neanukengeshe ne mikete mitue ya mvita, misakisha mu kapia ka makala.

⁵ Pandi nsomba mu ditunga dia Mesheke, ne mu nzubu ya ntenta ya bena Kedare, ndiakabi dianyi.

⁶ Ndi mupite kusomba munkatshi mua bantu badi babenga bupole.

⁷ Pandi ngakula bua bupole, bobu badi bakeba mvita.