Salmos 93 - Qheshwa Biblia DC

Señorpa jatun kaynin

¹ Señorqa reymin, payqa jatun kayninwan p'achallikun, atiyninwantaj chumpiykukun. Señorqa kay pachata sinch'ita sayacherqa mana kuyunampaj jina.

² Chaymantapachataj, Señor, tiyanaykeqa sinch'ita sayan. Qanqa wiñaymantapacha karqanki.

³ Señorníy, mayusqa sonarispa oqharikunku, sinch'ita qhollchoqeyaspa.

⁴ Qantaj janaj pachapi kaj Señorníy, yaku oqharikojmantapis aswan atiyniyoj kanki, phiña mar qocha qhollchoqeyajmantapis aswan atiyniyoj kanki.

⁵ Señorníy, tukuy qampa kamachisqasniyki sumaj sayasqas kanku. Llimphu kayqa wasiykipi wiñaypajpaj.